Ɛksodɔs 2:23 - EBƆRƐ BE KAWƆL

²³ Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Ɛksodɔs 2:23 ပူးပေါင်းရင်းမြစ်များ

Jɛnesis 16:11

Feeŋ kurge ebinyɛn fo kedampo ere to nseŋ nase mo ketre Ishmaɛl, ŋkpal manɛ so, Enyɛnpe na nu fo awurfoŋ be kushu na.

Jɛnesis 4:10

Nɛ Enyɛnpe Ebɔrɛ naŋ bishi Keen le: “Manɛ be kushuŋ nɛ fo shuŋ le ere? Keni, n wu kananɛ fo mɔ fo sipo nɛ mbe ŋklaŋ nɛ a wurge kasawule du fanɛ dimɛdi a shu a ŋini ma fanɛ m bishi kuwule n sa mo.

Nehemaya 9:9

An nanaana ka daa wɔ Ijipt be efuli so na, fo daŋ wu awurfoŋ nɛ b daa ji. B ka ya fo Teku Peper na ase nɛ b shu a fin fo kechɛto, nɛ fo alɛ nu bumo be kushu nseŋ chɛ bumo to.

Job be kawɔl 35:9

Etɔrɔ be jemanɛ ekama bee kule Ebɔrɛ gboŋgboŋi na nna nɛ e wu mo kuwɔr nseŋ mɔlga mo.

Nshɛ 102:1

Mee kule fo nna, Enyɛnpe Ebɔrɛ! Jande, nu ma kekule.

Nshɛ 102:2

Sa maŋ ŋana ma so jemanɛ nɛ n wɔ tɔrɔ to. Kaŋ kusoe n nu ma kekule, nseŋ tuge ma manaŋ manaŋ.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 18:6

Nɛ n ta kebɔltofinfin n shu n tre Enyɛnpe Ebɔrɛ. N shu n tre ma Ebɔrɛ fanɛ e chɛ ma to; nɛ ma kushu tɔr mbe asoe to nɛ e yili mbe bɔrɛlambu to n nu ma ebɔl.

Ɛksodɔs 1:14

nɛ kebaawɔtɔ ki nyaŋnyaŋ n sa bumo ŋkpal loŋ so. B daa shin nɛ baa baga eshii a kuya ebirkesi a pɔr nwu nsaa shuŋ ndɔana to nna. Bumo alɛ daa maa wu Israɛlebi na kuwɔr kikɛ.

Ɛksodɔs 4:19

Kede be kaman nɛ Enyɛnpe Ebɔrɛ naŋ kaŋɛ Mosis ashi Midian: “Bɛta n yɔ Ijipt be efuli so, ŋkpal manɛ so, basa nɛ b daa fin fo nɛ b mɔ na kikɛ kuraa wu.”

Ɛksodɔs 6:5

Kede malɛ be buushi naniere bre n nu Israɛl be basa nɛ Ijiptebi nyaŋ n wɔtɔ a tɔrɔ fanɛ anya na be kushu nseŋ nyiŋi ma kɔnɔkoŋwule be ŋkre be kɔnɔ naseso na.

Ɛksodɔs 6:9

Mosis daŋ malga le be asheŋ kikɛ n sa Israɛlebi na ama b daa maŋ nu n sa mo ŋkpal awurfoŋ nɛ b daa wɔtɔ na so nɛ bumo be aba daŋ pɔ bumo.

Ɛksodɔs 7:7

Saŋɛ nɛ Mosis nɛ Ɛɛrɔn daŋ malga n sa ewura Fɛɛro na nɛ Mosis daa la nfɛ aduburwa nna nɛ Ɛɛrɔn malɛ daa la nfɛ aduburwa nɛ asa.

Aizaaya 19:20

Ade kikɛ beeŋ baa nyiŋi Ijiptebi na fanɛ Enyɛnpetale Ebɔrɛ na wɔ bumo kutɔ. Nɛ b kaŋ luri asheŋ to nseŋ kule Enyɛnpe Ebɔrɛ na a fin kechɛto, e beeŋ shin nɛ esa ko e ba kɔ m mɔlga bumo ashi bumo doŋana be enɔ to.

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Nɔmbɛs 20:16

Nɛ an shu ŋ ŋini Enyɛnpe Ebɔrɛ nɛ e nu anyi be kushu nseŋ shuŋi malaika nɛ e ba lara anyi ashi Ijipt be kasawule so. Naniere an fo kade nɛ baa tre Kadɛsh nɛ k wɔ fo kasawule be egbaŋ be ekar na.

Ashuŋ Shunso 7:30

Mosis ka wɔ Midian be efuli na so kumo be nfɛ adena be kaman nɛ malaika lar mo so kiyi to ashi kupumbi chɔɔso ko to. Ndoŋ daŋ mata Sainai be kebee na so nna.

Ditɛronɔmi 24:15

Ŋkpal b ka la betirpo n daga fanɛ b nya amansherbi pɔɛŋ nseŋ tiŋ n nya bumo be kusɔ jisoso, a daga fanɛ men ka bumo karechɛ kama be kushuŋ be kukɔ pɔɛŋ nɛ epeŋi e tɔr. Nɛ menyi maŋ ka bumo, baaŋ shu ŋ ŋini Enyɛnpe Ebɔrɛ na nɛ kumo be kulubi e baa bɛ menyi.

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.

Demujipoana 4:3

Ewura Jabin daa kɔ abɛlso be egbaŋɛturko nɛ b kɔ a yɔ kena to alfa akpanu nna nseŋ daŋ kɔrfɛ Israɛl be basa na ga nfɛ adunyɔ. Ndoŋ nna nɛ Israɛlebi na shu n tre Enyɛnpe Ebɔrɛ na fanɛ e chɛ bumo to.

1 Samuɛl 12:8

Jeekɔb nɛ mbe laŋ to ebi ka daŋ yɔ Ijipt be kasawule so na, Ijiptebi na daa mɛaŋ bumo nna nɛ b shu ŋ ŋini Enyɛnpe Ebɔrɛ fanɛ e chɛ bumo to. Ndoŋ nna nɛ e shuŋi Mosis nɛ Ɛɛrɔn nɛ b ya lara bumo Ijipt be kasawule so m ba kasawule ere so.

1 Samuɛl 9:16

“N wu kananɛ ma basa bee ji awurfoŋ. Ma alɛ nu bumo be kushu nɛ baa shu a fin kechɛto na. Echefo saŋɛ ere so gbagba, meeŋ shuŋi esa ko nɛ e shi Bɛnjamin be kanaŋ to nɛ fo duga ŋku n do mbe kumu so n lara mo ŋ ki Israɛl be ejuŋkparpo. Mo e naaŋ mɔlga bumo ashi Filistiebi na be enɔ to.”