Ɛksodɔs 19:12 - EBƆRƐ BE KAWƆL

¹² Chaŋ egbaŋ ŋ kulti kebee na nɛ basa na e yili ŋ kulti egbaŋ na nɛ fo kaŋɛ bumo le: ‘Men baa da so fanɛ men maaŋ temba egbaŋ ere n dii kebee ere so. Men sa maŋ kaŋ beta kumo gba. Esa kama nɛ e baŋ chɛ keya kebee na so, baaŋ mɔ mo.

Ɛksodɔs 19:12 ပူးပေါင်းရင်းမြစ်များ

Ɛksodɔs 10:28

Ndoŋ nna nɛ ewura Fɛɛro kaŋɛ Mosis le: “Foe ma anishito nfe naniere. Fo alɛ e sa maŋ kaŋ naŋ shin nɛ n wu fo kenishiso kikɛ. Kachɛ kama so nɛ n naŋ wu fo ma anishito, feeŋ wu.”

Ɛksodɔs 19:21

Nɛ Enyɛnpe Ebɔrɛ kaŋɛ mo le: “Yɔ n ya kpele basa na kusoe fanɛ b sa maŋ kaŋ temba egbaŋ na a fin kewu ma kenishiso. B kaŋ baŋ wora loŋ, bumo be bedamta beeŋ wu.

Ɛksodɔs 19:23

Ndoŋ nna nɛ Mosis kaŋɛ Enyɛnpe Ebɔrɛ le: “Basa na maaŋ tiŋ n dii kebee na so, ŋkpal manɛ so, fo gbagba teŋ kaŋɛ anyi kenishipereso fanɛ an chaŋ egbaŋ ŋ kulti kumo nɛ k baa la kaboŋ cheembi.”

Ɛksodɔs 24:2

Fo Mosis nawule e firgi n taga ma, Enyɛnpe Ebɔrɛ na to. Bumo nɛ b ka na bre e sa maŋ kaŋ firgi n taga to, ŋko m bɛ mo so n dii kebee na m ba.”

Ɛksodɔs 34:12

Ama men baa da so nɛ menyi nɛ kasawule na so be basa e sa maŋ kaŋ wora kɔnɔkoŋwule be ŋkre kikɛ. Ŋkpal manɛ so, nɛ men wora loŋ, k beeŋ ki katiyɛ lubi m pɛ menyi.

Ɛksodɔs 34:3

Esa kama e sa maŋ kaŋ tu fo m ba kebee na be esoso ŋko n shin nɛ n wu mo ashi kebee na ekpa kikɛ. Sa maŋ shin nɛ mbolpɔ ŋko mboe ŋko ana gba e ji m mata kebee na.”

Ditɛronɔmi 2:4

Kumo be kaman nɛ e naŋ kaŋɛ ma fanɛ n ta mbraana ere n sa menyi: “Menyee sha kebɔla Edɔmebi nɛ b la Isɔɔ be kaman to ebi nseŋ naa la men kurgepoana na be kasawule so n choŋ nna na. Baaŋ baa ŋana menyi,

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Hibruwebi 12:18

Men baa nyiŋi fanɛ men maŋ ba kebee mo nɛ baaŋ tiŋ m beta na ase nɛ edɛ wuloŋwuloŋ daa wɔ kumo so na. Ndoŋ nɛ tentembiri daŋ sɔ kakpa nɛ kaboŋ daŋ wora gbrum nɛ kumo be kaman nɛ afugboŋ ko daŋ ba na.

Joshuwa 3:4

Loŋ nɛ menyeeŋ pin ekpa na m bɔla so nɛnɛ, ŋkpal manɛ so, menyi maŋ naŋ bɔla ekpa ere ŋ ku so kikɛ. Ama men sa maa nite a taga Enyɛnpe Ebɔrɛ be ŋkre be deka na to. Men barga kumo fanɛ ayadra ŋgboŋ asa.”