Ɛksodɔs 20:13 - EBƆRƐ BE KAWƆL

¹³ Men sa maŋ kaŋ mɔ.

Ɛksodɔs 20:13 ပူးပေါင်းရင်းမြစ်များ

2 Bewura 21:16

Ewura Manase daŋ mɔ basa damta nɛ b maŋ wora shɛŋ nna nɛ bumo be ŋklaŋ teŋi n sɔ Jerusalɛm be kubɔrbi so kikɛ. Ade kikɛ be kaman nɛ e naŋ shin nɛ Juda be efuli so be basa gba luri kagbirshuŋ to nseŋ wora kulubi ŋ gbiti Enyɛnpe Ebɔrɛ na.

Ɛksodɔs 21:12

Esa kama nɛ e ŋmɛa mo barkasa m mɔ, k daga fanɛ b mɔ amodoŋwura gba.

Ɛksodɔs 21:14

Ama nɛ esa baŋ kute m mɔ mo barkasa bre, hale nɛ e shile n yɔ ma bɔrɛsure na ase gba, k daga fanɛ b mɔ mo.

Ɛksodɔs 21:20

Esa kama baŋ ŋmɛa mbe kenyache ŋko kenyanyɛn kekpabi nɛ kenya na wu epul na to, k daga fanɛ b gberge mo nyɛnpe na kusoe.

Ɛksodɔs 21:29

Ama nɛ k la fanɛ gbolu na chɛr a tɔrɔ basa nna nɛ b kpele mo nawura kusoe nɛ e yige nɛ k ya chute esa m mɔ, kumo ere k daga fanɛ b kpa gbolu na ajembu m mɔ nseŋ mɔ mo nawura na gba.

Ɛksodɔs 23:7

Men sa maa ku efɛ a deŋi basa so, ŋko a ji demu a kaŋɛ fanɛ basa nɛ b maŋ wora n jija daga luwu. Esa kama nɛ e wora loŋ maaŋ ji n lar ma anishito kikɛ.

Aŋasa 1:11

Nɛ b baŋ kaŋɛ fo le: “Ba tu anyi nɛ an ya ŋana n dese ekpakar n fin esa ko m mɔ kenyanyaŋɛso,

Aŋasa 1:18

To, loŋ be basa lubi na bee sho bumo gbagba be amu ajigbelɛ nna. B yɛ basa nɛ baa pugi a jo, ama bumo gbagba be amu nɛ baa kilgi a mɔ.

Aizaaya 26:21

Keni, Enyɛnpe Ebɔrɛ na beeŋ shi ebɔrɛso m ba gberge durnya to be basa kusoe ŋkpal bumo alubi so. Basa kama nɛ b mɔ ashiri to na be asheŋ beeŋ lar efuli nɛ b nya kumo be kasogberge.

Jɛremaya 26:15

Ama men baa nyi fanɛ, nɛ men mɔ ma menyi nɛ basa nɛ b wɔ kadegboŋ ere to kikɛ beeŋ tɔr ntaŋ ŋkpal men ka mɔ esa nɛ e maŋ wora shɛŋ so. Ŋkpal manɛ so, Enyɛnpe Ebɔrɛ na e shuŋi ma fanɛ m ba kpele menyi kusoe.”

Levitikɔs 24:17

Esa kama nɛ e lara mo barkasa dimɛdi be efute daga fanɛ b mɔ mo alɛ gba.

Levitikɔs 24:21

Esa kama nɛ e mɔ kusɔbɔya beeŋ ka kusɔbɔya nna n tal kumo to, ama nɛ esa baŋ mɔ dimɛdi bre, baaŋ mɔ mo alɛ gba.

Matiu 19:18

Nɛ kanyɛn na bishi mo: “Amo malɛ?” Nɛ Yesu kaŋɛ mo: “Amo e la fanɛ, sa maŋ kaŋ mɔ, sa maa ji kubojua, sa maŋ kaŋ yuri, sa maŋ kaŋ ji efɛ be shɛda,

Maak 10:19

Fo nyi mbraana nɛ a bee kaŋɛ: Sa maŋ kaŋ mɔ, sa maa ji kubojua, sa maŋ kaŋ yuri, sa maŋ kaŋ ji efɛ be shɛda, sa maŋ kaŋ puni, baa bunyaŋ fo tuto nɛ fo nio.”

Luuk 18:20

Fo nyi mbraana nɛ a bee kaŋɛ, sa maa ji kubojua, sa maŋ kaŋ mɔ, sa maŋ kaŋ yuri, sa maŋ kaŋ ji efɛ be shɛda, baa bunyaŋ fo tuto nɛ fo nio na ŋko?”

Ashuŋ Shunso 16:28

Ndoŋ nna nɛ Pɔɔl boŋ to awɔrso ga ŋ kaŋɛ: “Sa maŋ doro fo kumu. Anyi kikɛ wɔtɔ.”

Ashuŋ Shunso 28:4

Kepla na so be basa na ka wu kuwɔ na ka chul Pɔɔl be enɔ so nɛ b kaŋɛ abar: “Kanyɛn ere la emɔpo nna, k maŋ kɔ emɔrɔ. E tiŋ n lar nchu na to nɛ alenfia, ama kashenteŋ be ekpa so be ebɔrɛ na maaŋ yige mo nɛ e baa kraa wɔtɔ.”

Romebi 13:9

Ebɔrɛ be mbraana nɛ a bee kaŋɛ le na: “Men sa maa ji kubojua nɛ men sa maa mɔ nɛ men sa maa yuri nɛ men sa maa yɛlga abar be asɔ,” nɛ mbraana nɛ a ka na kikɛ wɔ le be mbra ere to nna: “Baa sha fo barkasa dimɛdi fanɛ fo gbagba be kumu.”

Galeeshaebi 5:21

Kayurbesa, kasanuu jijiga nɛ amo be nfɛra lubiana n ta asheŋ lubi damta ko malɛ gba n ti so. N chɛr n fiɛ menyi so, ama men shin nɛ n naŋ lɔŋɛ ŋ kaŋɛ menyi fanɛ bekama nɛ baa wora le be asheŋ ere maaŋ luri Ebɔrɛ be kuwura na to kikɛ.

Ditɛronɔmi 5:17

Men sa maŋ kaŋ mɔ.

1 Timoti 1:9

Anyi alɛ naa nyi fanɛ Ebɔrɛ maŋ bar mbra na nna ŋkpal basa lela so. E bar kumo nna ŋkpal basa nɛ baa wora a da ntaŋ na so ŋko bumo nɛ b maa nu a sa Ebɔrɛ ŋko a bunyaŋ mo na so so. Alubiworapoana nɛ bumo nɛ b maŋ du cheembi nɛ bɔrɛkinipoana nɛ bumo nɛ baa mɔ bumo tutoana nɛ bumo nioana nɛ basa pɔtɛ na so e shin nɛ Ebɔrɛ bar mbra na.

Jeems 2:11

Ŋkpal manɛ so, Ebɔrɛ koŋwule nɛ e kaŋɛ fanɛ: “Men sa maa kɔ kesakalea” na koŋwule na e kaŋɛ le: “Men sa maa mɔ abar.” Amoso, nɛ esa maŋ tɔr kesakalea be ntaŋ gba nseŋ mɔ esa, e tɔr Ebɔrɛ be ntaŋana na kikɛ.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.