Ɛksodɔs 19:11 - EBƆRƐ BE KAWƆL

¹¹ nseŋ wora shiriya a jo ma eklade. Kumo be kachɛ ma, Enyɛnpe Ebɔrɛ na beeŋ gbelge m ba Sainai be kebeegboŋ na so ashi basa na kikɛ be anishito.

Ɛksodɔs 19:11 ပူးပေါင်းရင်းမြစ်များ

Jɛnesis 11:5

Ndoŋ nna nɛ Enyɛnpe Ebɔrɛ ba wu kadegboŋ na nɛ ketempreŋ jeŋgreŋ nɛ basa na daa pɔr na

Nehemaya 9:13

Fo daŋ shi ebɔrɛso nna ŋ gbelge m ba Sainai be kebee na so m ba sa fo basa mbra nɛ keŋini nɛ a walɛ ga n sa bumo.

Nshɛ 144:5

O Enyɛnpe Ebɔrɛ, bugi esoso be kuwɔlpa fanɛ patisa ŋ gbelge m ba; Beta abeeana na, nɛ edishi e kaa amoso.

Nshɛ 18:9

Nɛ esoso bugi nɛ e lar m ba nɛ awɔlpa jimajima wɔ mbe aya ase.

Ɛksodɔs 19:16

Kumo be kachɛ na be kachipurdidi nɛ bɔrɛ nyɛkpɛ nseŋ ponte nɛ kuwɔlpagboŋ ko ba kebeegboŋ na be awɔlto nɛ kabel ponte awɔrso nɛ basa mo nɛ b daa wɔ kaboŋ na chicha kufuso.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Ɛksodɔs 19:20

Kumo be kaman nɛ Enyɛnpe Ebɔrɛ na gbelge m ba Sainai be kebeegboŋ na be awɔlto nɛ Mosis dii n ya tu mo ndoŋ.

Ɛksodɔs 24:16

Nɛ Enyɛnpe Ebɔrɛ be kemaŋkura gbelge m ba Sainai be kebee na so nɛ kuwɔlpa na buu kumo so hale n ya fo nchɛnshe. Kachɛ shunusopo na nɛ Enyɛnpe Ebɔrɛ shi kuwɔlpa na be nferinto n tre Mosis.

Ɛksodɔs 24:17

Israɛlebi na bre kutɔ, Enyɛnpe Ebɔrɛ be kemaŋkura nɛ k daŋ nyaŋɛ n yuu kebee na so daa du fanɛ edɛgboŋ ko ka bee chɔɔ na.

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Ɛksodɔs 34:2

Wora shiriya echefo kachipurso m ba tu ma Sainai be kebee na be esoso.

Ɛksodɔs 34:5

Ndoŋ nna nɛ Enyɛnpe Ebɔrɛ bɔla kuwɔlpa to m ba yili Mosis kutɔ ndoŋ nseŋ ti mbe ketre cheembi na: ‘Enyɛnpetale Ebɔrɛ.’

Nɔmbɛs 11:17

Meeŋ gbelge m ba ndoŋ m ba malga menyi kutɔ, nseŋ sa bumo eleŋ nɛ n sa fo na, saŋɛ na so baaŋ baa chɛ fo to a keni ma basa so nɛ esulɔ na maaŋ naa la fo nawule peya.

Baru lela nɛ Jɔn kute na 3:13

Esa kama maŋ naŋ yɔ ebɔrɛso she emo nɛ e shi ndoŋ m ba na nawule, mo e la ma, Nyiŋgbasa Pibinyɛn na.

Baru lela nɛ Jɔn kute na 6:38

Ŋkpal manɛ so, n shi ebɔrɛso nna m ba nɛ m ba wora esa nɛ e shuŋi ma na be aparsheŋ, mannɛ ŋ gbagba be aparsheŋ so e shin nɛ m ba.

Ditɛronɔmi 33:2

“Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

Ditɛronɔmi 4:10

Menyi alɛ e baa nyiŋi kachɛ nɛ men daŋ yili Enyɛnpe, menyi be Ebɔrɛ na be anishito ashi kebeegboŋ nɛ baa tre Sainai na ase na jemanɛ nɛ e kaŋɛ ma le na: “Gama Israɛl be basa na abar so. Mee sha fanɛ b nu kusɔ nɛ ŋ kɔ nɛ ŋ kaŋɛ bumo nna, saŋɛ na so baaŋ koya kewora ma kasonu bumo be ŋkpa to kikɛ nseŋ ŋini bumo be mbia nɛ bumo alɛ gba e baa wora loŋ.”

Joshuwa 3:5

Kede be kaman nɛ Joshuwa kaŋɛ basa na le: “Men lara kulubi kikɛ ashi men be ŋgbene to nsaa du cheembi saŋkama ŋkpal manɛ so Enyɛnpe Ebɔrɛ na beeŋ ba menyi kutɔ echefo m ba wora emamachisheŋ.”