Ɛksodɔs 19:21 - EBƆRƐ BE KAWƆL

²¹ Nɛ Enyɛnpe Ebɔrɛ kaŋɛ mo le: “Yɔ n ya kpele basa na kusoe fanɛ b sa maŋ kaŋ temba egbaŋ na a fin kewu ma kenishiso. B kaŋ baŋ wora loŋ, bumo be bedamta beeŋ wu.

Ɛksodɔs 19:21 ပူးပေါင်းရင်းမြစ်များ

Ɛksodɔs 3:3

Nɛ e fɛ mbe kumu to ŋ kaŋɛ: “Meeŋ yɔ kaboŋ ere n ya keni mamachi be kesheŋ ere, kumo e la fanɛ manɛ e ba nɛ kupumbi na bee suse edɛ ŋkaa maa chɔɔ a mur?”

Ɛksodɔs 3:5

Nɛ Ebɔrɛ kaŋɛ mo: “Sa maŋ kaŋ naŋ firgi m ba n ti so. Lara fo asɛbta na, ŋkpal manɛ so, kasawule cheembi so nɛ fo yil na.

Ɛksodɔs 33:20

Ama m maaŋ shin nɛ fo wu ma anishito bre, ŋkpal manɛ so, esa kama maaŋ tiŋ n wu ma anishito nseŋ ji efute.

Kaŋinichiŋgeliŋ 5:1

Baa da asheŋ nɛ fee wora ashi Ebɔrɛ be lambu to so. Fee yɔ ndoŋ nna nɛ fo ya nu kusɔ nɛ beŋinipo bee ŋini, mannɛ keya lara kawuliso be sarga fanɛ bewulpo nɛ b maŋ nyi alubi nɛ alela be mbarga na.

Nɔmbɛs 4:15

Saŋɛ baŋ fo fanɛ b kaa keeyi to, Kohafebi na e daga fanɛ b sulɔ asɔ cheembi na nɛ wajɛbu na be asɔ kikɛ. Ama Ɛɛrɔn nɛ mbe mbinyɛnsobi e daga fanɛ b ta asɔ m buu asɔ cheembi na so nɛnɛ pɔɛŋ nɛ b ta amo n sulɔ, saŋɛ na so b maaŋ beta amo nseŋ wu. Amoso saŋkama nɛ b kaa keeyi to, wajɛbu na nɛ kumo to be asɔ kikɛ be kesulɔ be kushuŋ la Kohaf be kabuna ebi peya nna.

Nɔmbɛs 4:18

“Men sa maŋ shin nɛ Kohafebi na

Nɔmbɛs 4:19

e taga asɔ cheembi na to saŋɛ nɛ b maŋ naŋ buu amo so, mannɛ aloŋ, baaŋ wu. Amoso men shin nɛ Ɛɛrɔn nɛ mbe mbinyɛnsobi e tu Kohafebi na n luri wajɛbu na to ŋ ŋini bumo be ekama kusɔ nɛ e beeŋ sulɔ.

Nɔmbɛs 4:20

Hale nɛ Kohafebi na luri wajɛbu na to n ya tu bɔrɛmatapoana na nɛ b kraa buu asɔ cheembi na gba, baaŋ wu.”

Ditɛronɔmi 5:5

N daa yil bumo nɛ Enyɛnpe Ebɔrɛ na be kefɛato nna a kute asheŋ nɛ e daa kaŋɛ na a sa bumo, ŋkpal manɛ so, b daa ŋana edɛ na nna nsaa maŋ shuli n dii kebee na so. Ndoŋ nna nɛ Enyɛnpe Ebɔrɛ na kaŋɛ,

1 Samuɛl 6:19

Enyɛnpe Ebɔrɛ daŋ mɔ Bɛf Shimɛsh be benyɛn adushunu kikɛ nna ŋkpal b ka jule ŋ keni ŋkre be deka na to so. Nɛ basa na shu keeli ga ŋkpal basa damta nɛ Enyɛnpe Ebɔrɛ mɔ na so.