Ɛksodɔs 17:7 - EBƆRƐ BE KAWƆL

⁷ Nɛ Mosis nase kaboŋ na be ketre Masa nɛ Meriba, ŋkpal Israɛlebi na ka daŋ malga ŋ gbiti Enyɛnpe Ebɔrɛ nseŋ wora mo ŋ keni saŋɛ nɛ b bishi fanɛ Enyɛnpe Ebɔrɛ na wɔ anyi kutɔ nna ere ŋko e maŋ wɔtɔ na so so.

Ɛksodɔs 17:7 ပူးပေါင်းရင်းမြစ်များ

Nshɛ 106:32

Basa na daŋ wɔtɔ Enyɛnpe Ebɔrɛ na agbo to nna ashi kubuye nɛ baa tre Mɛriba na ase, nɛ Mosis daŋ ŋkpal bumo so n wora n da Ebɔrɛ so.

Nshɛ 78:18

B daŋ kute nna n wora Ebɔrɛ ŋ keni; jemanɛ nɛ b daa yil mo so fanɛ e sa bumo ajibi nɛ b daa sha ga na.

Nshɛ 81:7

Men ka daa wɔ etɔrɔ to, ma nɛ men shu n tre, nɛ m mɔlga menyi. Abɔrɛwɔlpa to nɛ n daa wɔ nseŋ nu menyi be kushu. Kumo be kaman nɛ n wora menyi ŋ keni ashi Mɛriba be kebuye na ase.

Nshɛ 81:8

O ma basa, men nu ma kasokpele ere. Israɛlebi, n daa beeŋ baa sha fanɛ men nu n sa ma!

Nshɛ 95:8

men sa maŋ wora menyi be ŋgbene kpakpa, fanɛ kananɛ men nanaana daŋ wora ashi mboŋ nɛ baa tre Mɛriba nɛ Maasa ashi keshishɛrsawule so na.

Ɛksodɔs 17:2

Ndoŋ nna nɛ baa fubel a kaŋɛ Mosis le: “Sa anyi nchu nɛ an nuu.” Ndoŋ nna nɛ Mosis bishi bumo: “Manɛ nna nɛ menyee fubel loŋ? Manɛ nna nɛ menyee wora Enyɛnpe Ebɔrɛ na a keni?”

Ɛksodɔs 34:9

nseŋ kaŋɛ: “O, n Nyɛnpe Ebɔrɛ, nɛ ma asheŋ bee par fo, kumo ere mee kule fo nna nɛ fo tu anyi n yɔ. N nyi basa ere ka kɔ amu kpakpaso, ama ta anyi be ashuŋ lubi nɛ alubi kikɛ m paŋ anyi nseŋ ta anyi ŋ ki fo gbagba be basa.”

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Nɔmbɛs 14:22

basa ere b ekama maaŋ yɔ kasawule nɛ n nase kɔnɔ n sa bumo na so. Ŋkpal manɛ so b wu ma kemaŋkura nɛ emamachisheŋ nɛ n wora ashi Ijipt be kasawule so nɛ keshishɛrsawule na so, ama b kini kenu n sa ma nseŋ wora ma ŋ keni alɛ damta.

Nɔmbɛs 20:13

Israɛlebi na daŋ fubel m bile asheŋ nna m malga ŋ gbiti Enyɛnpe Ebɔrɛ na, nɛ e ŋini bumo mbe kecheembiya be eleŋ nseŋ sa bumo nchu nɛ b nuu nseŋ nase kakpa na be ketre Mɛriba. Mɛriba be kifito e la kefubel m bile asheŋ.

Nɔmbɛs 20:24

“Ɛɛrɔn be keya maaŋ cha kasawule nɛ n nase kɔnɔ fanɛ meeŋ ta n sa Israɛlebi na so. Ŋkpal menyi benyɔ ka kini kenu n sa ma ashi Mɛriba na so, meeŋ shin nɛ e wu.

Nɔmbɛs 27:14

Ŋkpal manɛ so, Israɛlebi na ka fubel m bile asheŋ m malga ŋ gbiti ma ashi Mɛriba nɛ k mata Kadɛsh ashi Zin be keshishɛrsawule so na, kakpa nɛ n shin nɛ nchu lar kefalta to na, menyi basa anyɔ na daŋ maŋ yirda ma nseŋ kini keshin nɛ Israɛlebi na pin ma eleŋ.”

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.

Ditɛronɔmi 33:8

A laŋɛ Livai be yiri be kaplɛa so, le nɛ Mosis kaŋɛ: “Fo Enyɛnpe Ebɔrɛ na e naa shin nɛ Livaiebi nɛ b la fo nyɛrbi a ji kashenteŋ na bee bɔla Urim nɛ Tumim so a pin fo aparsheŋ. Fo e daŋ wora bumo ŋ keni ashi Massa, nseŋ mige bumo to m pin fanɛ b la beshenteŋjipoana nna ashi Mɛriba be nchu na ase.

Ditɛronɔmi 6:16

Men sa maŋ kaŋ wora Enyɛnpe menyi be Ebɔrɛ na ŋ keni, fanɛ kananɛ men daŋ wora ashi kakpa nɛ baa tre Massa na.

Ditɛronɔmi 9:22

Ade kikɛ be kaman, b daŋ naŋ shin nɛ Enyɛnpe menyi be Ebɔrɛ na nya agbo jemanɛ nɛ b daa wɔ mboŋ nɛ baa tre Tabera nɛ Massa nɛ Kibrɔf Hattava na nna.

Joshuwa 22:31

Ndoŋ nna nɛ bɔrɛmatapo Eliaza pibinyɛn Finihas kaŋɛ bumo le: “Naniere bre an pin fanɛ Enyɛnpe Ebɔrɛ na e chɛ anyi to nɛ an lɔŋɛ abar na. Ŋkpal manɛ so menyi maŋ kini kenu n sa mo, amoso nɛ men mɔlga Israɛlebi ashi Enyɛnpe na be kasogberge to na.”