Ɛksodɔs 19:16 - EBƆRƐ BE KAWƆL

¹⁶ Kumo be kachɛ na be kachipurdidi nɛ bɔrɛ nyɛkpɛ nseŋ ponte nɛ kuwɔlpagboŋ ko ba kebeegboŋ na be awɔlto nɛ kabel ponte awɔrso nɛ basa mo nɛ b daa wɔ kaboŋ na chicha kufuso.

Ɛksodɔs 19:16 ပူးပေါင်းရင်းမြစ်များ

2 Samuɛl 22:10

E lar awɔlpa to ŋ gbelge to a ba nɛ kuwɔlpa lembir ko wɔ mbe aya ase.

Job be kawɔl 38:25

Wanɛ e chaŋ kubɔr n sa bɔrɛchugboŋ nseŋ bugi ekpa n sa bɔrɛfugboŋ?

Nshɛ 50:3

Anyi be Ebɔrɛ na bee ba, nɛ an nu mbe egbri, nɛ edɛ be adondulombi juŋkpar mo, nɛ afugboŋ lempo kulti mo n wɔtɔ.

Nshɛ 77:18

Bɔrɛ na ka nyɛkpɛ m ponte to nɛ kusɔ kikɛ nu kumo. K ka nyɛkpɛ na nɛ durnya kikɛ fulto. K ka ponte to na nɛ kasawule gbuŋgbuŋ to fanɛ k kaa bee chicha na.

Nshɛ 81:8

O ma basa, men nu ma kasokpele ere. Israɛlebi, n daa beeŋ baa sha fanɛ men nu n sa ma!

Nshɛ 97:4

Mo e naa shin nɛ bɔrɛ bee nyɛkpɛ nɛ durnya bee fulto, nɛ kasawule so ebi bee wu kumo a chicha.

Ɛksodɔs 19:11

nseŋ wora shiriya a jo ma eklade. Kumo be kachɛ ma, Enyɛnpe Ebɔrɛ na beeŋ gbelge m ba Sainai be kebeegboŋ na so ashi basa na kikɛ be anishito.

Ɛksodɔs 19:15

Kumo be kaman nɛ Mosis kaŋɛ bumo: “Men wora shiriya a jo eklade. Men sa maŋ kaŋ di keche nɛ kenyɛn hale n ya fo kumo be kachɛ na.”

Ɛksodɔs 19:17

Kumo be kaman nɛ Mosis lara basa na kikɛ ashi keeyi nɛ b daa wɔ na to n juŋkpar bumo a yɔ nɛ b ya tu Ebɔrɛ. Nɛ basa na ba yili kebeegboŋ na be kaseto.

Ɛksodɔs 19:9

Nɛ Enyɛnpe Ebɔrɛ kaŋɛ Mosis: “Keni, meeŋ bɔla kuwɔlpagboŋ ko to a malga fo kutɔ, saŋɛ na so basa na beeŋ nu ŋ ka bee malga fo kutɔ nsaa yirda fo saŋkama.” Ndoŋ nna nɛ Mosis naŋ kaŋɛ Enyɛnpe Ebɔrɛ asheŋ nɛ bejuŋkparpoana na malɛ malga kikɛ.

Ɛksodɔs 20:18

Basa na ka daŋ wu bɔrɛ ka nyɛkpɛ m ponte nɛ kabel ponte awɔrso nɛ b wu edishi ka sɔ kebeegboŋ na kikɛ so na nɛ kufu pɛ bumo nɛ b chicha kufuso nseŋ bɛta n yɔ kufɔ n ya yili.

Ɛksodɔs 20:21

Basa na kikɛ daŋ ya kaa yil kufɔ kufɔ nna nɛ Mosis bre firgi n taga ketentembirigboŋ na to ashi kakpa nɛ Ebɔrɛ daa wɔ na.

Ɛksodɔs 40:34

Nɛ kuwɔlpa ba buu Enyɛnpe be wajɛbu na so nɛ Enyɛnpe Ebɔrɛ be kemaŋkura ba bɔlɔ kumo to.

Ɛksodɔs 9:23

Mosis ka teŋi mbe kekpabi na ŋ ŋini awɔlto nɛ Enyɛnpe Ebɔrɛ shin nɛ bɔrɛ ponte ŋ gbri gbuŋ gbuŋ gbuŋ n nyɛkpɛ palpal nɛ abɔrɛjembubi fara a wurge kasawule waawaa. Enyɛnpe Ebɔrɛ daŋ shin nɛ abɔrɛjembubi be bɔrɛ na ba Ijipt be kasawule so kikɛ nna.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Nahum 1:3

Enyɛnpe Ebɔrɛ na kɔ eleŋ ga, mo alɛ maa nya agbo manaŋ manaŋ, ama mo alɛ maa yige bumo nɛ baa wora a de so nɛ baa ta bumo be amu a ji. Bɔrɛfugboŋ nɛ kawuliwuli so nɛ e bee bɔla a wora asheŋ; nɛ bɔrɛwɔlpa malɛ du fanɛ mbe aya to be kalabɛr.

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Ditɛronɔmi 5:5

N daa yil bumo nɛ Enyɛnpe Ebɔrɛ na be kefɛato nna a kute asheŋ nɛ e daa kaŋɛ na a sa bumo, ŋkpal manɛ so, b daa ŋana edɛ na nna nsaa maŋ shuli n dii kebee na so. Ndoŋ nna nɛ Enyɛnpe Ebɔrɛ na kaŋɛ,

Hibruwebi 12:21

Kashenteŋto, kakpa na kikɛ daŋ ba ki kanaŋ ko nna hale nɛ Mosis gba kaŋɛ: “Kufu pɛ ma nna nɛ mee chicha.”

Kelaraŋŋini 1:10

Enyɛnpe be kachɛ ko mbe kiyoyu koso ma kikɛ to nɛ n nu ebɔl ka wora awɔr ma kamanto fanɛ kabel na.

Kelaraŋŋini 11:19

Ndoŋ nna nɛ Ebɔrɛ be lambu nɛ k wɔ ebɔrɛso na bugi nɛ an wu mbe kɔnɔkoŋwule be ŋkre be deka ashi mbe lambu na to. Nɛ bɔrɛ nyɛkpɛ palpal m ponte to ŋ gbri n wɔtɔ nɛ kasawule gbuŋgbuŋ to nɛ abɔrɛjembubi gbɛgbɛsoana ko ba tɔr.

Kelaraŋŋini 4:1

Ade kikɛ be kaman nɛ ŋ keni nɛ kabuna bugi a yil ebɔrɛso. Nɛ ebɔl mo nɛ n daŋ juŋkpar n nu nɛ k bee malga ŋ kutɔ fanɛ kabel na kaŋɛ ma le: “Dii m ba nfe nɛ ŋ ŋini fo asɔ nɛ a beeŋ wora asheŋ ere kikɛ be kaman.”

Kelaraŋŋini 4:5

Ndoŋ nna nɛ bɔrɛ shi kuwurputi na akpa a ponte to a gbri le gbrugbru nsaa nyɛkpɛ palpal nɛ efitila ashunu yil kuwurputi na be anishito a suse. Ndia ashunu na e la Ebɔrɛ be ayoyu ashunu na.

Kelaraŋŋini 8:5

Ndoŋ nna nɛ malaika na ta shuwa be kusɔjɔduwu na n lara edɛ ashi bɔrɛsure na to m bɔlɔ kumo n ta edɛ na ŋ kpa n wurge kasawule so. E ka wora loŋ na nɛ bɔrɛ ponte ŋ gbri n nyɛkpɛ pɛlpɛl nɛ kasawule gbuŋgbuŋ to.