Ɛksodɔs 20:14 - EBƆRƐ BE KAWƆL

¹⁴ Men sa maa ji kesakalea ŋko a di men braana be beche ŋko bumo kulana.

Ɛksodɔs 20:14 ပူးပေါင်းရင်းမြစ်များ

Jɛnesis 39:9

Kenimu be kaplɛa so, esa kama maŋ chɔ ma laŋ ere to. N nyɛnpe maa mɔn ma shɛŋ shɛŋ laŋ ere to ama fo nawule nɛ e maŋ ta m bɔɔ ma enɔ, ŋkpal manɛ so, mbe eche e la fo. To, nɛ nuso nɛ meeŋ tiŋ n nya kagbene kpakpaso n wora le be kulubi ŋ gbiti Ebɔrɛ?”

2 Samuɛl 11:27

B ka wora keeli n loge, nɛ ewura Deevid shuŋi nɛ b ya keta mo m ba ewurkpa nɛ e ta mo ŋ ki mbe eche hale nɛ e kurge ebinyɛn n sa mo. Ama kusɔ nɛ Deevid wora na daa maŋ par Enyɛnpe Ebɔrɛ.

Levitikɔs 18:20

Sa maŋ kaŋ di fo barkasa be eche, k beeŋ shin nɛ fo wora eyurpi.

Levitikɔs 20:10

Nɛ enyɛn di mo barkasa be eche, mo nɛ eche na kikɛ ji kubojua nna na nseŋ daga luwu.

Malakai 2:15

Ebɔrɛ maŋ ta menyi nna m ber abar so nɛ men ki kukoŋwule a? Manɛ so nɛ e wora loŋ? E daŋ wora loŋ nna saŋɛ na so menyeeŋ kurge mbia nɛ b la Ebɔrɛ be basa kashenteŋto. Amoso k maŋ daga ekama ka kini mbe eche.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Nɔmbɛs 5:12

e kaŋɛ Israɛlebi na fanɛ nɛ k ba fanɛ enyɛn maŋ wora mbe eche yirda ŋkpal e ka bee fɛ fanɛ eche na bee ji kubojua nna so,

Matiu 19:18

Nɛ kanyɛn na bishi mo: “Amo malɛ?” Nɛ Yesu kaŋɛ mo: “Amo e la fanɛ, sa maŋ kaŋ mɔ, sa maa ji kubojua, sa maŋ kaŋ yuri, sa maŋ kaŋ ji efɛ be shɛda,

Romebi 13:9

Ebɔrɛ be mbraana nɛ a bee kaŋɛ le na: “Men sa maa ji kubojua nɛ men sa maa mɔ nɛ men sa maa yuri nɛ men sa maa yɛlga abar be asɔ,” nɛ mbraana nɛ a ka na kikɛ wɔ le be mbra ere to nna: “Baa sha fo barkasa dimɛdi fanɛ fo gbagba be kumu.”

Ditɛronɔmi 5:18

Men sa maŋ kaŋ ji kubojua.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

Jeems 2:11

Ŋkpal manɛ so, Ebɔrɛ koŋwule nɛ e kaŋɛ fanɛ: “Men sa maa kɔ kesakalea” na koŋwule na e kaŋɛ le: “Men sa maa mɔ abar.” Amoso, nɛ esa maŋ tɔr kesakalea be ntaŋ gba nseŋ mɔ esa, e tɔr Ebɔrɛ be ntaŋana na kikɛ.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”