Ɛksodɔs 16:7 - EBƆRƐ BE KAWƆL

⁷ Echefo chipurso menyeeŋ wu Enyɛnpe Ebɔrɛ na be kemaŋkura, ŋkpal manɛ so, e nu menyi be mmalga nɛ menyee malga a gbiti mo na kikɛ. Mo nɛ men daa malga ŋ gbiti na, mannɛ anyi.”

Ɛksodɔs 16:7 ပူးပေါင်းရင်းမြစ်များ

Ɛksodɔs 16:10

Ɛɛrɔn ka bee malga a sa Israɛlebi na nɛ b keni keshishɛrsawule na be kaba so n wu Enyɛnpe be kemaŋkura ka bee nyaŋɛ kuwɔlpa to epul na to.

Ɛksodɔs 16:12

“N nu nfubel damta ashi Israɛlebi na kutɔ, amoso kaŋɛ bumo le: ‘Ta a ba kaaseso saŋɛ nɛ kaboŋ bee jija to na menyeeŋ we eblaŋ. Kachipurso malɛ nɛ men nya ajibi n ji kananɛ menyee sha nseŋ pin fanɛ ma e la Enyɛnpe, menyi be Ebɔrɛ na.’ ”

Ɛksodɔs 16:8

Ade kikɛ be kaman nɛ Mosis naŋ kaŋɛ bumo le: “Enyɛnpe Ebɔrɛ na e la esa mo nɛ e beeŋ baa sa menyi eblaŋ kaaseso nɛ men baa we, nseŋ naa sa menyi ajibi malɛ chipurso kanaŋkamaso nɛ k daga. Ŋkpal manɛ so, Enyɛnpe Ebɔrɛ na nu menyi be nfubel, manɛ e la anyi nɛ menyee malga gbiti anyi? Enyɛnpe Ebɔrɛ nɛ menyee malga a gbiti, mannɛ anyi.”

Ɛksodɔs 24:10

Ndoŋ nɛ b wu Israɛl be Ebɔrɛ na, nɛ kaboŋ dɛdɛso nɛ k du fanɛ yawukpakpaso be kejembu nɛ baa tre safiri na nseŋ fulto parr fanɛ awɔlpa na, ka wɔ mbe aya be kaseto.

Ɛksodɔs 24:16

Nɛ Enyɛnpe Ebɔrɛ be kemaŋkura gbelge m ba Sainai be kebee na so nɛ kuwɔlpa na buu kumo so hale n ya fo nchɛnshe. Kachɛ shunusopo na nɛ Enyɛnpe Ebɔrɛ shi kuwɔlpa na be nferinto n tre Mosis.

Ɛksodɔs 40:34

Nɛ kuwɔlpa ba buu Enyɛnpe be wajɛbu na so nɛ Enyɛnpe Ebɔrɛ be kemaŋkura ba bɔlɔ kumo to.

Aizaaya 35:2

Kiyi beeŋ purge kaplɛkama nseŋ boŋ kagbenefuli be nshɛ. K beeŋ baa walɛ fanɛ Lebanɔn be abee nsaa kɔ eleŋ fanɛ kebee nɛ baa tre Kamɛl na, ŋko ketaŋɛ nɛ baa tre Sharɔn na be adɔsawule. Kumo be kaman nɛ ekama e wu Enyɛnpe Ebɔrɛ na be kemaŋkura, nɛ mbe keshi nɛ eleŋgboŋ.

Aizaaya 40:5

Saŋɛ na so, Enyɛnpe Ebɔrɛ na be keshi nɛ kemaŋkura beeŋ lar efuli nɛ basa kikɛ e wu kumo. Enyɛnpe Ebɔrɛ na gbagba e nase kumo be kɔnɔ!”

Levitikɔs 9:6

Nɛ Mosis kaŋɛ: “Kusɔ nɛ Enyɛnpe Ebɔrɛ na yili fanɛ men wora nna na, saŋɛ na so mbe kemaŋkura beeŋ lar menyi so.”

Nɔmbɛs 14:10

Ŋkpal kusɔ nɛ Joshuwa nɛ Kalɛb kaŋɛ na so Israɛlebi na daa sha kekpa bumo ajembu nna m mɔ, ama epul na to nɛ Enyɛnpe Ebɔrɛ be kemaŋkura lar Israɛlebi na so nseŋ buu Enyɛnpe be wajɛbu cheembi na so.

Nɔmbɛs 14:27

“Saŋɛ mo gba nɛ basa lubi ere beeŋ yige kebaa fubel a bile asheŋ a malga a gbiti ma? Bumo be nfubel na wora kebaŋso!

Nɔmbɛs 16:11

Fo baa malga a gbiti Ɛɛrɔn, kumo ere Enyɛnpe Ebɔrɛ na nɛ fo braana bee kini kenu n sa na.”

Nɔmbɛs 16:42

B ka ba abar so nɛ b ba malga ŋ gbiti Mosis nɛ Ɛɛrɔn na, nɛ b keni wajɛbu na be kaba so, nseŋ wu Enyɛnpe Ebɔrɛ be kemaŋkura ka bɔla kuwɔlpa to m ba buu kumo so.

Nɔmbɛs 17:5

Ekama nɛ n lara fanɛ bɔrɛmatapo na be kekpabi beeŋ gbu kenishi. Loŋ e naaŋ shin nɛ Israɛlebi ere e yige kebaa fubel a bile asheŋ a malga a gbiti fo.”

Baru lela nɛ Jɔn kute na 11:4

Yesu ka nu kubɔya na nɛ e kaŋɛ: “Lazɔrɔs be kulɔ ere be lalaloge maŋ la luwu. K la kusɔ nɛ k beeŋ ba bar Ebɔrɛ kemaŋkura nna, saŋɛ na so nɛ ma, Ebɔrɛ Pibinyɛn na e nya kemaŋkura ashi kumo to.”

Baru lela nɛ Jɔn kute na 11:40

Nɛ Yesu bishi mo: “M maŋ kaŋɛ fo fanɛ nɛ fo yirda feeŋ wu Ebɔrɛ be kemaŋkura a?”