Ɛksodɔs 20:18 - EBƆRƐ BE KAWƆL

¹⁸ Basa na ka daŋ wu bɔrɛ ka nyɛkpɛ m ponte nɛ kabel ponte awɔrso nɛ b wu edishi ka sɔ kebeegboŋ na kikɛ so na nɛ kufu pɛ bumo nɛ b chicha kufuso nseŋ bɛta n yɔ kufɔ n ya yili.

Ɛksodɔs 20:18 ပူးပေါင်းရင်းမြစ်များ

Jɛnesis 15:17

Ade kikɛ be kaman epeŋi ka tɔr nɛ kaboŋ biri to nɛ kapuliya nɛ edishi bee lar kumo to nɛ kabulpi suseso ko ba choŋ n lar epul na to m ba bɔla eblaŋ na be nfɛato n choŋ.

Jɛnesis 3:10

Nɛ enyɛn na shuli ŋ kaŋɛ: “N nu fo ka na kudɔbi na to nna nɛ kufu pɛ ma ŋkpal ŋ ka maŋ dela shɛŋ so, amoso nɛ n ya ŋana.”

Nshɛ 81:7

Men ka daa wɔ etɔrɔ to, ma nɛ men shu n tre, nɛ m mɔlga menyi. Abɔrɛwɔlpa to nɛ n daa wɔ nseŋ nu menyi be kushu. Kumo be kaman nɛ n wora menyi ŋ keni ashi Mɛriba be kebuye na ase.

Jɛremaya 23:23

N la Ebɔrɛ nɛ e wɔ kaplɛkama nna mannɛ kaboŋ koŋwule nɛ n wɔ.

Ditɛronɔmi 18:16

Kachɛ nɛ men daŋ shɛr ashi kebeegboŋ nɛ baa tre Sainai na ase na, men daŋ kule ma nna fanɛ menyi maŋ naa sha kenu Enyɛnpe Ebɔrɛ na be ebɔl ŋko n wu mbe edɛ gboŋ na kikɛ, ŋkpal manɛ so, menyi daa lɔ kufu nna fanɛ menyeeŋ wu.”

Ditɛronɔmi 4:36

E daŋ shin nɛ mbe ebɔl shi ebɔrɛso m ba nɛ men nu, saŋɛ na so e beeŋ ŋini menyi asheŋ. Mo alɛ naŋ shin nɛ men wu mbe edɛ cheembi kasawule ere so nna nɛ e bɔla kumo to m malga n sa menyi.

Ditɛronɔmi 5:23

Jemanɛ nɛ edɛ na daa suse wuloŋwuloŋ kebee na so nɛ baa nu ebɔl na tentembiri na to na, nɛ bejuŋkparpoana nɛ eyiriana na be benimuana na ba ŋ kutɔ

Ditɛronɔmi 5:25

Ama anyi maa sha kewora ewɔji nɛ edɛ gboŋgboŋi ere e mɔ anyi. An baa nyi geeŋ fanɛ nɛ Enyɛnpe, anyi be Ebɔrɛ na kraa malga anyi kutɔ, anyeeŋ wu.

Ditɛronɔmi 5:27

Amoso, Mosis, bɛta n yɔ n ya nu kusɔ kama nɛ Enyɛnpe, anyi be Ebɔrɛ na kaŋɛ nseŋ ba kaŋɛ anyi. Anyeeŋ nu nseŋ wora kusɔ kama nɛ e kaŋɛ.”

Ditɛronɔmi 5:5

N daa yil bumo nɛ Enyɛnpe Ebɔrɛ na be kefɛato nna a kute asheŋ nɛ e daa kaŋɛ na a sa bumo, ŋkpal manɛ so, b daa ŋana edɛ na nna nsaa maŋ shuli n dii kebee na so. Ndoŋ nna nɛ Enyɛnpe Ebɔrɛ na kaŋɛ,