Ɛksodɔs 16:3 - EBƆRƐ BE KAWƆL

³ a kaŋɛ le: “Enyɛnpe Ebɔrɛ daŋ shin nɛ an wu ashi ljipt be kasawule so gba, k daa bɔ, ŋkpal manɛ so, an ka daa wɔ ndoŋ, an daa nya eblaŋ nɛ ajibi kanaŋkamaso nɛ anyee sha a ji. Ama kumo nɛ men bar anyi keshishɛrsawule ere so m ba ka shin nɛ men ta akoŋ m mɔ anyi kikɛ na.”

Ɛksodɔs 16:3 ပူးပေါင်းရင်းမြစ်များ

2 Samuɛl 18:33

Ndoŋ nna nɛ kagbenejija tɔr ewura na so, nɛ e fara e chicha nseŋ dii n yɔ ebu nɛ k wɔ kabunagboŋ na be esoso na to n ya shu ga. Le nɛ e daa shu a kaŋɛ a yɔ: “O m pibinyɛn! M pibinyɛn Absalɔm! Absalɔm, m pibinyɛn! Nɛ k daa la fanɛ ma e wu gba, k daa bɔ fo ka wu ere.”

Job be kawɔl 3:1

Kumo be lalaloge nɛ Job fara m malga n shoduu mbe kakurgeachɛ ŋ kaŋɛ Ebɔrɛ le:

Job be kawɔl 3:10

Sho kanyɛ nɛ b kurge ma na kɔnɔ ŋkpal k ka shin nɛ b kurge n wɔtɔ durnya nɛ etɔrɔ bɔlɔ kumo to ere so.

Job be kawɔl 3:20

Manɛ nna nɛ Ebɔrɛ shin nɛ n wɔ ŋkpa to, saŋɛ nɛ kebaawɔtɔ du kekekra le ere?

Nshɛ 107:5

Akoŋ nɛ achukoŋ e daa mɔ menyi, nɛ men daa shin nɛ men wu.

Nshɛ 78:19

B daŋ malga nna ŋ gbiti Ebɔrɛ ŋ kaŋɛ le: “Ebɔrɛ beeŋ tiŋ n sa anyi ajibi kiyi ere to nfe nna ere a?

Nshɛ 78:25

Amoso emalaika be ajibi nɛ b daŋ nya n ji; Ebɔrɛ daŋ sa bumo ajibi kama nɛ baaŋ tiŋ n ji nna.

Ɛksodɔs 14:11

Kumo be kaman nɛ b kilgi m bishi Mosis le: “Nchaŋana ka maŋ wɔ Ijipt to bre so nɛ fo keta anyi m ba keshishɛrsawule ere so fanɛ an baa wu ere a? Manɛ so nɛ fo wora anyi loŋ n lara anyi ashi Ijipt to ere?

Ɛksodɔs 17:3

Ama ŋkpal achukoŋ ka daa kɔ basa na ga so b baa bile asheŋ nna nsaa malga a gbiti Mosis a bishi mo: “Manɛ nna bre nɛ fo lara anyi ashi Ijipt m ba kaa shin nɛ fo ta achukoŋ m mɔ anyi nɛ an be mbia nɛ asɔbɔya kikɛ ere?”

Ɛksodɔs 2:23

Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Ɛksodɔs 5:21

Ndoŋ nna nɛ b kaŋɛ bumo le: “Enyɛnpe Ebɔrɛ gbagba wu kusɔ nɛ men wora anyi nna na. Mo alɛ beeŋ gberge menyi kusoe, ŋkpal men ka shin nɛ ewura Fɛɛro nɛ mbe basa nya agbo n wora anyi nseŋ sa bumo ekpa fanɛ b mɔ anyi na so.”

Jɛremaya 2:6

Ŋ ka daŋ mɔlga bumo ashi Ijipt be efuli so nseŋ juŋkpar bumo m bɔla kasawule fuloŋ nɛ k la eshishɛr nɛ e biti abar so nawule nseŋ naa la kasawule wɔlso nɛ k kɔ kufu nɛ esa kikɛ maŋ wɔ kumo so ŋko a sha kenite kumo so na be kaman, men nananyɛnana be shɛŋ daa maŋ wɔ ma to.

Jɛremaya 44:17

Kusɔ kama nɛ an kaŋɛ fanɛ anyeeŋ wora na nɛ anyeeŋ wora. Anyeeŋ lara esarga n sa anyi be kegbirche nɛ e la ebɔrɛso be Ewurche na, nseŋ naŋ ta yabra n to nchu n sa mo, fanɛ kananɛ an nananyɛnana nɛ anyi be ewura nɛ bejuŋkparpoana na daŋ wora ashi Juda be ndeana to nɛ Jerusalɛm be agbembi so na. Kumo be kaman, an daa kɔ ajibi damta nseŋ daŋ dii dama nɛ etɔrɔbi kikɛ malɛ daa maŋ wɔ anyi to.

Nfabel 4:9

Bumo nɛ b daŋ wu kena to na bɔ bumo nɛ akoŋ mɔ na. Ŋkpal b ka maŋ nya ajibi nɛ b ji so, akoŋ shin nɛ b ji awurfoŋ nna hale n ya wu.

Nɔmbɛs 11:15

Nɛ le bre nɛ fee sha kewora ma, kumo ere wu ma kuwɔr nseŋ mɔ ma nɛ n wushi.”

Nɔmbɛs 11:20

ama kufɔl lelemu nɛ menyee we amo hale nɛ a fi menyi. Ŋkpal men ka kini ma nsaa fubel a bile asheŋ a kaŋɛ fanɛ men daa nyi gba nna, menyi maŋ lar Ijipt be efuli so so.”

Nɔmbɛs 14:2

nseŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “An daŋ wu Ijipt be kasawule so ŋko keshishɛrsawule ere so be kakpa ko gba, k daa beeŋ par anyi!

Nɔmbɛs 14:3

Manɛ nna nɛ Enyɛnpe Ebɔrɛ keta anyi a ba Keenan nɛ b mɔ anyi nseŋ pɛ anyi be beche nɛ mbia ŋ ki anya? An daa wɔ Ijipt be kasawule so gba, k daa ba bɔ.”

Nɔmbɛs 16:13

Men ka lara anyi ashi Ijipt be kasawule nɛ ajibi damta nɛ kedamaya wɔ na m ba lɛ keshishɛrsawule ere so nɛ men mɔ ere bre maŋ kukwe a? Nɛ men naa sha nɛ men ta anyi ŋ ki menyi be nyɛrbi a tɔrɔ a?

Nɔmbɛs 16:41

Kumo be ŋklade nɛ Israɛlebi kikɛ naŋ fubel m bile asheŋ m malga ŋ gbiti Mosis nɛ Ɛɛrɔn ŋ kaŋɛ le: “Men mɔ Enyɛnpe Ebɔrɛ be basa, ŋko!”

Nɔmbɛs 21:5

nseŋ malga ŋ gbiti Ebɔrɛ nɛ Mosis ŋ kaŋɛ le: “Manɛ nna nɛ men lara anyi Ijipt be kasawule so m bar anyi nfe nɛ an ba wu keshishɛrsawule nɛ ajibi nɛ nchu gba maŋ wɔ ere so? Nfe be ajibi ere fi anyi.”

Ashuŋ Shunso 26:29

Nɛ Pɔɔl kaŋɛ: “Nɛ fo ki Kristo be ebɛsopo epul ere to ŋko kachako so gba, kusɔ nɛ mee kule Ebɔrɛ e la fanɛ e shin nɛ fo nɛ bumo nɛ b yil nfe kabre a nu kamalga ere e ba ki kananɛ n du ere. Kusɔ nɛ m maa kule nɛ men nya e la kananɛ n wɔ ŋgbɛlɛbi to ere.”

1 Kɔrintebi 4:8

Menyee fɛ fanɛ naniere men tea kɔ kusɔ kikɛ nɛ menyee sha ŋko? Men teŋ dii dama ŋko? Men ki bewura ŋ ka anyi. Nɛ men daa la bewura kashenteŋto k daa beeŋ par ma paa! Saŋɛ na so anyi alɛ gba daa beeŋ tu menyi a la bewura.

2 Kɔrintebi 11:1

Men jande, men ji ma kanyiti ashi ma kawulishembi ere to. Ama n nyi men ka tea wora loŋ bre.

Ditɛronɔmi 28:67

Kusɔ kama nɛ menyeeŋ wu kenishi so beeŋ shin nɛ men be ŋgbene e baa ku menyi. Kachipurso kikɛ, le nɛ menyeeŋ baa kaŋɛ: “Kanyɛ daŋ biri gba, k bɔ!” Kanyɛ malɛ naŋ biri nɛ men naŋ kaŋɛ le: “Kare daŋ chɛ gba, k bɔ!”

Ditɛronɔmi 8:3

Amoso nɛ e daŋ shin nɛ akoŋ pɛ menyi, kumo be kaman nɛ e sa menyi ajibi nɛ menyi nɛ men nananyɛnana maŋ naŋ ji ŋ ku so na. Ajibi na nɛ baa tre ‘manna’ na. Mo alɛ daŋ wora loŋ nna nɛ e ŋini menyi fanɛ a maŋ daga fanɛ men baa wɔtɔ ŋkpal ajibi nawule so, ama ŋkpal kusɔ kama nɛ Enyɛnpe Ebɔrɛ na kaŋɛ so.

Joshuwa 7:7

Ndoŋ nna nɛ Joshuwa kaŋɛ le: “Enyɛnpetale Ebɔrɛ, manɛ e ba nɛ fo ta anyi n dii Jɔɔdan be lɔr ere nɛ Amɔriebi e baa mur anyi? Manɛ nna bre, nɛ fo maŋ shin nɛ an wɔ lɔr na be kaba ndoŋ?