Ɛksodɔs 20:10 - EBƆRƐ BE KAWƆL

¹⁰ Kachɛ shunusopo na bre la ewushi be kachɛ nna n sa Enyɛnpe Ebɔrɛ men be Ebɔrɛ na. Kumo be kachɛ na bre menyi nɛ men be bibinyɛn nɛ bibiche nɛ anya nyɛnso nɛ becheso nɛ asɔbɔya dɔso nɛ befɔ nɛ b wɔ men be nde to kikɛ, maŋ daga fanɛ b shuŋ kushuŋ kikɛ.

Ɛksodɔs 20:10 ပူးပေါင်းရင်းမြစ်များ

Nehemaya 10:31

Anyi alɛ maaŋ tɔ asɔ, hale ajibi jiso gba esa kikɛ kutɔ Kewushiachɛ na ŋko kachɛ cheembi kikɛ. Kafɛ shunusopo kikɛ, anyeeŋ shin nɛ anyi be adɔsawule e dese n wushi. Anyi alɛ beeŋ ta basa be akɔ nɛ b ji anyi ŋ kɛ bumo loŋ be jemanɛ na.

Ɛksodɔs 16:26

Nchɛnshe she nɛ menyeeŋ baa muu amo, ama kachɛ shunusopo nɛ k la kewushiachɛ na bre men maaŋ nya amo m muu.”

Ɛksodɔs 31:13

“Kaŋɛ Israɛlebi fanɛ b baa bɛ ma kewushiachɛ be daŋkare so nsaa ta kumo fanɛ kachɛ cheembi, ŋkpal manɛ so, kewushiachɛ na la ma nɛ menyi nɛ menyi be kaman to ebi kikɛ be kanyiŋi be kachɛ nna a ŋini fanɛ ma, Enyɛnpe Ebɔrɛ na e lara menyi fanɛ ma basa.

Ɛksodɔs 34:21

Nchɛnshe e daga fanɛ men ta n shuŋ menyi be ashuŋ nseŋ wushi kachɛ shunusopo na. Hale k la kudɔ ŋko kasɔteŋi be saŋɛ gba, a daga fanɛ men wushi kumo be kamɔnchɛ.

Ɛksodɔs 35:2

Nchɛnshe e daga fanɛ men shuŋ menyi be ashuŋ. Kachɛ shunusopo na bre la Enyɛnpe Ebɔrɛ be Kewushiachɛ cheembi nna. Esa kama nɛ e shuŋ kushuŋ kama kamɔnchɛ, daga fanɛ b mɔ mo.

Ezikɛl 14:7

Nɛ fanɛ Israɛl be esa ko ŋko efɔ ko nɛ e wɔ Israɛl be efuli so kini ma nseŋ ya kaa shuŋ agbir, kumo be kaman nɛ e yɔ anebi kutɔ n ya kaa fin ma kɔnɔ to be kamalga be kenu, ma Enyɛnpe Ebɔrɛ gbagba e naŋ tuge mo.

Levitikɔs 23:3

Nchɛnshe nɛ menyeeŋ ta n shuŋ menyi be ashuŋ, ama men baa nyiŋi fanɛ kachɛ shunusopo na bre la Kewushiachɛ nna. Loŋ be kachɛ nɛ menyeeŋ ta n shɛr abar so m bunyaŋ ma Enyɛnpe Ebɔrɛ na. Kaplɛkama nɛ men wɔ, Kewushiachɛ na la Enyɛnpe Ebɔrɛ na be kachɛ nna.

Luuk 23:56

Kumo be kaman nɛ b bɛta n yɔ epe n ya wora ŋku dufɛso nɛ etulale n yili. Kewushiachɛ ka fo nɛ b wushi m bɛ kusɔ nɛ mbra na bee kaŋɛ na so.