Ɛksodɔs 2:25 - EBƆRƐ BE KAWƆL

²⁵ Israɛlebi na be asheŋ daŋ tir mo ga m pɛ mo kuwɔr ŋkpal kenyaya nɛ b daa wɔ to na so.

Ɛksodɔs 2:25 ပူးပေါင်းရင်းမြစ်များ

2 Samuɛl 16:12

Ashere Enyɛnpe Ebɔrɛ beeŋ wu kagbenejija nɛ k tɔr ma so ere nseŋ shin nɛ kɔnɔsho ere e ki nɛfa n sa ma.”

Job be kawɔl 33:27

Loŋ malɛ kaŋ wora, baaŋ kaŋɛ ekama le: “An daŋ wora alubi nseŋ foe Ebɔrɛ be ekpa so, ama Ebɔrɛ ta m paŋ anyi

Nshɛ 1:6

Enyɛnpe Ebɔrɛ na e naa kuŋ loŋ be basa nsaa ŋini bumo ekpa. Ama alubiworapoana bre be ekpa kɔ bumo nna a yɔ kemur to.

Nshɛ 10:14

Ama fo Ebɔrɛ na bee wu tɔrɔ nɛ awurfoŋ ere kikɛ, nseŋ wora shiriya nɛ fo chɛ to. Basa nɛ baa wu awurfoŋ na bɔɔ fo enɔ nna. Fo e naa chɛ amunibi to na.

Nshɛ 31:8

Fo maŋ yige ma n wɔtɔ ma doŋana be enɔ to. Ama fo sɔ ma n yige, nɛ n nya ma kumu a ji.

Nshɛ 55:22

Enyɛnpe Ebɔrɛ, an la fo basa nna nsaa kaŋɛ fo asheŋ nɛ a tir anyi. Fo alɛ maaŋ shin nɛ an kɔ n tɔr.

Ɛksodɔs 1:8

Ndoŋ nna nɛ esa popɔr ko nɛ e daa maŋ nyi Josɛf ba ji Ijipt be efuli so be kuwura.

Ɛksodɔs 18:8

Nɛ Mosis kaŋɛ mo shanyɛn asheŋ nɛ Enyɛnpe Ebɔrɛ wora Fɛɛro nɛ Ijipt be basa kikɛ ŋkpal Israɛlebi be kenya kumɔlga so. Kumo be kaman nɛ e naŋ kaŋɛ mo etɔrɔ nɛ a tu bumo ashi ekpa to na kikɛ nɛ kananɛ Enyɛnpe Ebɔrɛ chɛ bumo to ashi amo kikɛ to.

Ɛksodɔs 3:9

N nu ma basa Israɛlebi be kushu kashenteŋto, ma alɛ nseŋ naŋ wu kananɛ Ijiptebi bee tɔrɔ bumo.

Ɛksodɔs 4:31

nɛ b yirda kusɔ nɛ e kaŋɛ na. Kumo be buushi, Israɛlebi na ka nu fanɛ Enyɛnpe Ebɔrɛ wu kananɛ baa tɔrɔ bumo na nsaa shin nɛ e chɛ bumo to nɛ b gbir m bunyaŋ mo.

Matiu 7:23

Ama le nɛ meeŋ kaŋɛ bumo: ‘Alubiworapoana ere, men shile ma so. Ma ere maŋ nyi menyi.’

Luuk 1:25

E yɛ: “Naniere bre Enyɛnpe chɛ ma to ŋ ŋini ma mbe kasha nseŋ lara ma anishinyɔr basa to.”

Ashuŋ Shunso 7:34

N wu kekɔrfɛ nɛ tɔrɔ damta nɛ ma basa wɔ Ijipt be efuli so a nya. N nu bumo be kushu m ba nɛ m ba mɔlga bumo. Nu nfe, meeŋ shuŋi fo Ijipt.’

Ditɛronɔmi 26:7

Ndoŋ nna nɛ an shu n fin Enyɛnpe an nananyɛnana be Ebɔrɛ na be kechɛto nɛ e nu anyi be kushu nseŋ wu awurfoŋ nɛ anyee ji nɛ kananɛ baa tɔrɔ anyi nɛ anyi be ŋgbenejija damta,

1 Samuɛl 1:11

nseŋ nase kɔnɔ ŋ kaŋɛ le: “Enyɛnpetale, n la fo kebita nna! Ama kebaawɔtɔ ki ma jiga. Nɛ fo baa maŋ teŋ ma so nseŋ chɛ ma to nɛ n nya ebinyɛn, kumo ere ma alɛ beeŋ laŋɛ mo n sa fo nɛ e baa wɔ fo kutɔ hale n ya fo mbe luwuachɛ. Kusɔ nɛ k beeŋ ŋini fanɛ n ta kebia na ŋ kɛ fo e la fanɛ b maaŋ she mbe emin kikɛ.”