Ɛksodɔs 2:22 - EBƆRƐ BE KAWƆL

²² Zipora ka kurge ebinyɛn nɛ Mosis nase mo Gɛshɔn, ŋkpal e ka daa fɛ le so: “N la efɔ nna ashi efuli pɔtɛ ere so, kumo so, meeŋ nase ma kebia ere loŋ be ketre na.”

Ɛksodɔs 2:22 ပူးပေါင်းရင်းမြစ်များ

Jɛnesis 23:4

“N la efɔ nɛ enitepo nna a wɔ menyi to nfe, amoso men jande, men fa kasawule ko nfe n sa ma nɛ m baa puli ma basa ndoŋ.”

1 Kronikɛls 16:20

B daŋ baa wɔtɔ nna a kilgi to efuliana nɛ nsawuleana so.

1 Kronikɛls 29:15

An la befɔ nna a wɔ durnya ere to fanɛ kananɛ an nananyɛnana gba daa wɔ kumo to na. Anyi be nchɛ du nna fanɛ kiyoyul na, k maa chɛr nsaa choŋ.

Nshɛ 119:19

Efɔ e la ma ashi kasawule ere so; amoso sa maŋ ta fo mbraana ŋ ŋana ma so.

Nshɛ 39:12

Enyɛnpe Ebɔrɛ, jande, nu ma kekule. Nu ma kushu nseŋ chɛ ma to. Anishichubi e bɔlɔ ma anishi kikɛ to. N du fanɛ efɔ nna ashi fo kutɔ, fanɛ kananɛ n nananyɛnana daa la befɔ na.

Ɛksodɔs 2:10

Kebia na ka daŋ gbrɛbi nɛ kache na ta mo n ya sa ewura Fɛɛro pibiche na, nɛ e ta mo ŋ ki mo gbagba pibinyɛn nseŋ nase mo Mosis. Ŋkpal e ka nya mo ashi nchu to so.

Ɛksodɔs 22:21

Ade kikɛ be kaman, k maŋ daga fanɛ men be ekama e wora efɔ kulubi ŋko m mɛaŋ mo, ŋkpal manɛ so, menyi alɛ gba daa la befɔ nna ashi Ijipt be kasawule so.

Ɛksodɔs 4:20

Ndoŋ nna nɛ Mosis keta mbe eche nɛ mbe mbinyɛnsobi n chena kurma so nseŋ ta kekpabi nɛ k kɔ Ebɔrɛ be eleŋ na ŋ keta m bɛta a yɔ Ijipt be kasawule so.

Levitikɔs 25:23

A maŋ daga men ka fa kasawule n sa esa nɛ e baa kɔ kuraa, ŋkpal manɛ so, k maŋ la menyeya nna, Enyɛnpe Ebɔrɛ na e wɔ kumo nɛ menyi alɛ du fanɛ befɔ nɛ e sa ekpa nɛ men baa ji kumo so be tɔnɔ.

Ashuŋ Shunso 7:29

Mosis ka nu loŋ nɛ e shile Ijipt be efuli na so n ya kaa wɔ Midian be efuli so. Ndoŋ nɛ e kurge mbinyɛnbi anyɔ.

Demujipoana 18:30

Ade be kaman nɛ Dan be yiri to be basa na yuu agbirana na a shuŋ amo nɛ Jonatan nɛ mbe kaman to ebi ki bumo be bɔrɛmatapoana hale n ya fo jemanɛ nɛ bumo doŋana ba kɔ m pɔɔ bumo so nseŋ tintiŋ bumo n yɔ efuli pɔtɛ wɔfɔ ko so. Jonatan ere daa la Mosis pibinyɛn nɛ baa tre Gɛshɔm na be kenana nna.

1 Samuɛl 1:20

Ndoŋ nna nɛ e di kedampo ŋ kurge ebinyɛn, nseŋ fɛ mbe kumu to le: “Ŋ kule Enyɛnpe Ebɔrɛ nna nɛ e sa ma mo.” Amoso e daŋ nase mbe ketre Samuɛl nna.