Ɛksodɔs 18:10 - EBƆRƐ BE KAWƆL

¹⁰ Nɛ Jetro kaŋɛ le: “Kemaŋkura e baa la Enyɛnpe Ebɔrɛ mo nɛ e mɔlga fo nɛ basa na kikɛ ashi Ijipt be ewura Fɛɛro nɛ mbe basa Ijiptebi na be kenyaya to na peya.

Ɛksodɔs 18:10 ပူးပေါင်းရင်းမြစ်များ

Jɛnesis 14:20

Kemaŋkura e baa la Ebɔrɛ Ewurgboŋ nɛ e sa fo eleŋ nɛ fo kɔ m pɔɔ fo doŋana so na peya.” Nɛ Eebram sa Mɛlkizedɛk asɔ nɛ e ya nya kena na to na kikɛ be kudukudusopo.

Jɛnesis 24:27

ŋ kaŋɛ: “Kapandi e baa la Enyɛnpetale n nyɛnpe Eebraham be Ebɔrɛ na peya, ŋkpal manɛ so e maŋ teŋ mbe kelela be kɔnɔ naseso nɛ e sa n nyɛnpe na so. Mo e juŋkpar ma le m ba luri n nyɛnpe mo kurgepoana gbagba pe.”

2 Samuɛl 18:28

Ndoŋ nna nɛ Ahimaaz ponte ŋ kaŋɛ le: “An kɔ m pɔɔ so! An kɔ m pɔɔ so! Kapandi e ba la Enyɛnpe fo Ebɔrɛ nɛ e shin nɛ fo kɔ m pɔɔ basa nɛ b nyaŋɛto a kɔ fo na peya, Yiramu.” Nseŋ ya jɔŋɛ mbe anishito bunyaŋ so.

1 Bewura 8:15

Le nɛ e daŋ kaŋɛ: “Kapandi e baa la Enyɛnpe Ebɔrɛ Israɛl be Ebɔrɛ na peya! Mo e daŋ shin nɛ mbe nnɔ naseso bɔlɔ so n sa n tuto ewura Deevid nseŋ kaŋɛ mo le:

1 Bewura 8:56

“Kemaŋkura e baa la Enyɛnpe Ebɔrɛ nɛ e nase kɔnɔ fanɛ e beeŋ sa mbe basa kagbenewushi na peya. E daŋ bɔla mbe kayɛrbi Mosis so nna n shin nɛ mbe nnɔ naseso nɛ e nase n sa bumo na kikɛ bɔlɔ so.

Nshɛ 41:13

Kechɔrɔ e baa la Enyɛnpe Israɛl be Ebɔrɛ na peya hale mbaanaayɔ. Amɛn.

Luuk 1:68

“Men shin nɛ an di Enyɛnpe, Israɛl be Ebɔrɛ epaŋ. Mo e ba mbe basa be kechɛto to m ba sɔ bumo n yige.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

1 Tɛsalɔnikaebi 3:9

Naniere anyeeŋ tiŋ n chɔrɔ Ebɔrɛ ŋkpal menyi so. Anyee chɔrɔ anyi be Ebɔrɛ na ŋkpal kagbenefuli nɛ e sa anyi ŋkpal menyi so na so.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

1 Samuɛl 15:6

Le nɛ Sɔɔl daŋ kaŋɛ Kenebi ko nɛ b daŋ chena m mata Amalɛkebi na: “Saŋɛ nɛ anyi be efuli ere so ebi daŋ lar Ijipt a ba na, menyi be basa daŋ wora bumo kelela ga. Amoso men lar Amalɛkebi ere to manaŋ nɛ an sa maŋ kaŋ mɔ menyi n ti bumo so saŋɛ nɛ anyee kɔ bumo kena na.” Ndoŋ nna nɛ Kenebi na lar Amalɛkebi na to.

1 Samuɛl 25:32

Ndoŋ nna nɛ Deevid kaŋɛ Abigɛl le: “Kemaŋkura e baa la Enyɛnpe, Israɛl be Ebɔrɛ nɛ e shuŋi fo fanɛ fo ba shɛr ma to kabre ere peya!