Ɛksodɔs 20:16 - EBƆRƐ BE KAWƆL

¹⁶ Men sa maa ji efɛ be shɛda a gbiti men braana.

Ɛksodɔs 20:16 ပူးပေါင်းရင်းမြစ်များ

Nshɛ 15:3

nsaa maa ku efɛ a deŋi bumo braana, ŋko a malga asheŋ lubi a gbiti bumo na; nɛ bumo nɛ baa sa basa bunyaŋ na,

Ɛksodɔs 23:1

Men sa maa bɔ efɛ be baru, ŋko a ji efɛ be shɛda a chɛ belubiworapo to.

Aŋasa 10:18

Esa kama nɛ kekishi wɔ mo to la efɛpo nna. Ewulpo e naa ta b yɛ b yɛ a shuŋ.

Aŋasa 11:13

Esheŋjipo kikɛ maŋ kɔ ashiri, ama feeŋ tiŋ n yirda esa nɛ basa bee sa yirda bre.

Aŋasa 19:5

Efɛ be shɛdajipo ashi demujikpa maaŋ ta mbe kumu n ji nɛ e maŋ nya kasogberge.

Aŋasa 25:18

Keji efɛ be shɛda ŋ gbiti esa du nna fanɛ fo ka da mo kasaŋɛ ŋko ketanyembi ŋko ŋ ŋe mo kedibi nna.

Levitikɔs 19:11

Sa maŋ kaŋ yuri ŋko m puni ŋko ŋ ku efɛ.

Levitikɔs 19:16

Men sa maa nite a ji basa be asheŋ a ku efɛ a deŋi bumo. Nɛ baa ji esa demu nɛ k beeŋ tiŋ n shin nɛ e paŋ mbe ŋkpa nɛ feeŋ tiŋ n ji shɛda n chɛ mo to, fo wora loŋ. Ma e la Enyɛnpe Ebɔrɛ na.

Levitikɔs 19:18

Sa maŋ kaŋ wora n tal esa kikɛ to ŋkpal kulubi so ŋko n nya yurkishi fo kagbene to n sa esa, ama baa sha fo barkasa fanɛ fo kumu. Ma e la Enyɛnpe Ebɔrɛ na.

Matiu 19:18

Nɛ kanyɛn na bishi mo: “Amo malɛ?” Nɛ Yesu kaŋɛ mo: “Amo e la fanɛ, sa maŋ kaŋ mɔ, sa maa ji kubojua, sa maŋ kaŋ yuri, sa maŋ kaŋ ji efɛ be shɛda,

Luuk 3:14

Nɛ benapo ko malɛ ba bishi mo: “Manɛ nɛ anyi alɛ beeŋ wora?” Nɛ e kaŋɛ bumo: “Men sa maa suge basa be amansherbi ŋko a ji bumo so. Men shin nɛ men be kakɔka e baa kukwe menyi.”

Ashuŋ Shunso 6:13

nseŋ shin nɛ basa ko ba ku efɛ n deŋi mo ŋ kaŋɛ: “Saŋkama kanyɛn ere bee malga a gbiti anyi be bɔrɛlambu cheembi na nɛ Mosis be mbra nna.

Ɛfesesebi 4:31

Men lara ŋgbene nɛ a maa yige asheŋ a paŋ na menyi to, nseŋ lara kenyaŋɛto nɛ agbo nɛ kaponte nɛ katege nɛ kekishiso be nfɛra be yiri kikɛ menyi to.

Ditɛronɔmi 5:20

Men sa maŋ kaŋ ku efɛ n deŋi esa kama.

1 Timoti 1:10

Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.

2 Timoti 3:3

Basa maaŋ ba kaa kɔ kasha nseŋ lar kuwɔr to nsaa kɔ efɛ be eshɛda. Baaŋ ba kaa wɔtɔ a diewu, bumo alɛ nsaa la basa ŋana so nseŋ ba kaa kishi kelela be yiri kikɛ.

Jeems 4:11

Ŋ kurgepoana, men sa maa ji abar be asheŋ a wu abar kulubi. Ekama nɛ e ji mo barkasa be asheŋ n wu mo kulubi e bee ji mbra na be asheŋ a wu kumo kulubi nna na. Fo kama malɛ nɛ fo wu mbra na kulubi, kumo ere fo maŋ naa nu a sa mbra na nna na, ama fo ki esa nɛ e bee ji kumo demu.