Ɛksodɔs 17:10 - EBƆRƐ BE KAWƆL

¹⁰ Nɛ Joshuwa wora kananɛ Mosis kaŋɛ mo na nseŋ keta benyɛn na n ya kaa kɔ Amalɛkebi na kena. Nɛ Mosis nɛ Ɛɛrɔn nɛ Hur malɛ dii n yɔ kebee na be esoso n ya yili.

Ɛksodɔs 17:10 ပူးပေါင်းရင်းမြစ်များ

1 Kronikɛls 2:19

Azuba ka wu be kaman nɛ Kalɛb naŋ ta eche nɛ baa tre mo Efraf nseŋ kurge ebinyɛn nɛ baa tre mo Hur.

Ɛksodɔs 17:11

Saŋkama nɛ Mosis baŋ maŋ mbe enɔana so, Israɛlebi na bee kɔ nna a pɔɔ so, ama saŋkama nɛ e baŋ bar mbe enɔana kaseto Amalɛkebi na e naa kɔ a pɔɔ so.

Ɛksodɔs 17:12

Ŋkpal loŋ so Mosis be enɔana kikɛ daŋ gben nna nɛ Ɛɛrɔn nɛ Hur ta kejembu m bar mo nɛ e chena so nɛ b pɛ mbe enɔana to m maŋ amo so awɔlto. Eko daa yil mbe jisa so nɛ eko malɛ yil mbe bena so. B daŋ baa kɔ mbe enɔana na to nna kpakpa hale nɛ epeŋi ya tɔr.

Ɛksodɔs 24:14

Ama le nɛ Mosis daŋ kaŋɛ Israɛlebi be bejuŋkparpo na: “Men baa wɔ keeyi ere to a jo anyi hale nɛ an ya bɛta m ba. Ama Ɛɛrɔn nɛ Hur bre beeŋ baa wɔ menyi kutɔ nfe, amoso nɛ men be ekama nya demu e beeŋ tiŋ n ta kumo n yɔ bumo kutɔ nɛ b keni kumo to n sa mo.”

Ɛksodɔs 31:2

“Keni, n lara Besalɛl nɛ e la Yuri pibinyɛn nsaa la Hur mo nanabi ashi Juda be kanaŋ to na

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Baru lela nɛ Jɔn kute na 15:14

Nɛ men baa wora asɔ nɛ mee kaŋɛ menyi, kumo ere n teriana e la menyi.

Baru lela nɛ Jɔn kute na 2:5

Ndoŋ nna nɛ Yesu mo nio kilgi ŋ kaŋɛ laŋ na to be nyɛrbi le: “Kusɔ kama nɛ e yɛ men wora, men wora.”

Joshuwa 11:15

Kusɔ nɛ Enyɛnpe Ebɔrɛ daŋ kaŋɛ mbe kayɛrbi Mosis na gbagba chap nɛ mo alɛ kaŋɛ Joshuwa, nɛ Joshuwa malɛ bɛ kumo gbagba so chap. E daŋ wora kusɔ kama nɛ Enyɛnpe Ebɔrɛ daŋ kaŋɛ Mosis na kikɛ.