Ɛksodɔs 19:5 - EBƆRƐ BE KAWƆL

⁵ Amoso naniere nɛ men baŋ wora kasonu cheche n sa ma nseŋ bɛ ma kɔnɔkoŋwule be ŋkre na so bre, menyeeŋ baa kraa la ma basa gbagba nɛ mee sha ga ashi basa kikɛ to na. Kasawule ere kikɛ la meya nna.

Ɛksodɔs 19:5 ပူးပေါင်းရင်းမြစ်များ

Jɛnesis 17:9

Kumo be kaman nɛ Ebɔrɛ naŋ kaŋɛ Eebraham le: “A daga fanɛ fo ere nɛ fo kaman to ebi nɛ bumo alɛ be kaman to ebi kikɛ ka bɛ ma nɛ fo be kɔnɔkoŋwule be ŋkre ere so.

1 Bewura 8:53

Fo ka lara an nananyɛnana ashi Ijipt be kasawule so na, nɛ fo kaŋɛ fo kayɛrbi Mosis fanɛ durnya ere kikɛ to, Israɛlebi nɛ fo lara fanɛ b baa la fo basa.”

1 Kronikɛls 17:22

Dra dra na kikɛ nɛ fo ta Israɛlebi ŋ ki fo gbagba be basa mbaanaayɔ, nseŋ ki bumo be Ebɔrɛ.

Job be kawɔl 41:11

Ma e naa yili asheŋ a sa durnya kikɛ, ma alɛ maŋ ji esa kikɛ be kukɔ.

Job be kawɔl 41:3

K beeŋ shuli ŋ kule fo fanɛ fo wu kumo kuwɔr a? Ŋko m malga boeŋ boeŋ n sa fo a?

Nshɛ 135:4

Ŋkpal manɛ so, mo e lara an nananyɛn Jeekɔb be kaman to ebi, nɛ b la Israɛl be basa na, fanɛ b baa la mo gbagba be basa.

Nshɛ 24:1

Kasawule ere nɛ kusɔ kikɛ nɛ k wɔ kumo so, la Enyɛnpe Ebɔrɛ na peya nna. Basa nɛ b wɔ durnya ere to kikɛ, la Enyɛnpe Ebɔrɛ na peya nna.

Nshɛ 25:10

E bee ji kashenteŋ nna nsaa kɔ kasha. E bee juŋkpar bekama nɛ baa wora asheŋ niŋiso nsaa wora mbe mbra kasonu nna.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Ɛksodɔs 23:22

Ama nɛ men baŋ wora mo kasonu kashenteŋto nseŋ wora kusɔ kama nɛ ŋ kaŋɛ menyi na, kumo ere, men doŋana beeŋ ki ma doŋana nɛ n kɔ bekama nɛ baa kɔ menyi.

Ɛksodɔs 24:7

Kede be kaman nɛ e ta kɔnɔkoŋwule be ŋkre be kawɔl na ŋ kraŋ kumo awɔrso nɛ basa na nu nseŋ kaŋɛ le: “Mmalga nɛ Enyɛnpe Ebɔrɛ na malga na kikɛ, anyeeŋ bɛ amo so nseŋ wora kasonu n sa amo.”

Ɛksodɔs 34:9

nseŋ kaŋɛ: “O, n Nyɛnpe Ebɔrɛ, nɛ ma asheŋ bee par fo, kumo ere mee kule fo nna nɛ fo tu anyi n yɔ. N nyi basa ere ka kɔ amu kpakpaso, ama ta anyi be ashuŋ lubi nɛ alubi kikɛ m paŋ anyi nseŋ ta anyi ŋ ki fo gbagba be basa.”

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Ɛksodɔs 8:22

Kumo be kachɛ na ashushombi na maaŋ yɔ kakpa nɛ ma basa wɔ ashi Goshen be kaba so na bre. Kumo be loŋ nɛ feeŋ pin fanɛ ma e la Enyɛnpe Ebɔrɛ nɛ n wɔ kasawule ere to na.

Ɛksodɔs 9:29

Nɛ Mosis malɛ kaŋɛ mo: “Ŋ kaŋ baŋ lar kade ere to na nɛ meeŋ maŋ ma enɔana so ŋ kule Enyɛnpe Ebɔrɛ nɛ e shin nɛ bɔrɛ na be keponte nɛ abɔrɛjembubi gbɛgbɛso na kikɛ e ku nɛ fo pin fanɛ durnya ere la Enyɛnpe Ebɔrɛ na peya nna.

Sɔlɔmɔn 8:12

Ewura Sɔlɔmɔn beeŋ tiŋ a kɔ mbe gbiti be ndarbi, nɛ basa na malɛ e baa kɔ bumo be tɔnɔ. Ama ma ere be asɔrso nɛ baa tre greep be kudɔbi na la n nawule peya nna Eshaponyɛnso na

Aizaaya 1:19

Nɛ menyeeŋ baa wora ma kasonu bre, menyeeŋ baa nya asɔ lela kasawule ere so a ji.

Aizaaya 41:8

Israɛlebi, men la ma nyɛrbi nna. Ma e lara menyi. Menyi nɛ men la nteri Eebraham be kaman to ebi na nɛ n lara.

Aizaaya 43:1

Israɛl be basa, Enyɛnpe Ebɔrɛ nɛ e to menyi na yɛ: “Men sa maa lɔ kufu, meeŋ mɔlga menyi. Ma e ti menyi be atre n tre menyi. Men la ma basa nna.

Aizaaya 56:4

Le nɛ Enyɛnpe Ebɔrɛ na bee kaŋɛ amodoŋwura: “Fo baa keni ma kewushiachɛ na a bɔlɔ kenishi nsaa wora kusɔ nɛ k bee par ma nsaa bɛ ma kɔnɔkoŋwule be ŋkre na so kashenteŋto,

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Jɛremaya 13:11

Kananɛ dɔkɔri bee yili esa be kashɛr to nɛnɛ na nɛ n daa sha Israɛl nɛ Juda be basa kikɛ e baa yil ma kaman. N daa sha fanɛ efuli kama so ebi e pin fanɛ b la ma basa nna, saŋɛ na so baaŋ baa kpaŋ ma nsaa maŋkura ma. Ama b kini kewora ma kasonu.”

Jɛremaya 7:23

N daŋ kaŋɛ bumo nna fanɛ b baa wora ma kasonu, saŋɛ na so meeŋ baa la bumo be Ebɔrɛ nɛ bumo alɛ e baa la ma basa. N daŋ kaŋɛ bumo nna fanɛ b baa wɔ kebaawɔtɔ nɛ n yili n sa bumo na to, saŋɛ na so asheŋ beeŋ baa nite nɛnɛ a sa bumo.

Ezikɛl 16:8

Ŋ ka naŋ ba wu fo nɛ m pin fanɛ naniere fo ki eche nna n loge na, nɛ n ta ŋ gbagba be kusɔbuuso m buu fo kayurkpaŋ so. Kumo be kaman nɛ n nase kɔnɔ n sa fo nseŋ bɔ ntaŋ fanɛ feeŋ baa la meya nɛ ma, Enyɛnpetale Ebɔrɛ na e baa keni fo so.

Levitikɔs 20:24

N nase kasawule nɛ kenya n ji nseŋ nuu yɛlyɛla so ere be kɔnɔ nna n sa menyi fanɛ k ki menyeya. Ma alɛ beeŋ ta kumo n sa menyi nɛ k baa la menyi be kapetɛsɔ. Ma e la Enyɛnpe Ebɔrɛ, men be Ebɔrɛ nɛ n lara menyi n yili nɛ men baa kɔr efuli pɔtɛana be basa to na.

Eemɔs 3:2

Enyɛnpe Ebɔrɛ yɛ: “Menyi nawule nɛ n lara ashi efuliana kikɛ so fanɛ men baa la meya, amoso nɛ meeŋ gberge menyi kusoe alegaiso ŋkpal menyi be alubi so na.”

Eemɔs 6:1

Asheŋ maaŋ nyalɛ n sa menyi nɛ shɛŋ shɛŋ maŋ tir menyi ashi Jerusalɛm, nɛ menyee fɛ fanɛ men nya kekuŋ ashi Samɛria be kade to ere. Asheŋ maaŋ nyalɛ n sa menyi Israɛl be efuli lempo be bunyaŋwuraana, nɛ basa bee kaa ba menyi kutɔ m ba kaa fin kechɛto na!

Malakai 3:17

Enyɛnpetale na yɛ: “Baaŋ baa la ma basa. Kachɛ nɛ ŋ gbagba beeŋ ba ji asheŋ nɛ amo be ekpa so na meeŋ kuŋ bumo fanɛ kananɛ etuto bee kuŋ ebi nɛ e kɔ kasonu n sa mo na.

1 Kɔrintebi 10:26

Ŋkpal manɛ so: “Kasawule ere nɛ kusɔ kama nɛ k wɔ kumo so ere kikɛ la Enyɛnpe na peya nna.”

1 Kɔrintebi 10:28

Ama nɛ esa ko baŋ kaŋɛ fo le: “B ta kumo nna n lɔŋɛ kegbir,” kumo ere fo sa maŋ ji kumo ŋkpal esa nɛ e kaŋɛ fo na so, nɛ shika be nfɛra so.

Ditɛronɔmi 10:14

Kusɔ kama la Enyɛnpe menyi be Ebɔrɛ na peya nna, mannɛ kasawule ere nɛ asɔ nɛ a wɔ kumo to nawule ama awɔlpa nɛ ebɔrɛso kikɛ la mo peya nna.

Ditɛronɔmi 11:27

Nɛ fanɛ menyee wora Enyɛnpe menyi be Ebɔrɛ na be mbraana kasonu, menyeeŋ nya nɛfa kabre,

Ditɛronɔmi 14:2

Menyi ere la basa nɛ Enyɛnpe menyi be Ebɔrɛ na lara nna nɛ men baa la mo gbagba be basa ashi edimɛdi nɛ b wɔ durnya kikɛ to.

Ditɛronɔmi 14:21

Menyi ere la Enyɛnpe menyi be Ebɔrɛ na be basa nna, amoso men sa maŋ kaa ji kusɔbɔya kikɛ nɛ k wu kpi. Menyeeŋ tiŋ n shin nɛ befɔ nɛ b chena menyi to na bre e ji kumo, ŋko menyeeŋ tiŋ n fa kumo n sa befɔ pɔtɛ. Men sa maŋ kaa daŋɛ kubolpɔbi ŋko kaboebi be eblaŋ kumo nio be kenyipochu to kikɛ.

Ditɛronɔmi 26:18

Ŋkpal loŋ so, Enyɛnpe Ebɔrɛ na gba sɔ menyi fanɛ mo gbagba be basa nɛ e bee sha ga kabre, fanɛ kananɛ e nase kɔnɔ na. Mo alɛ bee kaŋɛ menyi nna fanɛ men baa wora mbe mbraana kikɛ kasonu.

Ditɛronɔmi 26:19

Enyɛnpe Ebɔrɛ na e to efuliana na kikɛ, ama e beeŋ shin nɛ men nya ketre, nɛ b kpaŋ nseŋ maŋkura menyi a chɔ amo kikɛ. Menyi alɛ beeŋ baa la Enyɛnpe menyi be Ebɔrɛ na be basa gbagba nna, fanɛ kananɛ e nase kɔnɔ na.”

Ditɛronɔmi 28:1

Nɛ Mosis naŋ kaŋɛ Israɛl be basa na le: Nɛ fanɛ menyeeŋ wora Enyɛnpe menyi be Ebɔrɛ na kasonu nseŋ bɛ mbe mbraana nɛ n ta a sa menyi kabre ere so kashenteŋto, e beeŋ shin nɛ men ki efuligboŋ nsaa kɔ eleŋ ga a chɔ efuliana nɛ a ka a wɔ durnya to na kikɛ.

Ditɛronɔmi 28:9

Nɛ menyeeŋ wora Enyɛnpe menyi be Ebɔrɛ na kasonu nseŋ wora kusɔ kama nɛ e kaŋɛ menyi, e beeŋ shin nɛ men baa kraa la mo gbagba be basa fanɛ kananɛ e nase kumo be kɔnɔ na.

Ditɛronɔmi 4:20

Ama menyi ere la basa nɛ Enyɛnpe Ebɔrɛ na kɔ m mɔlga ashi Ijipt, kakpa nɛ kebaawɔtɔ daa du kpakpa ga n sa menyi na nna. E bar menyi nna nɛ men baa kaa la mo gbagba be basa, fanɛ kananɛ men tea la kabre ere.

Ditɛronɔmi 5:2

Sainai be kebeegboŋ na ase nɛ anyi nɛ Enyɛnpe, anyi be Ebɔrɛ na wora kɔnɔkoŋwule be ŋkre. Mannɛ an nananyɛnana nɛ mo e daŋ wora ŋkre na, ama anyi nɛ an wɔ ŋkpa to kabre ere gba nɛ mo e wora kumo.

Ditɛronɔmi 7:6

A daga fanɛ men wora loŋ ŋkpal manɛ so, men la Enyɛnpe menyi be Ebɔrɛ na be basa gbagba nna. Efuli damtaana e wɔ durnya ere to, ama menyi Israɛl be basa nɛ e lara fanɛ men baa la mo gbagba be basa.

Ditɛronɔmi 9:29

Ama fo e lara Israɛl be basa ere fanɛ fo gbagba be basa nseŋ bɔla fo yuku nɛ eleŋgboŋ so n lara bumo Ijipt be efuli so m ba nfe.”

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 11:8

Eebraham be yirda so nɛ Ebɔrɛ daŋ tre mo nɛ e daŋ nu n sa mo nseŋ daŋ lar mbe kade to n yɔ kakpa nɛ Ebɔrɛ daŋ kaŋɛ fanɛ e beeŋ sa mo na. E daŋ lar mbe efuli so, ama e daa maŋ nyi kakpa nɛ e daa yɔ.

Hibruwebi 8:9

Ma Enyɛnpe na naŋ kaŋɛ: Loŋ be kɔnɔ naseso na maaŋ baa du fanɛ kumo nɛ n nase n sa bumo nananyɛnana kachɛ nɛ m pɛ bumo be enɔana n lara bumo ashi Ijipt be kasawule so na. Ŋkpal b ka daa maŋ ji bumo be amu kashenteŋ m bɛ ma kɔnɔ naseso so n ya fo ekar na so, m pal ma kaman nna n sa bumo.

Joshuwa 24:24

Nɛ basa na malɛ kaŋɛ Joshuwa le: “Anyeeŋ shuŋ Enyɛnpe an be Ebɔrɛ na nseŋ wora mo kasonu.”

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Samuɛl 15:22

Ndoŋ nna nɛ Samuɛl kaŋɛ le: “Ade be kumo bre nɛ Enyɛnpe Ebɔrɛ na bee sha ga? Kebaakɔ kasonu ŋko kebaalara esarga? Kebaakɔ kasonu bɔ fo kaa ta mbolpɔ duliduli a lara esarga e sa mo.