Ɛksodɔs 16:32 - EBƆRƐ BE KAWƆL

³² Ndoŋ nna nɛ Mosis kaŋɛ bumo le: “To, kusɔ nɛ Enyɛnpe Ebɔrɛ ta n sa anyi a yɔ ajibi na be kaplɛa so nde. E yɛ: ‘Men ta manna na fanɛ kurwa n yili menyi be kaman to ebi, saŋɛ na so baaŋ ba wu ajibi nɛ ma, Enyɛnpe Ebɔrɛ na daa sa menyi keshishɛrsawule so, saŋɛ nɛ n lara menyi ashi ljipt be kasawule so na.’ ”

Ɛksodɔs 16:32 ပူးပေါင်းရင်းမြစ်များ

Nshɛ 105:5

Menyi nɛ men la Eebraham nɛ e shuŋ Ebɔrɛ na, nɛ Jeekɔb nɛ Ebɔrɛ lara dra dra na mo nanabiana na, e baa nyiŋi Ebɔrɛ be mamachi be asheŋ woraso nɛ kananɛ e bee ji asheŋ nɛ amo be ekpa so be asheŋ.

Ɛksodɔs 16:16

Ama mbra nɛ Enyɛnpe Ebɔrɛ sa e la fanɛ ekama e muu kanaŋkamaso nɛ e beeŋ tiŋ n ji nseŋ muu kurwa kurwa n sa esa kama nɛ e wɔ mbe wajɛbu to.”

Ɛksodɔs 16:31

Israɛl be basa daa tre loŋ be ajibi na ‘manna’ nna. Amo alɛ daa du wurwurbi n fuli fanɛ ateebi nsaa du belbel fanɛ mushoŋ nna.

Ɛksodɔs 16:33

Kumo be kaman nɛ Mosis kaŋɛ Ɛɛrɔn le: “Jɔ manna na be kurwa be bɔlɔ n wɔtɔ kɔlba to n yili kakpa nɛ menyee bunyaŋ Enyɛnpe Ebɔrɛ na nɛ a baa yil anyi be kaman to ebi kikɛ.”

Jɛremaya 7:23

N daŋ kaŋɛ bumo nna fanɛ b baa wora ma kasonu, saŋɛ na so meeŋ baa la bumo be Ebɔrɛ nɛ bumo alɛ e baa la ma basa. N daŋ kaŋɛ bumo nna fanɛ b baa wɔ kebaawɔtɔ nɛ n yili n sa bumo na to, saŋɛ na so asheŋ beeŋ baa nite nɛnɛ a sa bumo.

Hoziya 11:4

Ŋ koli bumo m mata ma kumu kashaso, nseŋ maŋ bumo so m pɛga. N sa bumo ajibi nɛ b ji,

Luuk 22:19

Kumo be kaman nɛ e ta bodobodo n chɔrɔ Ebɔrɛ n loge nseŋ bu kumo to n ta a sa bumo nsaa kaŋɛ le: “Ma eyur nɛ ŋ kɔ a sa menyi nde.

Hibruwebi 2:1

Amoso, a daga fanɛ an ka bugi asoe to nɛnɛ n nu asɔ, nɛ an nu na, saŋɛ na so, an maaŋ firgi n foe ekpa n choŋ.

Hibruwebi 9:4

Ndoŋ nɛ shuwa be bɔrɛsure nɛ baa chɔɔ duwu kumo so na wɔ. Ndoŋ koŋwule na nɛ kɔnɔkoŋwule be ŋkre be deka nɛ duwu mata m mata kumo kikɛ so na daa wɔ nɛ shuwa be kapuya nɛ k kɔ manna na. Ɛɛrɔn be kekpabi nɛ k bee purge afantaŋ na nɛ ajembu anyɔ nɛ b sibɛ mbraana na n deŋi so na malɛ kikɛ daa wɔ deka na to nna.