Ɛksodɔs 20:12 - EBƆRƐ BE KAWƆL

¹² Men baa bunyaŋ men nioana nɛ men tutoana, saŋɛ na so men be ŋkpa beeŋ teŋi so ashi kasawule nɛ mee ta a sa menyi na so.

Ɛksodɔs 20:12 ပူးပေါင်းရင်းမြစ်များ

Jɛnesis 48:12

E ka malga loŋ n loge na nɛ Josɛf maŋ mbia na so ashi mbe aya so nseŋ gbir mbe anishito ndoŋ ŋ kurgi kumu n yuu to.

Jɛnesis 50:12

Ade kikɛ e daa ŋini fanɛ Jeekɔb be mbia na daŋ wora asɔ nɛ bumo tuto daŋ ŋini bumo na kikɛ nyam.

1 Bewura 2:19

Ndoŋ nna nɛ Bɛshiba yɔ ewura Sɔlɔmɔn kutɔ nɛ e ya kaŋɛ mo kusɔ nɛ Adonija kaŋɛ na. Ewura Sɔlɔmɔn ka wu mo nio nɛ e koso n yili n chɔrɔ mo bunyaŋ so, nseŋ chena mbe kuwurputi so, n shin nɛ b ta kuwurputi ko malɛ m ba nase mbe jisoso nɛ mo nio chena so.

2 Bewura 2:12

Elaisha ka wu loŋ nɛ e boŋto ŋ kaŋɛ anebi Elaija le: “Israɛl be benapo nɛ baa dii egbaŋɛ a kɔ kena nɛ bumo nɛ baa ta egbaŋɛturko a kɔ kena na ta n nyɛnpe n choŋ!” E ka baŋ kaŋɛ loŋ n loge, e maŋ naŋ wu anebi Elaija. Nɛ Elaisha chaŋɛ mbe piŋi to a ŋini mbe kagbenejija.

Ɛksodɔs 21:15

Esa kama malɛ nɛ e ŋmɛa mo tuto ŋko mo nio, k daga fanɛ b mɔ mo.

Ɛksodɔs 21:17

Esa kama malɛ nɛ e sho mo tuto ŋko mo nio kɔnɔ daga luwu.

Aŋasa 15:5

Ewulpo e naa kplaŋ mo tuto nɛ mo nio be keŋini so. Enyiashempo kikɛ bee shin nɛ mo tuto nɛ mo nio bee niŋi mo ekpa nna.

Aŋasa 17:6

Benanabi du fanɛ kuwurwuro nna n sa bumo nanaana; nɛ mbia malɛ bee ji njɔŋ ŋkpal bumo kurgepoana so so.

Aŋasa 20:20

Esa nɛ e bee sho mo tuto nɛ mo nio kɔnɔ be ŋkpa maa teŋiso, k du nna fanɛ fitila ka duŋ tentembiri to epul to nna.

Aŋasa 28:24

Esa kama nɛ e bee fɛ fanɛ, keyuri mo tuto ŋko mo nio maŋ la kulubi maŋ kɔr eyu pɔtɛ to.

Aŋasa 3:16

Kanyiasheŋ e naa sa esa ŋkpa tenteŋ, nɛ kedamaya nɛ kemaŋkura.

Aŋasa 30:11

Basa ko bee sho bumo tutoana kɔnɔ nna nsaa maa keni bumo nioana a bɔlɔ kenishi.

Aŋasa 30:17

Ejita e naŋ ji bekama nɛ baa fɛl bumo tutoana nsaa keni bumo nioana jiga na be eblaŋ kupuŋ to.

Jɛremaya 35:18

Ade kikɛ be kaman nɛ Enyɛnpetale, Israɛl be Ebɔrɛ na naŋ kaŋɛ ma fanɛ ŋ kaŋɛ Rekab be kabuna ebi na le: “Menyi ere wora kusɔ nɛ men nananyɛn Jonadab kaŋɛ menyi kenishipereso na kasonu nseŋ bɛ mbe keŋini kikɛ so n wora kusɔ nɛ k daga.

Jɛremaya 35:7

Mo alɛ daŋ naŋ kaŋɛ anyi fanɛ an sa maŋ pɔr nwu ŋko n dɔ adɔjibi ŋko ndibi sɔrso be adɔ. E daŋ kaŋɛ anyi kenishipereso fanɛ an baa wɔ ewajɛbu to nna jemanɛ kikɛ, saŋɛ na so anyi ere beeŋ baa wɔ kasawule ere so fanɛ befɔ.

Ezikɛl 22:7

Menyi basa nɛ men wɔ kadegboŋ na to na maa sa men tutoana nɛ men nioana bunyaŋ. Menyee puni befɔ nna nsaa kɔrfɛ amunibi nɛ bekulpoche.

Levitikɔs 19:3

Men be ekama daga e sa mo nio nɛ mo tuto bunyaŋ, nseŋ ta Kewushiachɛ na kachɛ cheembi fanɛ kananɛ n yili n sa menyi na. Ma e la Enyɛnpe menyi be Ebɔrɛ na.

Levitikɔs 19:32

Men baa sa basakpar bunyaŋ nsaa maŋkura bumo. Men baa nu a sa ma bunyanso, ŋkpal manɛ so, ma e la Enyɛnpe Ebɔrɛ na.

Malakai 1:6

Le nɛ Enyɛnpe Ebɔrɛ daŋ kaŋɛ bɔrɛmatapoana na: “Kebia bee bunyaŋ mo tuto nna nɛ kayɛrbi malɛ bee sa mo nyɛnpe bunyaŋ. N la men tuto nna, nɛ manɛ e ba nɛ menyi maa bunyaŋ ma? N la men nyɛnpe nna, nɛ manɛ e ba nɛ menyi maa sa ma bunyaŋ? Men keni ma jiga, ama menyi alɛ kraa bishi fanɛ nuso nɛ an keni fo jiga?

Matiu 19:19

baa bunyaŋ fo tuto nɛ fo nio nsaa sha fo barkasa fanɛ fo kumu.”

Maak 10:19

Fo nyi mbraana nɛ a bee kaŋɛ: Sa maŋ kaŋ mɔ, sa maa ji kubojua, sa maŋ kaŋ yuri, sa maŋ kaŋ ji efɛ be shɛda, sa maŋ kaŋ puni, baa bunyaŋ fo tuto nɛ fo nio.”

Maak 7:10

Ŋkpal manɛ so, anebi Mosis daŋ kaŋɛ fanɛ: ‘Bunyaŋ fo tuto nɛ fo nio,’ nɛ: ‘Ekama nɛ e malga ŋ gbiti mo nio nɛ mo tuto, b mɔ amodoŋwura.’

Luuk 18:20

Fo nyi mbraana nɛ a bee kaŋɛ, sa maa ji kubojua, sa maŋ kaŋ mɔ, sa maŋ kaŋ yuri, sa maŋ kaŋ ji efɛ be shɛda, baa bunyaŋ fo tuto nɛ fo nio na ŋko?”

Ɛfesesebi 5:21

Men baa bar men be amu kaseto a sa abar ŋkpal men be bunyaŋ nɛ men kɔ a sa Kristo na so.

Ditɛronɔmi 11:8

Amoso, men baa wora asheŋ nɛ ŋ kaŋɛ menyi kabre ere kikɛ kasonu. Aloŋ nɛ menyeeŋ tiŋ n dii Jɔɔdan be lɔr na n ya sɔ kasawule nɛ menyee sha keluri to ere n chena so.

Ditɛronɔmi 11:9

Nseŋ tiŋ n chena kasawule lela nɛ k bee wora adɔjibi ga, nɛ Enyɛnpe Ebɔrɛ na nase kumo be kɔnɔ n sa menyi nananyɛnana nɛ bumo kaman to ebi ere so n chɛr.

Ditɛronɔmi 21:18

An ta fanɛ esa ko ka kɔ mo pibinyɛn kpeŋso nɛ e maa nu a sa mo nio nɛ mo tuto nɛ baa gberge mo kusoe nɛ e kraa maa chɛrga.

Ditɛronɔmi 25:15

Men baa ta asɔ nɛ a daga a karga asɔ be egbɛ ŋko amo be kananɛ a sa, saŋɛ na so menyi beeŋ chena kasawule nɛ Enyɛnpe menyi be Ebɔrɛ na bee sa menyi na so n chɛr.

Ditɛronɔmi 27:16

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ ŋaba mo tuto ŋko mo nio so.” Nɛ basa nɛ b yil Ebal be kebee so na kikɛ shuliso le: ‘Amɛn!’

Ditɛronɔmi 32:47

Ebɔrɛ be mbraana na maŋ la mmalga fuloŋ nna. Amo e naaŋ sa menyi ŋkpa tenteŋ. Amoso, men baa wora amo kasonu nseŋ nya ŋkpa tenteŋ ashi kasawule nɛ k dese Jɔɔdan be lɔr na be kaba ndoŋ nɛ menyee yɔ nɛ men ya kɔ n sɔ n chena so na so.”

Ditɛronɔmi 4:26

Amoso, esoso nɛ kasawule bee ji ma shɛda kabre nna fanɛ nɛ men kaŋ kini kenu n sa ma, k maaŋ chɛr nɛ men mur kasawule na so. Menyi maaŋ chena kasawule nɛ k wɔ Jɔɔdan be kaba ndoŋ na so n chɛr. Menyeeŋ mur cheche.

Ditɛronɔmi 4:40

Men baa wora mbe mbraana kikɛ nɛ mee sa menyi kabre ere kasonu, nɛ asheŋ a nyalɛ n sa menyi nɛ menyi be kaman to ebi kikɛ. Kumo be kaman nɛ men chena kasawule nɛ Enyɛnpe, menyi be Ebɔrɛ na bee ta a sa menyi na so mbaanaayɔ.”

Ditɛronɔmi 5:16

Men baa bunyaŋ men tutoana nɛ men nioana, fanɛ kananɛ ma, Enyɛnpe, menyi be Ebɔrɛ na yili n sa menyi na; saŋɛ na so, asheŋ beeŋ nyalɛ n sa menyi nɛ menyi alɛ e chena kasawule nɛ n ta a sa menyi ere so n chɛr.

Ditɛronɔmi 5:33

Men baa bɛ amo kikɛ so, saŋɛ na so, asheŋ beeŋ nyalɛ n sa menyi nɛ men tiŋ n chena kasawule nɛ Enyɛnpe, menyi be Ebɔrɛ na bee ta a sa menyi na so n chɛr.

Ditɛronɔmi 6:2

A daga fanɛ menyi nɛ menyi be kamanebi kikɛ ka bee bunyaŋ Enyɛnpe menyi be Ebɔrɛ na nsaa wora mbe mbraana nɛ n ta a sa menyi ere kasonu menyi be kebaawɔtɔ kikɛ to, saŋɛ na so menyeeŋ chena kasawule na so n chɛr.

Kɔlɔsiebi 3:20

Mbia, men baa bunyaŋ men nioana nɛ men tutoana kusɔ kama to ŋkpal men ka la Enyɛnpe na peya so, aloŋ e naa par Enyɛnpe na.

Ruf be kawɔl 3:6

Kumo be kaman nɛ e yɔ kakpa nɛ baa bri asɔ na n ya wora kusɔ nɛ mo shache ŋini mo na kikɛ nyam.

1 Samuɛl 22:3

Kumo be kaman nɛ Deevid lar kebeelaŋ nɛ k mata Adulam na to n yɔ Mizpa ashi Mowab be efuli so n ya kaŋɛ Mowab be ewura le: “Jande shin nɛ n tuto nɛ n nio e ba chena fo kutɔ n ya fo saŋɛ nɛ meeŋ wu kusɔ nɛ Ebɔrɛ beeŋ wora n sa ma.”