Ɛksodɔs 17:6 - EBƆRƐ BE KAWƆL

⁶ Meeŋ ya kaa yil Sainai be kebee na be kefalta na ase nɛ fo ta kekpabi na ŋ ŋmɛa kefalta na nɛ nchu e lar kumo to nɛ basa na e nuu.” Ndoŋ nna nɛ Mosis wora loŋ ashi Israɛlebi be benimu na be anishito.

Ɛksodɔs 17:6 ပူးပေါင်းရင်းမြစ်များ

Nehemaya 9:15

Akoŋ ka daŋ pɛ bumo fo sa bumo ajibi nɛ a shi ebɔrɛso nna. Achukoŋ ka daa kɔ bumo, fo daŋ shin nɛ nchu lar kefalta to nna nɛ b nuu. Kumo be kaman nɛ fo kaŋɛ bumo fanɛ b kɔ n suge kasawule nɛ fo nase kumo be kɔnɔ na nna.

Nshɛ 105:41

E daŋ shin nɛ kefalta pante nɛ nchu lar kumo to eleŋso, a shile keshishɛrsawule na so fanɛ lɔr na nna.

Nshɛ 114:8

ŋkpal manɛ so, mo e naa shin nɛ kefalta kpakpaso bee pante a lar nchu nɛ a bee dese fanɛ kepa ŋko a shile fanɛ kabombi na.

Nshɛ 46:4

eboŋ ko wɔtɔ nna a shile boeŋ boeŋ, a bar kagbenefuli ashi Ebɔrɛ be kadegboŋ cheembi nɛ Enyɛnpetale Ebɔrɛ na wɔ kumo be basa to na so.

Nshɛ 74:15

Fo e daŋ shin nɛ kasawule pante n lar nchu ŋ ki fanɛ kebuye nɛ mbombi. Nseŋ shin nɛ elɔr nɛ a daa shile bre wɔlto na.

Nshɛ 78:18

B daŋ kute nna n wora Ebɔrɛ ŋ keni; jemanɛ nɛ b daa yil mo so fanɛ e sa bumo ajibi nɛ b daa sha ga na.

Nshɛ 78:20

E ka daŋ shin nɛ kefalta na pante na, nchu daŋ lar a shile fanɛ mbombi na. Ama e kraa beeŋ tiŋ n sa anyi ajibi nna ere a? E beeŋ tiŋ n sa mbe basa eblaŋ nna ere a?”

Nshɛ 81:7

Men ka daa wɔ etɔrɔ to, ma nɛ men shu n tre, nɛ m mɔlga menyi. Abɔrɛwɔlpa to nɛ n daa wɔ nseŋ nu menyi be kushu. Kumo be kaman nɛ n wora menyi ŋ keni ashi Mɛriba be kebuye na ase.

Ɛksodɔs 14:16

Teŋi fo kekpabi na n shoŋi teku na nɛ k ku to nɛ Israɛlebi na e nite kasawule wɔlso so m bɔla kumo to n choŋ.

Ɛksodɔs 16:10

Ɛɛrɔn ka bee malga a sa Israɛlebi na nɛ b keni keshishɛrsawule na be kaba so n wu Enyɛnpe be kemaŋkura ka bee nyaŋɛ kuwɔlpa to epul na to.

Aizaaya 48:21

E juŋkpar anyi m bɔla keshishɛrsawule so nseŋ shin nɛ kefalta pante n lar nchu nɛ an nuu n tuge achukoŋ.

Nɔmbɛs 20:8

“Ta kekpabi nɛ k wɔ ŋkre be deka na be anishito na, nɛ fo nɛ Ɛɛrɔn e tre basa na kikɛ n shɛr, nɛ fo yili bumo be anishito m malga n sa kefalta na nɛ nchu e shi kumo to n lar eleŋso nɛ basa na nɛ bumo be asɔbɔya kikɛ e nya nchu n nu.”

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

1 Kɔrintebi 10:4

nseŋ daŋ nuu asɔnuuso koŋwule mo nɛ a daŋ shi Ebɔrɛ kutɔ na. Kefalta mo nɛ kumo nɛ bumo daa na na kutɔ nɛ b daŋ nuu amo. Kefalta na e la Kristo na.

Ditɛronɔmi 1:2

Nchɛ kudukako nɛ esa beeŋ ta n shi kebee nɛ baa tre Sainai na ase m bɔla Edɔm be kebeesawule so be ekpa na n ya fo kakpa nɛ baa tre Kadɛsh Bania na.

Ditɛronɔmi 8:15

Men baa nyiŋi kananɛ e juŋkpar menyi keshishɛrsawule gboŋgboŋi nɛ awɔ lubi nɛ nna wɔ kumo so na to. Nchu daa maŋ wɔ ndoŋ nɛ Enyɛnpe Ebɔrɛ na shin nɛ kefalta baŋɛ nɛ nchu lar kumo to saŋɛ na so, menyeeŋ nya n nuu.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.