Ɛksodɔs 17:14 - EBƆRƐ BE KAWƆL

¹⁴ Kumo be kaman nɛ Enyɛnpe Ebɔrɛ kaŋɛ Mosis le: “Sibɛ kekɔmpɔɔso ere be asheŋ kikɛ n nase kawɔl to, saŋɛ na so k beeŋ baa la kanyiŋi nɛ fo kraŋ kumo ŋ ŋini Joshuwa. Ŋkpal manɛ so meeŋ mur Amalɛkebi nɛ b ka na kikɛ cheche ashi kasawule so nɛ esa kikɛ maaŋ naŋ nu bumo be asheŋ.”

Ɛksodɔs 17:14 ပူးပေါင်းရင်းမြစ်များ

2 Samuɛl 1:1

Israɛlebi be ewura Sɔɔl wu kena to nɛ Deevid kɔ m pɔɔ Amalɛkebi na so nseŋ bɛta m ba Ziklag.

2 Samuɛl 8:12

Efuliana na e la Edɔm nɛ Mowab nɛ Ammɔn nɛ Filistia nɛ Amalɛk. E daŋ ta asɔ nɛ e suge Zoba be ewura Hadadeza kutɔ na gba nna n ti so m bɔɔ Ebɔrɛ enɔ.

1 Kronikɛls 4:42

Kede be kaman nɛ Ishi be mbinyɛnsobi nɛ baa tre Pɛlatiya nɛ Neriya nɛ Rafaya nɛ Uziɛl na juŋkpar Simiɔn be yiri na to be basa alfa anu n ya kɔ n sɔ Edɔm be efuli.

1 Kronikɛls 4:43

B daŋ mɔ Amalɛkebi nɛ b ka ndoŋ na kikɛ nna nseŋ sɔ kakpa na n chena hale kabre.

Ɛzra 9:14

Nɛ manɛ so, nɛ anyeeŋ naŋ kini kebɛ fo mbra na so nseŋ ya ta ŋko ŋ kil le be basa nɛ b wɔ eyurpisheŋ to ere? Nɛ an wora loŋ feeŋ nya agbo n wora anyi nseŋ mur anyi gba kuraa. Fo alɛ maaŋ naŋ shin nɛ anyi to be ekoŋwule gba e baa wɔ ŋkpa to.

Job be kawɔl 18:17

Bumo ere choŋ nɛ ekama teŋ bumo so nna na.

Job be kawɔl 19:23

B daŋ sibɛ ma mmalga ere n nase kawɔl to k daa beeŋ par ma ga.

Nshɛ 9:6

Ama doŋana mur cheche. Fo jija bumo be ndeana kikɛ, nɛ esa kikɛ maaŋ naŋ nyiŋi bumo hale mbaanaayɔ.

Ɛksodɔs 12:14

“A daga fanɛ menyi nɛ men be kaman to ebi kikɛ e baa wora kejigboŋ kafɛ kikɛ a nyiŋi kusɔ nɛ ma, Enyɛnpe Ebɔrɛ wora n sa menyi ere. Men shin nɛ k ki mbra n sa menyi mbaanaayɔ.

Ɛksodɔs 13:9

Kesheŋ ere beeŋ baa la kanyiŋi nna nsaa du fanɛ b ka kre mbra na m mata menyi be enɔana so ŋko menyi be nsɔto nɛ men baa ŋini beko kumo be asheŋ. Saŋɛ na so, k beeŋ baa nyiŋi menyi kananɛ Enyɛnpe Ebɔrɛ be mbra na bɔlɔ menyi to kpal manɛ so, Enyɛnpe Ebɔrɛ ta mbe eleŋgboŋ nna n lara menyi ashi Ijipt be kasawule so.

Ɛksodɔs 17:13

Ŋkpal loŋ so, Joshuwa daŋ kɔ m pɔɔ Amalɛkebi na so nna.

Ɛksodɔs 24:4

Ndoŋ nna nɛ Mosis sibɛ Enyɛnpe Ebɔrɛ be mmalga na kikɛ n nase. Kare ka chɛ kachipurdidi nɛ e wule ŋ koso n ya yuu bɔrɛsure ashi kebee na be kaseto nseŋ ta ajembu tenteŋ kuduanyɔ n yuu nɛ a yili n sa Israɛlebi be eyiri kuduanyɔ na.

Ɛksodɔs 32:33

Nɛ Enyɛnpe Ebɔrɛ kaŋɛ Mosis: “Bekama nɛ b wora alubi ŋ gbiti ma na be atre nɛ mee lara ashi kawɔl na to.

Ɛksodɔs 34:27

Ade kikɛ be kaman nɛ Enyɛnpe Ebɔrɛ na naŋ kaŋɛ Mosis le: “Sibɛ mmalga nɛ ma nɛ fo nɛ Israɛlebi na yili so n wora kɔnɔkoŋwule be ŋkre na n nase.”

Aŋasa 10:7

Basa lela be alela so nɛ baa nyiŋi bumo, ama b maa nyiŋi belubiwurapo bre kikɛ.

Jɛremaya 30:2

“Jɛremaya, sibɛ kusɔ kama nɛ ŋ kaŋɛ fo n wɔtɔ kawɔl to,

Jɛremaya 36:2

“Ta kawɔl n sibɛ asɔ kama nɛ ŋ kaŋɛ fo a laŋɛ Israɛl nɛ Juda nɛ efuliana na kikɛ be kaplɛa so na n wɔtɔ kumo to. Sibɛ asɔ kama nɛ ŋ kaŋɛ fo, yili kachɛ nɛ n fara a malga fo kutɔ na, fɔŋfɔŋ jemanɛ nɛ Josaya fara mbe kuwurji m ba fo mbre na, kikɛ n wɔtɔ kawɔl na to.

Nɔmbɛs 24:20

Balaam ka ku bɔrɛdare n wu Amalɛkebi na, nɛ e kaŋɛ le: “Amalɛk e daa la efuliana ere be kelempo, ama saŋko k beeŋ mur cheche.”

Nɔmbɛs 33:2

nɛ Enyɛnpe Ebɔrɛ kaŋɛ Mosis kenishipereso fanɛ saŋkama nɛ b wora keeyi to, e sibɛ keeyi na to be ketre n nase.

Ditɛronɔmi 31:9

Mosis daŋ sibɛ Ebɔrɛ be mbra na nna n wɔtɔ kawɔl to nseŋ ta kumo n sa Israɛl be bejuŋkparpoana na nɛ bɔrɛmatapoana nɛ b shi Livai be yiri to nsaa keni Enyɛnpe Ebɔrɛ na be kɔnɔkoŋwule be ŋkre be deka so na.

Joshuwa 4:7

nɛ men kaŋɛ bumo fanɛ Enyɛnpe be ŋkre be deka na ka daŋ bɔla Jɔɔdan be lɔr na to na nɛ k ku to anyɔ. Ajembu ere e la shɛda a nyiŋi anyi kusɔ nɛ k wora nfe ere mbaanaayɔ.”

1 Samuɛl 15:18

nɛ e shuŋi fo fanɛ fo ya mur Amalɛkebi nɛ b la basa lubi na kikɛ. E yɛ: Men kɔ bumo kena m mur bumo kikɛ kuraa!

1 Samuɛl 30:1

Kachɛ sasopo na nɛ Deevid nɛ mbe basa luri Ziklag. Ama saŋɛ nɛ Deevid nɛ mbe basa daa maŋ wɔ ndoŋ na, Amalɛkebi na daŋ kre kena nna n ya purge Juda be kelargato be kaseto be kaba so ebi na hale ŋ kɔ Ziklag n chɔɔ kade na kikɛ

1 Samuɛl 30:17

Kumo be ŋklade kachipurdidi nɛ Deevid nɛ mbe basa ya kɔ bumo kena hale n ya fo kaaseso. Ama Amalɛk be mbrantiɛfɔlbi alfa ana nawule e daŋ nya manaŋ n dii bumo be enyɔma n shile; nɛ b mɔ bumo nɛ b ka na kikɛ.