Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ɛksodɔs 18:1 - EBƆRƐ BE KAWƆL

1 Ade kikɛ be kaman nɛ Mosis mo shanyɛn Jetro nɛ e daa la Midian be bɔrɛmatapo na daŋ nu asɔ nɛ Ebɔrɛ wora n sa Mosis nɛ Israɛlebi na nɛ kananɛ Enyɛnpe Ebɔrɛ lara mbe basa Israɛlebi na ashi Ijipt be asheŋ.

အခန်းကိုကြည့်ပါ။ ကော်ပီ




Ɛksodɔs 18:1
33 ပူးပေါင်းရင်းမြစ်များ  

Enyɛnpe Ebɔrɛ na ka kɔ n suge mbe basa laraso ashi Ijipt be efuli so na, b daŋ boŋ nshɛ n ji eyur kagbenefuliso nna.


Menyi nɛ men la Eebraham nɛ e shuŋ Ebɔrɛ na, nɛ Jeekɔb nɛ Ebɔrɛ lara dra dra na mo nanabiana na, e baa nyiŋi Ebɔrɛ be mamachi be asheŋ woraso nɛ kananɛ e bee ji asheŋ nɛ amo be ekpa so be asheŋ.


Esa kikɛ maaŋ tiŋ m malga mbe asheŋgboŋ be asheŋ n ya loge kikɛ. Esa kikɛ malɛ maaŋ tiŋ ŋ kpaŋ mo gba n ya loge.


Meeŋ fur mo ŋkpal kusɔ nɛ e wora so, nɛ bekama nɛ baa ji awurfoŋ na e nu kumo be loŋ nɛ bumo be ŋgbene e fuli bumo.


Enyɛnpe anyi be Ebɔrɛ, an nananyɛnana kaŋɛ anyi kusɔ nɛ fo wora dra dra na. Nɛ anyi alɛ kaŋ asoe n nu,


Anyi maaŋ ta amo ŋ ŋana anyi be mbia so. Anyeeŋ malga Enyɛnpe Ebɔrɛ na be eleŋgboŋ nɛ mbe asheŋgboŋ nɛ emamachisheŋ nɛ e wora na be asheŋ n sa anyi be mbia nɛ baaŋ ba anyi be kaman na.


Nɛ Jetro nɛ e daa la bɔrɛmatapo ashi Midian na be mbichebi ashunu ba nɛ b ba jɔ nchu ketirbu na to n wɔtɔ asɔbɔya be asɔnuunchu to n sa bumo tuto be mbolpɔ nɛ mboe.


Mbichesobi na ka bɛta n yɔ bumo tuto Jetro kutɔ nɛ e bishi bumo: “Manɛ nna nɛ men bɛta m ba manaŋ kabre loŋ?”


Kumo be kaman nɛ Mosis shuli n chena Midian. Mosis nɛ bumo wɔtɔ loŋ nɛ Jetro ta mo pibiche Zipora n sa mo nɛ e ki mbe eche.


Mosis daa kpa mo shanyɛn Jetro nɛ e daa la Midian be bɔrɛmatapo na be mbolpɔ nna. Kachako nɛ e kpa bumo m bɔla kiyi to n ya fo Ebɔrɛ be kebeegboŋ nɛ baa tre Sainai na ase.


Ndoŋ nna nɛ Mosis bɛta n yɔ mo shanyɛn Jetro kutɔ n ya kaŋɛ mo le: “Jande, sa ma ekpa nɛ m bɛta n yɔ ma basa kutɔ ashi Ijipt n ya keni b kraa wɔ ŋkpa to a.” Nɛ Jetro kaŋɛ Mosis le: “Ebɔrɛ e yɛr fo nɛ alenfia.”


Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.


Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”


Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”


B ka bee bela ase nɛ b kaa na, nɛ Mosis kaŋɛ Jetro pibinyɛn Hobab nɛ e la mo ere Mosis mo churo na le: “Anyee bela ase nna nɛ an yɔ kakpa nɛ Enyɛnpe Ebɔrɛ nase kɔnɔ fanɛ e beeŋ sa anyi na. Mo e kaŋɛ fanɛ e beeŋ nɛfa Israɛl, amoso bɛ anyi so, asheŋ beeŋ ya nyalɛ n sa anyi kikɛ.”


B ka ba Antiɔk nɛ b shɛr asɔriebi na kikɛ ŋ kaŋɛ bumo asɔ nɛ bumo nɛ Ebɔrɛ wora kikɛ nɛ kananɛ e bugi ekpa n sa nnyamase gba nɛ b yirda.


Pɔɔl nɛ Baanabas ka bee kute Ebɔrɛ be etɔɔnɛsheŋ nɛ emamachisheŋ damta nɛ Ebɔrɛ shin nɛ b wora nnyamase na to be asheŋ ere nɛ basa na kikɛ la to boeŋ a nu.


Meeŋ baa kɔ kenyɛn nawule a malga asheŋ nɛ Kristo na wora ashi ma to nɛ loŋ e tiŋ n shin nɛ m bɔla mmalga nɛ ashuŋ shunso to n shin nɛ nnyamase e ba kaa nu a sa Ebɔrɛ.


Ŋkpal manɛ so, an nu kananɛ Enyɛnpe Ebɔrɛ na shin nɛ teku peper na wɔlto saŋɛ nɛ men lar ljipt be efuli so a ba na, nɛ kananɛ men kɔ Sihɔn nɛ Ɔg nɛ b daa ji kuwura Amɔriebi be kasawule nɛ k wɔ Jɔɔdan be epeŋilarkpa na kena m mur bumo nɛ bumo be asɔ kikɛ na be asheŋ.


Nɛ b kaŋɛ le: “An shi efuli wɔfɔ nna nseŋ nu Enyɛnpe, menyi be Ebɔrɛ na be asheŋ. An nu kusɔ kama nɛ e wora n sa menyi ashi Ijipt be kasawule so,


Kɛnebi nɛ b la Mosis mo shanyɛn be kaman to ebi daŋ tu Judaebi nna n lar kade nɛ baa tre Jɛriko na n ya chena m mata kade nɛ baa tre Arad nɛ k dese kasawule wɔlso nɛ k wɔ kelargato be kaseto na so.


Jemanɛ ere so nɛ kanyɛn ko nɛ baa tre Heba, nɛ e shi Kɛn be kabuna na, malɛ yuu mbe wajɛbu ashi kadebi ko nɛ baa tre kumo Zaananim na be kedibi gboŋgboŋi ko ase m mata Kɛdesh. E daŋ lar mo kurgepoana Kɛnebi nɛ b la kanyɛn ko nɛ baa tre Hɔbab nɛ e la Mosis mo churo na be kaman to ebi na to nna n ya chena ndoŋ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ