Ɛksodɔs 18:7 - EBƆRƐ BE KAWƆL

⁷ Ndoŋ nna nɛ Mosis lar n ya shɛr mo shanyɛn Jetro to nseŋ jɔŋɛ mo ase bunyanso. B ka chɔrɔ abar n loge nɛ b keta abar n luri Mosis be wajɛbu to.

Ɛksodɔs 18:7 ပူးပေါင်းရင်းမြစ်များ

Jɛnesis 14:17

Eebram ka daŋ ya kɔ m pɔɔ Kedɔrlawomer nɛ bewura nɛ b daŋ chɛ mo to a kɔ na so, nseŋ bɛta a ba na, nɛ Sodɔm be ewura daŋ ya shɛr mo to ashi Shave be Ketaŋɛ nɛ baa tre Bewura be Ketaŋɛ na to.

Jɛnesis 18:2

Eebraham daa baŋ maŋ kumu so nna nɛ e keni nseŋ wu benyɛn asa ko kaa yil. E ka wu bumo, epul na to nɛ e shile n lar kowu n ya shɛr bumo to ŋ jɔŋɛ bumo ase

Jɛnesis 19:1

Kumo be kamɔnchɛ kaaseso emalaika anyɔ na ka fo Sodɔm nɛ Lɔt tase kade na be kabuna. E ka baŋ wu bumo, epul na to nɛ e koso n ya shɛr bumo to ŋ jɔŋɛ bumo ase

Jɛnesis 29:13

Leeban malɛ ka baŋ nu mo sipoche pibi Jeekɔb be asheŋ nɛ e lar manaŋ n yɔ nɛ e ya shɛr mo to. E ka ya wu mo nɛ e ya ber mo to n chɔrɔ mo kashaso nseŋ keta mo n yɔ mo pe nɛ Jeekɔb ya kaŋɛ mo asheŋ nɛ a wora kikɛ nyam.

Jɛnesis 31:28

Fo maŋ tiŋ n shin nɛ n lala n nanabiana so ŋ kela bumo nɛ bumo nioana kashaso gba. Fo wora kawulisheŋ ga.

Jɛnesis 43:26

Josɛf ka ba epe nɛ b jɔŋɛ mo ase bunyanso nseŋ ta bumo be ŋkɛ nɛ b bar mo na n sa mo.

Jɛnesis 45:15

Kumo be kaman nɛ Josɛf nɛ mo daana na pɛ abar to kashaso n shu fraa. Ade be kaman nɛ mo daana na fara a malga mo kutɔ yɛlyɛla so.

Jɛnesis 46:29

nɛ Josɛf bela ase n luri mbe gbaŋɛturko to m pɛ ekpa nɛ e ya tu mo tuto Jeekɔb ndoŋ. Josɛf ka wu mo tuto nɛ e ya ber mo to m pɛ mo to nseŋ shu n chɛr ga.

2 Samuɛl 11:7

Yuriya ka ba ketre na to nɛ ewura Deevid bishi mo kananɛ Jɔab nɛ benapo na nɛ kena na be asheŋ du.

1 Bewura 2:19

Ndoŋ nna nɛ Bɛshiba yɔ ewura Sɔlɔmɔn kutɔ nɛ e ya kaŋɛ mo kusɔ nɛ Adonija kaŋɛ na. Ewura Sɔlɔmɔn ka wu mo nio nɛ e koso n yili n chɔrɔ mo bunyaŋ so, nseŋ chena mbe kuwurputi so, n shin nɛ b ta kuwurputi ko malɛ m ba nase mbe jisoso nɛ mo nio chena so.

Nshɛ 2:12

Men baa jɔŋɛ a bunyaŋ mo pibi na, nɛ mannɛ aloŋ e beeŋ nya agbo epul to m mur menyi. E bee nɛfa nsaa kuŋ bekama nɛ baa shile a yɔ mo kutɔ na nna.”

Ɛksodɔs 18:6

Ama pɔɛŋ nɛ Jetro yɛr mbia na le nɛ e daŋ kela ŋ kaŋɛ Mosis, “Fo shanyɛn kɔ fo eche nɛ mbia a ba.”

Ɛksodɔs 33:7

Saŋkama nɛ Israɛlebi na baŋ ya yuu bumo be keeyi, Mosis daa ta wajɛbu ko nna n lar ekarso m barga n yuu ŋ kɔr nsaa tre kumo, ‘nshɛr be wajɛbu.’ Ekama nɛ e daa sha kekule Ebɔrɛ daa yɔ nshɛr be wajɛbu na ase nna n ya kule.

Ɛksodɔs 4:27

Kede be kaman nɛ Enyɛnpe Ebɔrɛ kaŋɛ Ɛɛrɔn: “Yɔ keshishɛrsawule na ase n ya tu Mosis ndoŋ.” Ndoŋ nna nɛ Ɛɛrɔn yɔ n ya tu Mosis ashi Sainai be kebeegboŋ na so nseŋ ya ber mo to n chɔrɔ mo kashaso.

Nɔmbɛs 22:36

Ewura Balak ka nu fanɛ Balaam bee ba, nɛ e yɔ nɛ e ya shɛr mo to ashi kade nɛ baa tre Ar nɛ k wɔ Aanɔn be lɔr be ekarso ashi Mowab be kasawule be ekarso na.

Luuk 7:45

Fo maŋ pipe ma kegbuŋ kechɔrɔso n sɔ ma fanɛ efɔ, ama ŋ ka ba luri nfe nɛ kache ere bre ba kaa pipe ma ayadra daŋkare so hale e maŋ naŋ loge.

Ashuŋ Shunso 20:37

Ndoŋ nna nɛ bumo kikɛ ba kaa nyaŋ mo a mata bumo be amu kashaso a kela mo nsaa shu.

Ashuŋ Shunso 28:15

Bekurgepo nɛ b wɔ Rom na ka nu anyi be asheŋ nɛ b lege anyi m ba hale Apias be Kebɛ nɛ kakpa nɛ baa tre Befɔ be Ewushikpa be Nwu Asa na. Pɔɔl ka wu bumo nɛ e nya kenyɛn chɔrɔ Ebɔrɛ ga.

Demujipoana 11:34

Jɛfta ka bɛta n shi kena na to a ba epe ashi Mizpa, mo pibiche koŋwule e la esa nɛ e juŋkpar n ta chakachaka a boŋ kashɛ nsaa cha a shɛr mo to. Jɛfta daa maŋ naa kɔ ebiche ŋko ebinyɛn n ti mo so.

1 Samuɛl 17:18

nseŋ ta wagashi kudu ere malɛ n ya sa fo daana be katuŋ na be enimu. Kumo be kaman nɛ fo keni kananɛ fo daana du ndoŋ nseŋ fin shɛdaso be kusɔ ko ndoŋ m ba ŋini fanɛ fo wu bumo nɛ b kɔ alenfia.

1 Samuɛl 17:22

Nɛ Deevid yige ajibi na n yili benapo be enimu nɛ e bee keni ajibi be asheŋ so na kutɔ nseŋ shile n yɔ mo daana kutɔ ashi kaboŋ nɛ b wɔ na n ya bishi bumo kananɛ asheŋ du.