Ɛksodɔs 16:4 - EBƆRƐ BE KAWƆL

⁴ Ndoŋ nna nɛ Enyɛnpe Ebɔrɛ kaŋɛ Mosis: “Keni meeŋ shin nɛ ajibi e shi esoso n wurge fanɛ bɔrɛ na n sa menyi nɛ basa na e baa lar n ya kaa muu amo kananɛ baaŋ tiŋ n ji karechɛ kama. Loŋ nɛ meeŋ wora bumo ŋ keni baa bɛ ma keŋini so a?

Ɛksodɔs 16:4 ပူးပေါင်းရင်းမြစ်များ

Nehemaya 11:23

Ewura daŋ nase mbra nna n sa bumo a ŋini kananɛ baaŋ baa juŋkpar nshɛ kebɛso kebɛso ashi bɔrɛlambu na to karechɛ kama.

Nehemaya 9:15

Akoŋ ka daŋ pɛ bumo fo sa bumo ajibi nɛ a shi ebɔrɛso nna. Achukoŋ ka daa kɔ bumo, fo daŋ shin nɛ nchu lar kefalta to nna nɛ b nuu. Kumo be kaman nɛ fo kaŋɛ bumo fanɛ b kɔ n suge kasawule nɛ fo nase kumo be kɔnɔ na nna.

Nehemaya 9:20

Fo Kiyoyu lela e ŋini bumo kusɔ nɛ k daga nseŋ sa bumo ajibi nɛ baa tre manna na nɛ b ji. Kumo be kaman nɛ fo sa bumo nchu nɛ b nuu.

Nshɛ 105:40

B ka daŋ kule mo ajibi, mbuibi nɛ baa tre kweels na nɛ ebɔrɛso be ajibi nɛ baa tre manna na nɛ e sa bumo, nɛ b daa nya a ji a moɛ.

Nshɛ 78:23

Ama e daŋ naŋ malga n sa awɔlpa nseŋ daŋ bugi esoso be mbuna

Ɛksodɔs 15:25

Ndoŋ nna nɛ Mosis shu n tre Enyɛnpe Ebɔrɛ nɛ Enyɛnpe Ebɔrɛ na ŋini mo kedibi ko nɛ e ta kumo n lɛ nchu na to, nɛ a kilgi nchu belbelso. Enyɛnpe Ebɔrɛ ka wora bumo ŋ keni na nɛ e sa bumo mbra

Ɛksodɔs 16:15

Israɛlebi na ka wu amo nɛ b bishi abar: “Manɛ nna?” Ŋkpal manɛ so, b daa maŋ nyi kusɔ nɛ k daa la asɔ na. Ndoŋ nna nɛ Mosis kaŋɛ bumo le: “Ajibi nɛ Enyɛnpe Ebɔrɛ sa menyi fanɛ men baa ji nna na.

Aŋasa 30:8

Sa maŋ shin nɛ ŋ ki efɛpo Fo alɛ e sa maŋ shin nɛ m baa la etirpo ŋko damawura. Baa sa ma kacha kama be kusɔ jiso.

Matiu 6:11

Yaŋ sa anyi ajibi nɛ a daga anyi kabre,

Luuk 11:3

Baa sa anyi ajibi nɛ a daga kachɛ kama.

1 Kɔrintebi 10:3

Bumo kikɛ daŋ ji kejibi koŋwule mo nɛ k daŋ shi Ebɔrɛ kutɔ na,

Ditɛronɔmi 8:16

Mo koŋwule na e sa menyi ajibi nɛ baa tre ‘manna’ na ashi keshishɛrsawule na so nɛ men ji. Ajibi nɛ men nananyɛnana maŋ naŋ ji ŋ ku so na nɛ e sa menyi. Enyɛnpe Ebɔrɛ daŋ shin nna nɛ etɔrɔbi ba menyi so nɛ e wora menyi ŋ keni nɛ men yirda mo, saŋɛ na so, e beeŋ nɛfa menyi nɛ asɔ lela.

Ditɛronɔmi 8:2

Men baa nyiŋi kananɛ Enyɛnpe menyi be Ebɔrɛ na juŋkpar menyi ashi keshishɛrsawule so be enite tenteŋ to nfɛ adena nɛ a choŋ ere kikɛ. E daa sha kepin nna fanɛ kashenteŋto nɛ menyee sha kewora mo kasonu nseŋ ta menyi be amu n to mo so a?

Joshuwa 24:15

Ama nɛ kushuŋ Enyɛnpe Ebɔrɛ na maa par menyi bre, kumo ere men lara esa nɛ menyeeŋ baa shuŋ kabre. Nɛ menyeeŋ baa shuŋ agbir nɛ men nananyɛnana daŋ shuŋ Yufreetes be lɔr na be kaba ndoŋ ŋko Amɔriebi nɛ men wɔ bumo be kasawule so ere be agbir nɛ menyeeŋ baa shuŋ, men baa shuŋ! Ma ere nɛ ma laŋ to ebi bre beeŋ shuŋ Enyɛnpe Ebɔrɛ na.”