Ɛksodɔs 2:14 - EBƆRƐ BE KAWƆL

¹⁴ Nɛ emo nɛ e daŋ fara kolu na bishi Mosis le: “Wanɛ e ta fo ŋ ki anyi be enimu nɛ anyi be demujipo? Ŋko, fee sha kemɔ ma alɛ gba nna fanɛ kananɛ fo daŋ mɔ Ijipt be esa na a?” Ndoŋ nna nɛ kufu pɛ Mosis nɛ e kaŋɛ mbe kumu: “To, k baŋ di efuli nna na fanɛ basa pin kusɔ nɛ n wora na.”

Ɛksodɔs 2:14 ပူးပေါင်းရင်းမြစ်များ

Jɛnesis 13:8

Ndoŋ nna nɛ Eebram kaŋɛ Lɔt le: “An la basa koŋwule nna, k maŋ daga kamalga ka wɔ ma nɛ fo be nferinto ŋko fo basa nɛ ma basa ka bee bile ŋkpal kasawule so.

Jɛnesis 19:9

Ama le nɛ Sodɔmebi na daŋ kaŋɛ: “Loŋi anyi be anishito, fo alɛ efɔ ere. Wanɛ e la fo nɛ fo alɛ e tiŋ ŋ ŋini anyi kusɔ nɛ k daga fanɛ an wora? Loŋi anyi be anishito nɛ mannɛ aloŋ, kusɔ nɛ anyeeŋ wora fo beeŋ lubi a chɔ bumo peya.” Kede be kaman nɛ b ŋin Lɔt n yɔ kaman nseŋ nyisi m ba nɛ b ba bure kukuloŋ na.

Jɛnesis 34:27

Kede be kaman nɛ Jeekɔb be mbia nɛ b ka na malɛ luri n sensaŋ kade nɛ b daŋ jija bumo sipoche kumo to na be asɔ kikɛ.

Aŋasa 19:12

Ewura be agbo du fanɛ buluŋ ka bee ponte to nna nɛ mbe kuwɔrwu malɛ du fanɛ bunyaŋ ka tɔr afitiri so.

Aŋasa 29:25

Sa maŋ shin nɛ kusɔ nɛ basa bee fɛ a laŋɛ fo kaplɛa so e baa tir fo. Yirda Ebɔrɛ nɛ e baa kuŋ fo.

Nɔmbɛs 16:13

Men ka lara anyi ashi Ijipt be kasawule nɛ ajibi damta nɛ kedamaya wɔ na m ba lɛ keshishɛrsawule ere so nɛ men mɔ ere bre maŋ kukwe a? Nɛ men naa sha nɛ men ta anyi ŋ ki menyi be nyɛrbi a tɔrɔ a?

Nɔmbɛs 16:3

Bumo kikɛ daŋ shɛr Mosis nɛ Ɛɛrɔn kutɔ nna ŋ kaŋɛ bumo le: “Manɛ nna nɛ menyee fɛ fanɛ men bɔ esa kikɛ ere? An kikɛ la Enyɛnpe Ebɔrɛ be basa cheembi nna.”

Matiu 21:23

Yesu ka ya luri bɔrɛlambu na to a ŋini basa, nɛ bɔrɛmatapowuraana na nɛ basa na be benimuana na ba mo kutɔ m ba bishi mo: “Manɛ be eleŋ nɛ fo kɔ a wɔtɔ a wora asheŋ ere, nɛ wanɛ e sa fo loŋ be eleŋ na?”

Luuk 12:14

Nɛ Yesu bishi mo: “N teri, wanɛ e sa ma ekpa fanɛ n ji menyi be demu nseŋ barga menyi be kapetɛ na to n sa menyi?”

Luuk 19:14

Mbe efuli so ebi malɛ daŋ kishi mo ga, amoso, e ka yɔ nɛ b shuŋi mbɔ fanɛ b bɛ mo so n ya kaŋɛ bumo nɛ baaŋ buu mo kuwura na le: ‘Anyi ere maa sha kanyɛn ere ka ki anyi be ewura.’

Luuk 19:27

Ade kikɛ be kaman nɛ enyɛnpe na kaŋɛ le: ‘To, naniere men ya pɛ ma doŋana nɛ b daŋ kaŋɛ fanɛ m maaŋ ki bumo be ewura na m ba teŋ bumo ma anishito.’ ”

Ashuŋ Shunso 7:35

Mosis koŋwule ere nɛ Israɛlebi daŋ kini nseŋ bishi mo: ‘Wanɛ e ta fo ŋ ki anyi be enimu nɛ anyi be demujipo?’ Mo nɛ Ebɔrɛ daŋ bɔla malaika nɛ e daŋ wu kupumbi chɔɔso na to na so n shuŋi fanɛ Israɛl be enimu nɛ emɔlgapo na.

Hibruwebi 11:27

Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.