Ɛksodɔs 20:15 - EBƆRƐ BE KAWƆL

¹⁵ Men sa maa yuri.

Ɛksodɔs 20:15 ပူးပေါင်းရင်းမြစ်များ

Ɛksodɔs 21:16

Esa kama nɛ e yuri dimɛdi n fa ŋko n ta mo a kɔ fanɛ kenya, amodoŋwura gba daga luwu.

Aŋasa 11:1

Enyɛnpe Ebɔrɛ kishi kapuni be kasɔkarga ga. Kasɔkarga nɛ k bɔla ekpa e naa fuli mbe kagbene.

Levitikɔs 19:11

Sa maŋ kaŋ yuri ŋko m puni ŋko ŋ ku efɛ.

Levitikɔs 19:13

Sa maŋ kaŋ ji fo barkasa durmu ŋko n suge mo. Sa maŋ kaŋ mɔn esa nɛ fo ber paa mbe kakɔka, sa maŋ shin nɛ kare a chɛ kumo so gba.

Eemɔs 3:10

Enyɛnpe Ebɔrɛ yɛ: “Koyu nɛ kebaa tintiŋ basa a sɔ bumo be asɔ nɛ basa ere bɔla so ŋ gbare asɔ m bɔlɔ ebuana. B maaŋ tiŋ n ji kashenteŋ kikɛ.”

Maika 7:3

Alubi be kewora deŋ ekama nna. Ekrachi nɛ demujipoana bee tu basa nna a sɔ asɔ pɔɛŋ nsaa shuŋ bumo be ashuŋ a sa bumo. Ekama nɛ e kɔ eyilikpa basa to bee bɔla mbe eyilikpa so nna a fin asɔ a sa mbe kumu nna. Ekama wora kɔnɔ nna a shin nɛ loŋ be asheŋ bee wora.

Matiu 15:19

Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Matiu 19:18

Nɛ kanyɛn na bishi mo: “Amo malɛ?” Nɛ Yesu kaŋɛ mo: “Amo e la fanɛ, sa maŋ kaŋ mɔ, sa maa ji kubojua, sa maŋ kaŋ yuri, sa maŋ kaŋ ji efɛ be shɛda,

Matiu 21:13

nseŋ kaŋɛ basa na le: “Abɔrɛsibɛ na bee kaŋɛ fanɛ Ebɔrɛ kaŋɛ: ‘Baaŋ tre ma kowu kabɔrɛkule be kakpa.’ Ama menyi ere ta kumo ŋ ki beyu be eŋanakpa.”

Baru lela nɛ Jɔn kute na 12:6

Mannɛ fanɛ betirpo be asheŋ ka tir mo so so nɛ e daŋ kaŋɛ loŋ, ama e daa la eyu nna. Mo e daa la katuŋ na be amansherbikenipo, amoso, e daa wɔtɔ nna a lara amansherbi na be ako a wɔtɔ mbe jifa to.

Romebi 13:9

Ebɔrɛ be mbraana nɛ a bee kaŋɛ le na: “Men sa maa ji kubojua nɛ men sa maa mɔ nɛ men sa maa yuri nɛ men sa maa yɛlga abar be asɔ,” nɛ mbraana nɛ a ka na kikɛ wɔ le be mbra ere to nna: “Baa sha fo barkasa dimɛdi fanɛ fo gbagba be kumu.”

1 Kɔrintebi 6:10

Beyu ŋko kejimuniwuraana ŋko nsanuupoana ŋko bumo nɛ baa tege bumo braana ŋko besugepoana maaŋ nya Ebɔrɛ be kuwura na to n luri kikɛ.

Ɛfesesebi 4:28

Ekama nɛ e daa yuri e yige kayu na naniere nseŋ fara a ta mbe enɔana a wora asheŋ lela a shuŋ, saŋɛ na so e beeŋ nya kusɔ nɛ k daga n tiŋ n chɛ bumo nɛ b maŋ kɔ to.

Ditɛronɔmi 24:7

Menyi to be ekama nɛ e beeŋ pɛ mo barkasa Israɛl be esa ŋ ki mbe kenya ŋko n fa fanɛ kenya, a daga fanɛ men mɔ esa nɛ e fa mo barkasa na. Kananɛ menyeeŋ wora n lara le be kulubi ere efuli na so nna na.

Ditɛronɔmi 5:19

Men sa maŋ kaŋ yuri.

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.