Ɛksodɔs 17:11 - EBƆRƐ BE KAWƆL

¹¹ Saŋkama nɛ Mosis baŋ maŋ mbe enɔana so, Israɛlebi na bee kɔ nna a pɔɔ so, ama saŋkama nɛ e baŋ bar mbe enɔana kaseto Amalɛkebi na e naa kɔ a pɔɔ so.

Ɛksodɔs 17:11 ပူးပေါင်းရင်းမြစ်များ

Nshɛ 44:6

M maŋ ta ma yirda n deŋi ma keta ŋko ma tokobi so, fanɛ amo e naŋ mɔlga ma ashi bedoŋ be enɔ to.

Nshɛ 56:9

Saŋkama nɛ m baŋ kule fo ndoŋana bee bɛta kaman nna. Kumo be loŋ e shin nɛ m pin fanɛ fo wɔ ma kutɔ.

Ɛksodɔs 17:10

Nɛ Joshuwa wora kananɛ Mosis kaŋɛ mo na nseŋ keta benyɛn na n ya kaa kɔ Amalɛkebi na kena. Nɛ Mosis nɛ Ɛɛrɔn nɛ Hur malɛ dii n yɔ kebee na be esoso n ya yili.

Ɛksodɔs 17:12

Ŋkpal loŋ so Mosis be enɔana kikɛ daŋ gben nna nɛ Ɛɛrɔn nɛ Hur ta kejembu m bar mo nɛ e chena so nɛ b pɛ mbe enɔana to m maŋ amo so awɔlto. Eko daa yil mbe jisa so nɛ eko malɛ yil mbe bena so. B daŋ baa kɔ mbe enɔana na to nna kpakpa hale nɛ epeŋi ya tɔr.

Luuk 18:1

Nɛ Yesu bɔ bumo keŋasa ere a ŋini kananɛ a daga fanɛ b baa kule Ebɔrɛ saŋkama nsaa maa pɔ aba.

1 Timoti 2:8

Mee sha nna fanɛ kaplɛkama benyɛn nɛ b maa ta bumo be enɔana a shuŋ alubi e baa maŋ amo so kabɔrɛkule to nsaa maa keta kanya agbo ŋko a kini keyirda fanɛ Ebɔrɛ bee nu kabɔrɛkule.

Jeems 5:16

Amoso, men baa bugi men be alubiana to a kaŋɛ abar nsaa kule Ebɔrɛ a sa abar nɛ Ebɔrɛ e baa chɛ menyi be alɔana. Kashenteŋto, kabɔrɛkule kama nɛ k shi esa nɛ kulubi maŋ wɔ mo to, bee tiŋ a wora asheŋgboŋ ga ŋkpal eleŋ nɛ Ebɔrɛ ta n wɔtɔ kumo to so.