Ɛksodɔs 18:23 - EBƆRƐ BE KAWƆL

²³ Kananɛ Ebɔrɛ bee sha fanɛ asheŋ e baa du nna na. Saŋɛ na so fo maaŋ naa gben ga nɛ basa ere malɛ e baa ta ŋgbenefuli a yɔ epe.”

Ɛksodɔs 18:23 ပူးပေါင်းရင်းမြစ်များ

Jɛnesis 18:33

Enyɛnpetale nɛ Eebraham ka malga n loge nɛ e choŋ nɛ Eebraham malɛ bɛta n yɔ laŋ to.

Jɛnesis 30:25

Reechel ka kurge Josɛf na be kaman nɛ Jeekɔb kaŋɛ Leeban: “Sa ma ekpa nɛ m bɛta n yɔ ma efuli so.

2 Samuɛl 18:3

Nɛ bumo alɛ kaŋɛ mo le: “Fo maaŋ bɛ anyi so n yɔ, ŋkpal manɛ so nɛ anyi doŋana baŋ pɔɔ anyi so nɛ anyee shile, ŋko nɛ b mɔ anyi be benapo ere be bargato gba, k bɔ fo ere ka ti anyi so n yɔ, ŋkpal manɛ so, fo asheŋ e tir a chɔ anyi basa ŋgboŋ kudu ere kikɛ. Amoso fo ere e shir a wɔ kade to a ta kechɛto kama nɛ fo kɔ a chise anyi.”

2 Samuɛl 19:39

Ndoŋ nna nɛ Deevid be benapo na kikɛ dii Jɔɔdan be Lɔr na. Nɛ mo ere shir kaman n kela Bazilai kashaso nseŋ nɛfa mo nɛ Bazilai bɛta n yɔ epe. Kumo be kaman nɛ Deevid malɛ nɛ Chimham dii n ya tu benapo na.

2 Samuɛl 21:17

Ndoŋ nna nɛ Zeruwa pibinyɛn Abishai daŋ ba mɔlga Deevid nseŋ mɔ kanyɛn gboŋgboŋi na. Kumo be kaman nɛ Deevid be basa na shin nɛ Deevid nase kɔnɔ fanɛ e maaŋ naa tu bumo a yɔ kena to. Nseŋ kaŋɛ mo le: “Anyi maa sha kepaŋ fo, ŋkpal manɛ so fo nɛ Israɛlebi kikɛ bee fute a yige so.”

Ɛksodɔs 16:29

Keni! Men nyiŋi fanɛ ma, Enyɛnpe Ebɔrɛ na e sa menyi kewushiachɛ na, amoso nɛ kachɛ shesopo na mee sa menyi be ekama nchɛnnyɔ be ajibi na. Kachɛ shunusopo na, ekama e shir a wɔ mbe laŋ to. Esa kama e sa maŋ lar kowu kikɛ.”

Ɛksodɔs 18:18

K beeŋ tɔrɔ fo nɛ basa nɛ b wɔ fo kutɔ ere kikɛ nɛ fo gben ga, ŋkpal manɛ so, kushuŋ na shi ga n sa fo. Fo nawule maaŋ tiŋ n wora kumo.

Ɛksodɔs 18:22

Shin nɛ loŋ be bejuŋkparpo na e baa ji basa na be edemu a sa bumo saŋkikɛ. Ama baaŋ tiŋ n ta demugboŋ bre m ba fo kutɔ. Saŋɛ na so, baaŋ chɛ fo to n sulɔ esulɔ na be ako nɛ asheŋ e ki pɔtɔ pɔtɔ n sa fo.

Ɛksodɔs 18:24

Ndoŋ nna nɛ Mosis shuli m bɛ mo shanyɛn Jetro be kamalga na so nseŋ wora asɔ nɛ e kaŋɛ mo na kikɛ.

Ashuŋ Shunso 15:2

Ndoŋ nna nɛ b kpal loŋ so n ji Pɔɔl nɛ Baanabas emɔrɔ kpakpaso ga nseŋ yili kumo fanɛ Pɔɔl nɛ Baanabas nɛ Antiɔk be basa na be beko e yɔ Jerusalɛm nɛ bumo nɛ beshuŋipo na nɛ benimuana na e ya malga demu na be asheŋ.

Galeeshaebi 2:2

N daŋ yɔ nna, ŋkpal manɛ so, Ebɔrɛ e daŋ lara ŋ ŋini ma fanɛ n yɔ. Bumo nɛ b daa la fanɛ benimuana na nɛ n daŋ shɛr wulo to ŋ kaŋɛ bumo baru lela nɛ mee malga a sa nnyamase na be asheŋ, ŋkpal manɛ so, n daa maa sha fanɛ kushuŋ nɛ n fara na e to jiga nɛ kananɛ ŋ kraa wɔ kumo to ere malɛ gba maaŋ baa la kusɔ jiga.

1 Samuɛl 8:22

Nɛ Enyɛnpe Ebɔrɛ kaŋɛ le: “Wora kusɔ nɛ baa sha n sa bumo nseŋ sa bumo ewura.” Ndoŋ nna nɛ Samuɛl kaŋɛ Israɛl be basa na kikɛ fanɛ b baa yɔ epe.