Ɛksodɔs 2:16 - EBƆRƐ BE KAWƆL

¹⁶ Nɛ Jetro nɛ e daa la bɔrɛmatapo ashi Midian na be mbichebi ashunu ba nɛ b ba jɔ nchu ketirbu na to n wɔtɔ asɔbɔya be asɔnuunchu to n sa bumo tuto be mbolpɔ nɛ mboe.

Ɛksodɔs 2:16 ပူးပေါင်းရင်းမြစ်များ

Jɛnesis 14:18

Ndoŋ nna nɛ Mɛlkizedɛk nɛ e daa la Salɛm be ewura nseŋ naa la Ebɔrɛ Ewurgboŋ na be bɔrɛmatapo na, ta bodobodo nɛ nsa ko m bar Eebram

Jɛnesis 24:11

Kaaseso, saŋɛ nɛ beche bee yɔ eboŋ to na nɛ b fo ndoŋ. Ndoŋ nna nɛ e shin nɛ enyɔma na gbir ŋ gbir ketirbu ko ase ashi kade na be ekarso.

Jɛnesis 24:13

N yil ketirbu ere akpa nfe nna a keni nɛ kade ere to be mbichebi e ba kaa jɔ nchu.

Jɛnesis 29:2

E ka bee yɔ nɛ e ya tu ketirbu ko kudɔsawule ko so nɛ mbolpɔ dese kumo ase ntuŋsaso, ŋkpal manɛ so, ketirbu na to nɛ b daa jɔ nchu a sa bumo. Kejembu gboŋgboŋi ko malɛ nɛ b daŋ ta m buu ketirbu na be kɔnɔ so.

Jɛnesis 41:45

Ade kikɛ be kaman nɛ Fɛɛro sa Josɛf ketre Zafenat Panea nseŋ ta On be kegbirwura Potifera pibiche nɛ baa tre Asenat na n sa mo fanɛ e baa la mbe eche. Josɛf ka nya loŋ be eyilikpa na nɛ e fara a nite Ijipt be efuli na kikɛ so.

Ɛksodɔs 18:1

Ade kikɛ be kaman nɛ Mosis mo shanyɛn Jetro nɛ e daa la Midian be bɔrɛmatapo na daŋ nu asɔ nɛ Ebɔrɛ wora n sa Mosis nɛ Israɛlebi na nɛ kananɛ Enyɛnpe Ebɔrɛ lara mbe basa Israɛlebi na ashi Ijipt be asheŋ.

Ɛksodɔs 18:12

Ndoŋ nna nɛ Jetro lara sarga chɔɔso nɛ esarga pɔtɛana ko n sa Ebɔrɛ. Ɛɛrɔn nɛ Israɛlebi be bejuŋkparpo na kikɛ daŋ ya tu Mosis mo shanyɛn Jetro nna n ji kejigboŋ Ebɔrɛ be anishito.

Ɛksodɔs 3:1

Mosis daa kpa mo shanyɛn Jetro nɛ e daa la Midian be bɔrɛmatapo na be mbolpɔ nna. Kachako nɛ e kpa bumo m bɔla kiyi to n ya fo Ebɔrɛ be kebeegboŋ nɛ baa tre Sainai na ase.

1 Samuɛl 9:11

B ka dii kebee a yɔ kade na to na, nɛ b ya tu besuŋgurbi ko nɛ baa ba nɛ b ba saŋ nchu, nɛ b bishi bumo le: “Anyee fin kanyɛn nɛ e bee wu asheŋ a kaŋɛ na nna. E wɔtɔ nna ere a?”