Ɛksodɔs 2:11 - EBƆRƐ BE KAWƆL

¹¹ Mosis ka daŋ ŋ ki esa, kachako nɛ e yɔ nɛ e ya bɔɔ mbe basa gbagba so nseŋ wu kananɛ Ijiptebi daa nyaŋ bumo nɛ baa shuŋ ashuŋ kpakpaso. Ndoŋ nɛ e wu Ijipt be esa ko ka bee bri Hibruw be esa ko nɛ e daa la mo ere Mosis be esa gbagba.

Ɛksodɔs 2:11 ပူးပေါင်းရင်းမြစ်များ

Ɛksodɔs 1:11

Ndoŋ nna nɛ Ijiptebi na lara basa fanɛ benyɛnpe nɛ baaŋ baa keni Israɛlebi na so fanɛ anya. Ndoŋ nna nɛ b ta kanyaŋ be kushuŋ a tɔrɔ Israɛlebi na nseŋ shin nɛ b pɔr nde nɛ baa tre Pitɔm nɛ Rameses na n sa ewura Fɛɛro nɛ e baa ta mbe asɔ a yili to ndoŋ.

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Ɛksodɔs 5:14

Ade kikɛ be kaman nɛ Ijipt be basa nɛ baa keni anya na so na wɔtɔ a bri Israɛlebi na be bejuŋkparpo nɛ b daa juŋkpar bumo kushuŋ na to na nsaa bishi bumo le: “Manɛ so nɛ menyi maa kuya ebirkesi na nɛ a bee fo kananɛ men chɛr a kuya amo saŋkama na?”

Ɛksodɔs 5:4

Nɛ ewura Fɛɛro kaŋɛ: “Mosis nɛ Ɛɛrɔn, manɛ nna nɛ menyee sha kelara basa na ashi bumo be kushuŋ to? Men yige anya na nɛ b baa shuŋ bumo be kushuŋ!

Ɛksodɔs 5:5

Ŋkpal manɛ so, Israɛlebi na e shi ga a chɔ anyi, nɛ menyee sha kelara bumo ashi kushuŋ ere to na!”

Ɛksodɔs 5:9

Men sa bumo kushuŋ kpakpaso n ti so nɛ b baa shuŋ, saŋɛ na so b maaŋ naa nya dama a nu efɛ be mmalga fuloŋ ere.”

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Aizaaya 58:6

Ekishi nɛ k bee par ma a ŋini menyee ka bee shuŋ ma kashenteŋto e la men ka beeŋ lara kanyaŋ nɛ kebaakɔrfɛ basa nɛ b maŋ wora shɛŋ nsaa wɔ kabuti to na nseŋ shin nɛ ekama e nya a wora asheŋ yila yila so.

Matiu 11:28

Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

Luuk 4:18

“Enyɛnpe be Kiyoyu nɛ e kɔ a sa basa kikɛ na wɔ ma so. E lara ma nna n nɛfa ma nɛ m bɔ baru lela na n sa betirpo, mo e shuŋi ma nɛ n ya bɔ kesɔnyige be baru n sa bumo nɛ b ki beko be anya nseŋ bɔ anishi be kebugi be baru n sa betanpo. E yɛ n sɔ bumo nɛ baa mɛaŋ na n yige.