Ɛksodɔs 19:20 - EBƆRƐ BE KAWƆL

²⁰ Kumo be kaman nɛ Enyɛnpe Ebɔrɛ na gbelge m ba Sainai be kebeegboŋ na be awɔlto nɛ Mosis dii n ya tu mo ndoŋ.

Ɛksodɔs 19:20 ပူးပေါင်းရင်းမြစ်များ

1 Bewura 19:11

Nɛ Enyɛnpe Ebɔrɛ kaŋɛ mo le: “Lar n ya yili kebee na be esoso a jo ma, meeŋ ba choŋ.” Ndoŋ nna nɛ Enyɛnpe Ebɔrɛ shin nɛ afu lempo ko ba ber kebee na nseŋ bu kumo n lɛ m bure afalta nɛ a wɔ ndoŋ na to, ama Enyɛnpe na daa maŋ wɔ afu na to. Afu na ka yige nɛ kasawule be kegbuŋgbuŋ malɛ bɛ so ama Enyɛnpe na daa maŋ wɔ kumo alɛ gba to.

Nehemaya 9:13

Fo daŋ shi ebɔrɛso nna ŋ gbelge m ba Sainai be kebee na so m ba sa fo basa mbra nɛ keŋini nɛ a walɛ ga n sa bumo.

Nshɛ 81:7

Men ka daa wɔ etɔrɔ to, ma nɛ men shu n tre, nɛ m mɔlga menyi. Abɔrɛwɔlpa to nɛ n daa wɔ nseŋ nu menyi be kushu. Kumo be kaman nɛ n wora menyi ŋ keni ashi Mɛriba be kebuye na ase.

Ɛksodɔs 19:11

nseŋ wora shiriya a jo ma eklade. Kumo be kachɛ ma, Enyɛnpe Ebɔrɛ na beeŋ gbelge m ba Sainai be kebeegboŋ na so ashi basa na kikɛ be anishito.

Ɛksodɔs 19:3

Kumo be kaman nɛ Mosis dii kebeegboŋ na so n yɔ nɛ e ya tu Ebɔrɛ. Ndoŋ nna nɛ Enyɛnpe Ebɔrɛ tre mo ashi kebee na so ŋ kaŋɛ mo: “Kaŋɛ Israɛlebi nɛ b la Jeekɔb be kaman to ebi na le:

Ɛksodɔs 24:15

Kede be kaman nɛ Mosis yɔ kebee na so nɛ kuwɔlpa buu kebee na kikɛ so.

Ɛksodɔs 24:18

Ndoŋ nna nɛ Mosis luri kuwɔlpa na to n yɔ kebee na be esoso n ya ji kebee na so nchɛ adena nɛ nnyɛ adena.

Ɛksodɔs 34:2

Wora shiriya echefo kachipurso m ba tu ma Sainai be kebee na be esoso.

Ɛksodɔs 34:4

Ndoŋ nna nɛ Mosis shɛl ajembu anyɔ na fanɛ sososo peya na gbagba chap. Kumo be ŋklade kachipurso nɛ e wule ŋ koso n ta amo n yɔ Sainai be kebee na so, kananɛ Enyɛnpe Ebɔrɛ baŋ kaŋɛ mo na gbagba chap.

Ditɛronɔmi 33:2

“Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

Ditɛronɔmi 9:9

Ma e daŋ dii n yɔ kebeegboŋ na be awɔlto n ya sɔ ajembu peŋgeleŋ peŋgelembi nɛ menyi nɛ Enyɛnpe Ebɔrɛ na be kɔnɔkoŋwule be ŋkre nɛ baa tre amo Mbra Kudu na deŋ so na. Nchɛ adena nɛ nnyɛ adena nɛ n wɔ ndoŋ a maa ji ŋko a nuu.