Ɛksodɔs 18:12 - EBƆRƐ BE KAWƆL

¹² Ndoŋ nna nɛ Jetro lara sarga chɔɔso nɛ esarga pɔtɛana ko n sa Ebɔrɛ. Ɛɛrɔn nɛ Israɛlebi be bejuŋkparpo na kikɛ daŋ ya tu Mosis mo shanyɛn Jetro nna n ji kejigboŋ Ebɔrɛ be anishito.

Ɛksodɔs 18:12 ပူးပေါင်းရင်းမြစ်များ

Jɛnesis 12:7

Ndoŋ nɛ Enyɛnpe na lar Eebram so ŋ kaŋɛ mo: “Meeŋ ta kasawule ere n sa fo kanaŋ to ebi.” Kumo be kaman nɛ Eebram yuu bɔrɛsure ndoŋ n lara sarga n sa Enyɛnpe Ebɔrɛ nɛ e lar mo so ndoŋ na.

Jɛnesis 26:25

Ndoŋ nna nɛ Aizek yuu bɔrɛsure ndoŋ m bunyaŋ Enyɛnpe Ebɔrɛ na. Kumo be kaman nɛ e yuu mbe wajɛbu n chena ndoŋ nɛ mbe nyɛrbi kur ketirbu.

Jɛnesis 26:30

Ndoŋ nna nɛ Aizek wora kejigboŋ n sa bumo nɛ b ji gbetɛɛ.

Jɛnesis 31:54

Kumo be kaman nɛ e lara sarga abee be efuli na so ndoŋ nseŋ tre basa nɛ b wɔ ndoŋ na kikɛ nɛ b ba ji. B ka ji n loge nɛ b di ndoŋ ŋklade.

Jɛnesis 4:4

nɛ Eebel malɛ bar mbe asɔbɔya to be ewurkoŋfɔlbiana na be eko m ba mɔ nseŋ lara kumo be ebɛaŋ n sa Enyɛnpe Ebɔrɛ na. Ndoŋ nna nɛ Eebel nɛ mbe kakɛ na be asheŋ bɔlɔ Enyɛnpe Ebɔrɛ na kenishi.

Jɛnesis 43:25

Kumo be kaman nɛ Jeekɔb be mbia na lara bumo be ŋkɛ mo nɛ b bar Josɛf na n yili a jo mo, ŋkpal manɛ so, b daŋ nu fanɛ bumo nɛ mo e naa shin nɛ b ji kapaso be ajibi kamɔnchɛ na.

Jɛnesis 8:20

Ndoŋ nna nɛ Nowa gbare ajembu n deŋi abar so nseŋ pɛ m pɛ asɔbɔya nɛ a maŋ kɔ eyurpi n daga keta n lara sarga na be ako nɛ mbuibi nɛ a maŋ kɔ eyurpi n daga keta n lara sarga na be ako m mɔ n deŋi ajembu na so n chɔɔ n lara sarga n sa Ebɔrɛ.

2 Samuɛl 9:7

Ndoŋ nna Deevid kaŋɛ mo: “Sa maa lɔ kufu. Ŋkpal fo tuto Jonatan so maaŋ tiŋ n yige kewora fo kelela. Meeŋ ta kasawule nɛ k la fo nananyɛn Sɔɔl peya na kikɛ n laŋɛ n sa fo. Ma laŋ to malɛ nɛ feeŋ baa ji saŋkikɛ.”

2 Kronikɛls 30:22

Ewura Hɛzekaya daŋ chɔrɔ Livaiebi na nna ŋkpal kenyi nɛ b daa kɔ a juŋkpar basa nɛ baa bunyaŋ Enyɛnpe Ebɔrɛ na so. Nchɛ ashunu nɛ b ta n lara sarga n di Enyɛnpe bumo nananyɛnana be Ebɔrɛ na epaŋ na be kaman,

Job be kawɔl 1:5

Mbia na baŋ ji kejigboŋ ŋklade kachipurso kikɛ, Job beeŋ shuŋi n tre bumo m ba lara esarga chɔɔso n sa Ebɔrɛ ŋ kule alubi be ketampaŋ n sa mbia na, a fɛ fanɛ ashere b kaa bee ji nsaa nuu na b wora kulubi ko n da Ebɔrɛ so nɛ b maŋ nyi.

Job be kawɔl 42:11

Kumo be kaman nɛ Job wora kejigboŋ n sa mo niopibiana kikɛ nɛ mo teri draana kikɛ ashi mbe laŋ to. B daŋ ba wushi mo kagbene nseŋ lolo mo nna a laŋɛ etɔrɔ nɛ Enyɛnpe Ebɔrɛ na daŋ sa ekpa nɛ a ba mo so na kikɛ be kaplɛa so nna. Bumo be ekama daŋ sa mo amansherbi nɛ shuwa be kepinibi nna.

Job be kawɔl 42:8

Amoso mee sha fanɛ men ta egbolu ashunu nɛ ekpakpa ashunu n ya sa Job nɛ e ta amo n yili men be katelamu to n lara sarga chɔɔso nɛ k beeŋ par ma. Kumo be kaman nɛ ma kayɛrbi Job e kule Ebɔrɛ n sa menyi nɛ n sɔ mbe kekule na nsaa maaŋ naŋ wora menyi kusɔ nɛ k daga menyi ŋkpal menyi be kawuli so. Menyi maŋ malga kusɔ nɛ k daga a laŋɛ ma kaplɛa so fanɛ kananɛ ma kayɛrbi Job bre wora na.”

Ɛksodɔs 18:13

Kumo be ŋklade nɛ Mosis nawule chena a ji basa na kikɛ demu nɛ basa na yil mo so kachipurso loŋ hale n ya fo kaaseso.

Ɛksodɔs 2:16

Nɛ Jetro nɛ e daa la bɔrɛmatapo ashi Midian na be mbichebi ashunu ba nɛ b ba jɔ nchu ketirbu na to n wɔtɔ asɔbɔya be asɔnuunchu to n sa bumo tuto be mbolpɔ nɛ mboe.

Ɛksodɔs 2:20

Ndoŋ nna nɛ mbichebi na bumo tuto bishi bumo le: “Nɛ nnɛ nɛ e wɔ? Manɛ nna nɛ men yige mo ndoŋ? Men ya tre mo nɛ e ba ji kusɔ ko.”

Ɛksodɔs 20:24

Ama men baga eshishɛr m pɔr bɔrɛsure n sa ma nsaa lara men be esarga chɔɔso nɛ men be kɔnɔkoŋwule be esarga kumo so. Amo nɛ menyee ta mbolpɔ nɛ mboe nɛ ana a lara na. Kaplɛkama nɛ n ya kaa sha fanɛ men baa bunyaŋ ma ndoŋ, meeŋ ba menyi kutɔ m ba nɛfa menyi ndoŋ.

Ɛksodɔs 24:11

Ama Ebɔrɛ daa maŋ teŋi mbe enɔ m bar tɔrɔ Israɛl be bejuŋkparpo na be ekama so. B daŋ wu mo kenishiso nseŋ kraa wɔtɔ a ji a nuu.

Ɛksodɔs 24:5

Kumo be kaman nɛ Mosis lara Israɛl be basa na to be mbrantiɛbia nɛ b ya lara sarga chɔɔso nseŋ ta ana n lara kɔnɔkoŋwuleso be esarga n sa Enyɛnpe Ebɔrɛ na.

Ɛksodɔs 3:1

Mosis daa kpa mo shanyɛn Jetro nɛ e daa la Midian be bɔrɛmatapo na be mbolpɔ nna. Kachako nɛ e kpa bumo m bɔla kiyi to n ya fo Ebɔrɛ be kebeegboŋ nɛ baa tre Sainai na ase.

Ɛksodɔs 33:7

Saŋkama nɛ Israɛlebi na baŋ ya yuu bumo be keeyi, Mosis daa ta wajɛbu ko nna n lar ekarso m barga n yuu ŋ kɔr nsaa tre kumo, ‘nshɛr be wajɛbu.’ Ekama nɛ e daa sha kekule Ebɔrɛ daa yɔ nshɛr be wajɛbu na ase nna n ya kule.

Danɛl 10:3

N daa maŋ ji ajibi gbɛgbɛso kikɛ ŋko n we eblaŋ ŋko n nuu asɔnuuso ŋko ŋ gbiti ŋku bɔkwe asa na kikɛ to.

Nɔmbɛs 10:29

B ka bee bela ase nɛ b kaa na, nɛ Mosis kaŋɛ Jetro pibinyɛn Hobab nɛ e la mo ere Mosis mo churo na le: “Anyee bela ase nna nɛ an yɔ kakpa nɛ Enyɛnpe Ebɔrɛ nase kɔnɔ fanɛ e beeŋ sa anyi na. Mo e kaŋɛ fanɛ e beeŋ nɛfa Israɛl, amoso bɛ anyi so, asheŋ beeŋ ya nyalɛ n sa anyi kikɛ.”

Luuk 14:1

Kewushiachɛ ko Yesu ka yɔ Efarisiana be enimu ko pe nɛ e ya ji nɛ baa tɛ mo nɛnɛ.

Luuk 14:15

Basa nɛ b chena ndoŋ na be eko ka nu loŋ nɛ e kaŋɛ Yesu le: “Esa kama nɛ e nya Ebɔrɛ be kuwura na to n chena n ji, kagbenefuli beeŋ baa la mo peya.”

1 Kɔrintebi 10:18

Men fɛ Israɛlebi be asheŋ ŋ keni. Men maŋ nyi fanɛ bekama nɛ b ji esarga mo nɛ b lara n sa Ebɔrɛ ashi bɔrɛsure na so wɔ bumo nɛ Ebɔrɛ be kɔnɔkoŋwuleso be kebaawɔtɔ to nna ŋkpal bɔrɛsure na so a?

1 Kɔrintebi 10:21

Men maaŋ tiŋ n nuu asɔnuuso ashi Enyɛnpe be kawiebi na to nseŋ naŋ tiŋ n nuu alizinaana peya to. Men maaŋ tiŋ n nya kakpa n chena Enyɛnpe be ejikpa n ji nseŋ naŋ nya kakpa n chena alizinaana be ejikpa n ji.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

Ditɛronɔmi 12:7

Enyɛnpe menyi be Ebɔrɛ nɛ e nɛfa menyi na be anishito nɛ menyi nɛ menyi be kaman to ebi beeŋ baa ji asɔ lela nɛ menyeeŋ shuŋ n nya ndoŋ na.

Ditɛronɔmi 27:7

nɛ kɔnɔkoŋwule nɛ kapandi be esarga, nsaa ji amo kagbenefuliso ashi Enyɛnpe menyi be Ebɔrɛ na be anishito a bunyaŋ mo nsaa kule mo enɛfa.