Ɛksodɔs 16:23 - EBƆRƐ BE KAWƆL

²³ Nɛ Mosis kaŋɛ bumo: “Enyɛnpe Ebɔrɛ nase mbra nna fanɛ echefo la mo gbagba be kachɛ cheembi nɛ e lara nɛ k baa la ewushi be kachɛ nna. Amoso, men tɔ amo nɛ menyee sha ketɔ edɛ to n ji nseŋ daŋɛ amo nɛ menyee sha kedaŋɛ n ji malɛ nseŋ ta amo nɛ a ka na n yili echefo.”

Ɛksodɔs 16:23 ပူးပေါင်းရင်းမြစ်များ

Nehemaya 9:13

Fo daŋ shi ebɔrɛso nna ŋ gbelge m ba Sainai be kebee na so m ba sa fo basa mbra nɛ keŋini nɛ a walɛ ga n sa bumo.

Nehemaya 9:14

Fo yili kumo n sa bumo fanɛ b baa ta fo kewushiachɛ na fanɛ kachɛ cheembi. Fo daŋ kaŋɛ fo kayɛrbi Mosis nna fanɛ e ŋini bumo fo mbraana na.

Ɛksodɔs 16:19

Kumo be kaman nɛ Mosis naŋ kaŋɛ bumo: “Ekama e sa maŋ kaŋ shin nɛ amo be ako e yili mo kutɔ ŋklade.”

Ɛksodɔs 23:12

Men ta nchɛ ashe n shuŋ, nseŋ wushi kachɛ shunusopo na, saŋɛ na so men be ana dɔso nɛ ekurma gba beeŋ wushi. Nɛ men be elaŋ to be anya nɛ befɔ gba e wushi.

Ɛksodɔs 31:15

Nchɛnshe e daga fanɛ men ta n shuŋ menyi be ashuŋ. Kachɛ shunusopo na bre la kachɛ cheembi n sa ma, Enyɛnpe Ebɔrɛ nna nɛ esa kama daga e ka wushi kamɔnchɛ. Esa kama nɛ e shuŋ kushuŋ kikɛ kumo be kamɔnchɛ daga b ka mɔ mo.

Jɛremaya 17:22

Bumo alɛ e sa maŋ kaa sulɔ asɔ a lar bumo be elaŋana to gba ŋko a shuŋ kewushiachɛ na. A daga fanɛ b baa ta kumo fanɛ kachɛ cheembi nsaa maa shuŋ shɛŋ fanɛ kananɛ n yili kumo n sa bumo nananyɛnana na.

Levitikɔs 23:3

Nchɛnshe nɛ menyeeŋ ta n shuŋ menyi be ashuŋ, ama men baa nyiŋi fanɛ kachɛ shunusopo na bre la Kewushiachɛ nna. Loŋ be kachɛ nɛ menyeeŋ ta n shɛr abar so m bunyaŋ ma Enyɛnpe Ebɔrɛ na. Kaplɛkama nɛ men wɔ, Kewushiachɛ na la Enyɛnpe Ebɔrɛ na be kachɛ nna.

Nɔmbɛs 11:7

Manna na daa du fanɛ asɔrso wurwurbi ko nna nsaa la kachɔnɔnyifu n fuli n weato.

Nɔmbɛs 11:8

Kanyɛso nɛ a daa tɔr fanɛ bunyaŋ na nɛ b muu amo kachipurso nseŋ wuse amo nɛ a ki nyifu nɛ b daŋɛ amo ŋko n ta amo n wora ekrakashi. Amo alɛ wɔ ebel nna fanɛ bodobodo nɛ b ta ɔlif be ŋku n wora na.

Luuk 23:56

Kumo be kaman nɛ b bɛta n yɔ epe n ya wora ŋku dufɛso nɛ etulale n yili. Kewushiachɛ ka fo nɛ b wushi m bɛ kusɔ nɛ mbra na bee kaŋɛ na so.

Ditɛronɔmi 5:12

Men baa sa ma kewushiachɛ na bunyaŋ nsaa ta kumo fanɛ kachɛ cheembi, fanɛ kananɛ ma, Enyɛnpe menyi be Ebɔrɛ na kaŋɛ menyi na.

Kelaraŋŋini 1:10

Enyɛnpe be kachɛ ko mbe kiyoyu koso ma kikɛ to nɛ n nu ebɔl ka wora awɔr ma kamanto fanɛ kabel na.