Ɛksodɔs 2:5 - EBƆRƐ BE KAWƆL

⁵ K maŋ chɛr ko nɛ ewura Fɛɛro pibiche ba lɔr na to nɛ e ba bɛr nɛ mbe mbita malɛ na lɔr na be ekarso. Nɛ ewura Fɛɛro pibiche na wu kelantaŋɛ na ka yil nchu to ashi afitiri jeŋgreŋ na to nɛ e shuŋi mbe kenyache fanɛ e ya ta kumo m ba.

Ɛksodɔs 2:5 ပူးပေါင်းရင်းမြစ်များ

1 Bewura 17:6

Kabombi na be nchu nɛ e daa nuu, nɛ emɔmɔ bee bar mo ajibi nɛ eblaŋ kachipurso nɛ kaaseso kikɛ.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Nshɛ 76:10

Kashenteŋto nɛ fo baŋ nya agbo, basa nɛ b nya agbo n wɔtɔ fo gba bee kpaŋ fo nna.

Nshɛ 9:9

Fo Enyɛnpe Ebɔrɛ kutɔ nɛ basa nɛ baa mɛaŋ beeŋ tiŋ n shile m ba nɛ fo kuŋ bumo. Fo e la ekuŋkpa lempo awurfoŋ be saŋɛ.

Ɛksodɔs 2:6

Ndoŋ nna nɛ ewura Fɛɛro pibiche na bugi kelantaŋɛ na so n wu kebia nyɛnsobi kumo to nɛ e bee shu. Nɛ mbe asheŋ pɛ mo kuwɔr nɛ e kaŋɛ: “Hibruwebi be mbi popɔrbi ere be eko nde.”

Ɛksodɔs 7:15

Amoso wule n yɔ Fɛɛro kutɔ kachipurso, saŋɛ nɛ e lar a yɔ Nail be lɔr to na. Ta kekpabi nɛ k daŋ kilgi kuwɔ na ŋ keta n ya kaa jo mo lɔrkar.

Ɛksodɔs 8:20

Nɛ Enyɛnpe Ebɔrɛ naŋ kaŋɛ Mosis: “Wule ŋ koso echefo chipurso n ya tu Fɛɛro saŋɛ nɛ e bee yɔ lɔr ase na ŋ kaŋɛ mo fanɛ Enyɛnpe Ebɔrɛ yɛ: ‘Shin nɛ ma basa e yɔ n ya bunyaŋ ma.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Jona 1:17

Ndoŋ nna nɛ Enyɛnpe Ebɔrɛ shin nɛ kɔrɔtɔgboŋ ko ba ta Jona m min, nɛ e ji nchɛ asa nɛ nnyɛ asa ashi kɔrɔtɔgboŋ na be epunto.

Jona 2:10

Ade be kaman nɛ Enyɛnpe Ebɔrɛ shin nɛ kɔrɔtɔ na ya gbu Jona n nase kedeŋi so ashi teku na be ekarso.

Ashuŋ Shunso 7:21

nseŋ ta mo n ya nase kaboŋ ko nɛ e wu nɛ Fɛɛro pibiche ya ta mo n ya ki mo peya ŋ keni mo so nɛ e daŋ.