Ɛksodɔs 2:10 - EBƆRƐ BE KAWƆL

¹⁰ Kebia na ka daŋ gbrɛbi nɛ kache na ta mo n ya sa ewura Fɛɛro pibiche na, nɛ e ta mo ŋ ki mo gbagba pibinyɛn nseŋ nase mo Mosis. Ŋkpal e ka nya mo ashi nchu to so.

Ɛksodɔs 2:10 ပူးပေါင်းရင်းမြစ်များ

Jɛnesis 16:11

Feeŋ kurge ebinyɛn fo kedampo ere to nseŋ nase mo ketre Ishmaɛl, ŋkpal manɛ so, Enyɛnpe na nu fo awurfoŋ be kushu na.

Jɛnesis 4:25

Ndoŋ nna nɛ Adam nɛ mbe eche naŋ di keche nɛ kenyɛn nɛ eche na di kedampo ŋ kurge ebinyɛn nɛ b nase mo ketre Sɛt. Nɛ Adam be eche yɛ: “N nase mo loŋ nna, ŋkpal manɛ so, Ebɔrɛ naŋ sa ma ebinyɛn nna n tal Eebel nɛ Keen mɔ na to.”

Jɛnesis 48:5

E ka kaŋɛ kusɔ nɛ Ebɔrɛ daŋ kaŋɛ mo na nɛ e naŋ kaŋɛ Josɛf le: “Fo bibinyɛn Efreim nɛ Manase nɛ fo kurge Ijipt pɔɛŋ nɛ m ba nfe na gba ki ma mbia nna fanɛ kananɛ Ruben nɛ Simiɔn baa la ma mbia ere.

2 Samuɛl 22:17

Nɛ Enyɛnpe Ebɔrɛ yili esoso n teŋi enɔ m pɛ ma ŋ gberge n lara nchu chiŋgeliŋ na to.

Ɛksodɔs 2:9

Kache na ka ba nɛ ewura Fɛɛro pibiche na kaŋɛ mo le: “Ta kebia ere n ya kaa keni so a sa ma nɛ ŋ ka fo kukɔ.” Ndoŋ nna nɛ keche na ta kebia na n ya kaa bela.

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Galeeshaebi 4:5

nɛ e ba sɔ bumo nɛ b wɔ mbra na to na n yige, saŋɛ na so nɛ an ki Ebɔrɛ be mbia gbagba.

Hibruwebi 11:24

Yirda so nɛ Mosis daŋ ba daŋ nseŋ daa maŋ shuli fanɛ b tre mo ewura Fɛɛro pibi na.

1 Jɔn 3:1

Men keni kananɛ Etuto na sha anyi loŋ n shin nɛ baa tre anyi mbe mbia, kumo alɛ maŋ kɔ emɔrɔ malɛ fanɛ an ka la mbe mbia. Amoso nɛ durnyaebi maa pin anyi to na. Ebɔrɛ nɛ b maŋ pin to pɔɛŋ.

1 Samuɛl 1:20

Ndoŋ nna nɛ e di kedampo ŋ kurge ebinyɛn, nseŋ fɛ mbe kumu to le: “Ŋ kule Enyɛnpe Ebɔrɛ nna nɛ e sa ma mo.” Amoso e daŋ nase mbe ketre Samuɛl nna.