Ɛksodɔs 16:8 - EBƆRƐ BE KAWƆL

⁸ Ade kikɛ be kaman nɛ Mosis naŋ kaŋɛ bumo le: “Enyɛnpe Ebɔrɛ na e la esa mo nɛ e beeŋ baa sa menyi eblaŋ kaaseso nɛ men baa we, nseŋ naa sa menyi ajibi malɛ chipurso kanaŋkamaso nɛ k daga. Ŋkpal manɛ so, Enyɛnpe Ebɔrɛ na nu menyi be nfubel, manɛ e la anyi nɛ menyee malga gbiti anyi? Enyɛnpe Ebɔrɛ nɛ menyee malga a gbiti, mannɛ anyi.”

Ɛksodɔs 16:8 ပူးပေါင်းရင်းမြစ်များ

Ɛksodɔs 16:12

“N nu nfubel damta ashi Israɛlebi na kutɔ, amoso kaŋɛ bumo le: ‘Ta a ba kaaseso saŋɛ nɛ kaboŋ bee jija to na menyeeŋ we eblaŋ. Kachipurso malɛ nɛ men nya ajibi n ji kananɛ menyee sha nseŋ pin fanɛ ma e la Enyɛnpe, menyi be Ebɔrɛ na.’ ”

Ɛksodɔs 16:9

Kumo be kaman nɛ Mosis kaŋɛ Ɛɛrɔn: “Kaŋɛ Israɛlebi na kikɛ fanɛ b ba Enyɛnpe Ebɔrɛ na be anishito, ŋkpal manɛ so, e nu bumo be nfubel.”

Ɛksodɔs 17:2

Ndoŋ nna nɛ baa fubel a kaŋɛ Mosis le: “Sa anyi nchu nɛ an nuu.” Ndoŋ nna nɛ Mosis bishi bumo: “Manɛ nna nɛ menyee fubel loŋ? Manɛ nna nɛ menyee wora Enyɛnpe Ebɔrɛ na a keni?”

Aizaaya 32:6

Bewulpo bee malga kawuli be mmalga nna nsaa kre asheŋ lubi be kewora be nia. Kusɔ kama nɛ baa wora ŋko a kaŋɛ la katege nna n sa Enyɛnpe Ebɔrɛ na. Bumo alɛ maa sa basa nɛ akoŋ kɔ ajibi ŋko basa nɛ achukoŋ kɔ nchu.

Aizaaya 37:29

N wu fo kamoowu nɛ agbogboŋ na kikɛ. Naniere meeŋ ta dariwa n wɔtɔ fo kamuna to nseŋ ta kebarga n wɔtɔ fo kɔnɔ to. Kumo be kaman nɛ n ta fo m bɔla ekpa nɛ fo bɔla so m ba na m bɛta n yɔ kakpa nɛ fo shi m ba.”

Nɔmbɛs 11:18

Nɛ fo kaŋɛ basa na malɛ fanɛ b lara kulubi ashi bumo be ŋgbene to nseŋ ki cheembi m ba echefo m ba sɔ eblaŋ. Ŋkpal manɛ so, n nu b ka bee fubel a bile asheŋ fanɛ b maŋ nya eblaŋ nɛ b we, bumo alɛ ka daa wɔ Ijipt be efuli so na bɔ nfe. Naniere ma Enyɛnpe Ebɔrɛ na beeŋ sa menyi eblaŋ nɛ men we amo.

Nɔmbɛs 14:27

“Saŋɛ mo gba nɛ basa lubi ere beeŋ yige kebaa fubel a bile asheŋ a malga a gbiti ma? Bumo be nfubel na wora kebaŋso!

Nɔmbɛs 21:7

Nɛ basa na ba Mosis kutɔ m ba kaŋɛ le: “Ŋkpal an ka malga ŋ gbiti fo nɛ Enyɛnpe Ebɔrɛ so, an wora kulubi, amoso kule Ebɔrɛ nɛ e ju awɔ ere nfe naniere.” Ndoŋ nna nɛ Mosis kule Ebɔrɛ n sa bumo.

Matiu 10:40

“Ekama nɛ e sɔ menyi, sɔ ma nna na. Nɛ ekama malɛ nɛ e sɔ ma, sɔ emo nɛ e shuŋi ma na nna na.

Matiu 9:4

Ndoŋ nna nɛ Yesu pin bumo be nfɛra na nseŋ bishi bumo:

Luuk 10:16

Kumo be kaman nɛ e kaŋɛ mbe bebɛsopo: “Esa kama nɛ e bee nu a sa menyi, bee nu a sa ma nna na. Ekama malɛ nɛ e bee kini menyi, bee kini ma nna na. Nɛ ekama malɛ nɛ e kini ma, kini emo nɛ e shuŋi ma na nna na.”

Baru lela nɛ Jɔn kute na 13:20

Ma e kaŋɛ menyi kashenteŋto na fanɛ ekama nɛ e sɔ esa kama nɛ n shuŋi, sɔ ma nna na. Ekama malɛ nɛ e sɔ ma sɔ esa nɛ e shuŋi ma na nna na.”

Romebi 13:2

Amoso, ekama nɛ e maa nu a sa abane be bejuŋkparpo bee ji kusɔ nɛ Ebɔrɛ jɔŋɛ emɔrɔ nna na. Bekama malɛ nɛ baa wora loŋ bee ta kasogberge nna a bar bumo be amu na.

1 Kɔrintebi 10:10

Men sa maa bile asheŋ fanɛ kananɛ bumo be beko daŋ wora nɛ malaika mɔpo na daŋ mur bumo na.

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.

1 Samuɛl 8:7

Nɛ Enyɛnpe Ebɔrɛ kaŋɛ mo le: “Kusɔ kama nɛ b kaŋɛ fo, fo nu n sa bumo. Mannɛ fo nɛ b kini; ma nɛ b kini fanɛ bumo be ewura.