Ɛksodɔs 18:24 - EBƆRƐ BE KAWƆL

²⁴ Ndoŋ nna nɛ Mosis shuli m bɛ mo shanyɛn Jetro be kamalga na so nseŋ wora asɔ nɛ e kaŋɛ mo na kikɛ.

Ɛksodɔs 18:24 ပူးပေါင်းရင်းမြစ်များ

Ɛzra 10:2

Ndoŋ nna nɛ Jehiɛl pibinyɛn, Shekanaya, nɛ e shi Elam be kabuna kaŋɛ anebi Ɛzra: “Anyi maŋ ji kashenteŋ n sa Ebɔrɛ ŋkpal befɔche nɛ an ta a kil ere so. Ama tama kra wɔtɔ n sa Israɛlebi.

Ɛzra 10:5

Ndoŋ nna nɛ anebi Ɛzra koso n shin nɛ bɔrɛmatapoana be bejuŋkparpo nɛ Livaiebi be bejuŋkparpo kikɛ nase nnɔ fanɛ baaŋ wora kusɔ nɛ Shekanaya kaŋɛ na.

Nshɛ 78:53

E ka daa juŋkpar bumo so, kufu daa maa kɔ bumo; ama Teku Peper na daŋ mur bumo doŋana bre nna.

Ɛksodɔs 18:19

To, naniere nu ma kamalga ere. Fo nu kumo, Ebɔrɛ beeŋ chɛ fo to nɛ fo baa yili basa na kikɛ be katelamu to a ta bumo be edemu a ba Ebɔrɛ be anishito.

Ɛksodɔs 18:23

Kananɛ Ebɔrɛ bee sha fanɛ asheŋ e baa du nna na. Saŋɛ na so fo maaŋ naa gben ga nɛ basa ere malɛ e baa ta ŋgbenefuli a yɔ epe.”

Ɛksodɔs 18:25

Kumo be kaman nɛ Mosis lara benyɛn nɛ baaŋ tiŋ n shuŋ kushuŋ na ashi Israɛlebi na kikɛ to nseŋ shin nɛ b ki basa kagboŋ kagboŋ nɛ basa kalfa kalfa nɛ basa adununu nɛ basa kudu kudu be bekenipoana.

Aŋasa 1:5

A bee sa benyiashempo kenyi nna a ti so, nsaa chɛ bekoyapo to nɛ baa tiŋ a lara asɔ nɛ a daga kewora;

1 Kɔrintebi 12:21

Kenishi maaŋ tiŋ ŋ kaŋɛ enɔ le: “M maa sha fo kechɛto.” Kumu malɛ maaŋ tiŋ ŋ kaŋɛ ayadra le: “M maa sha men be kechɛto.”

Ditɛronɔmi 1:9

Ndoŋ nna nɛ Mosis kaŋɛ basa na le: “An ka daa wɔ kebee nɛ baa tre Sainai na ase na, n daŋ kaŋɛ menyi fanɛ kebaajuŋkpar menyi be kushuŋ na shi ga n sa ma. N nawule maaŋ tiŋ a shuŋ kumo.