Ɛksodɔs 16:15 - EBƆRƐ BE KAWƆL

¹⁵ Israɛlebi na ka wu amo nɛ b bishi abar: “Manɛ nna?” Ŋkpal manɛ so, b daa maŋ nyi kusɔ nɛ k daa la asɔ na. Ndoŋ nna nɛ Mosis kaŋɛ bumo le: “Ajibi nɛ Enyɛnpe Ebɔrɛ sa menyi fanɛ men baa ji nna na.

Ɛksodɔs 16:15 ပူးပေါင်းရင်းမြစ်များ

Nehemaya 9:15

Akoŋ ka daŋ pɛ bumo fo sa bumo ajibi nɛ a shi ebɔrɛso nna. Achukoŋ ka daa kɔ bumo, fo daŋ shin nɛ nchu lar kefalta to nna nɛ b nuu. Kumo be kaman nɛ fo kaŋɛ bumo fanɛ b kɔ n suge kasawule nɛ fo nase kumo be kɔnɔ na nna.

Nehemaya 9:20

Fo Kiyoyu lela e ŋini bumo kusɔ nɛ k daga nseŋ sa bumo ajibi nɛ baa tre manna na nɛ b ji. Kumo be kaman nɛ fo sa bumo nchu nɛ b nuu.

Nshɛ 105:40

B ka daŋ kule mo ajibi, mbuibi nɛ baa tre kweels na nɛ ebɔrɛso be ajibi nɛ baa tre manna na nɛ e sa bumo, nɛ b daa nya a ji a moɛ.

Nshɛ 78:24

nɛ ajibi nɛ baa tre manna na tɔr to nɛ basa na nya n ji. Ebɔrɛso be ajibi nɛ e daŋ sa bumo.

Ɛksodɔs 16:31

Israɛl be basa daa tre loŋ be ajibi na ‘manna’ nna. Amo alɛ daa du wurwurbi n fuli fanɛ ateebi nsaa du belbel fanɛ mushoŋ nna.

Ɛksodɔs 16:33

Kumo be kaman nɛ Mosis kaŋɛ Ɛɛrɔn le: “Jɔ manna na be kurwa be bɔlɔ n wɔtɔ kɔlba to n yili kakpa nɛ menyee bunyaŋ Enyɛnpe Ebɔrɛ na nɛ a baa yil anyi be kaman to ebi kikɛ.”

Ɛksodɔs 16:4

Ndoŋ nna nɛ Enyɛnpe Ebɔrɛ kaŋɛ Mosis: “Keni meeŋ shin nɛ ajibi e shi esoso n wurge fanɛ bɔrɛ na n sa menyi nɛ basa na e baa lar n ya kaa muu amo kananɛ baaŋ tiŋ n ji karechɛ kama. Loŋ nɛ meeŋ wora bumo ŋ keni baa bɛ ma keŋini so a?

Aŋasa 9:5

“Men ba ji ma ajibi nseŋ nu nsa belbelso nɛ n wora n yili na.

Nɔmbɛs 21:5

nseŋ malga ŋ gbiti Ebɔrɛ nɛ Mosis ŋ kaŋɛ le: “Manɛ nna nɛ men lara anyi Ijipt be kasawule so m bar anyi nfe nɛ an ba wu keshishɛrsawule nɛ ajibi nɛ nchu gba maŋ wɔ ere so? Nfe be ajibi ere fi anyi.”

Luuk 12:30

Loŋ be asɔ nɛ durnya ere to be basa nɛ b maŋ nyi Ebɔrɛ bee yela kenishi to a fin. Ama men Tuto Ebɔrɛ na nyi a ka daga fanɛ men nya loŋ be asɔ na.

Baru lela nɛ Jɔn kute na 6:49

Men nananyɛnana daŋ we manna kiyi to ŋkeshin nɛ bumo alɛ daŋ wu.

Baru lela nɛ Jɔn kute na 6:58

Bodobodo nɛ k shi ebɔrɛso m ba na nde. An nananyɛnana daŋ we manna nna, ama b wu. Ama esa kama nɛ e we le be bodobodo beeŋ baa wɔ ŋkpa to hale mbaanaayɔ.”

1 Kɔrintebi 10:3

Bumo kikɛ daŋ ji kejibi koŋwule mo nɛ k daŋ shi Ebɔrɛ kutɔ na,

Ditɛronɔmi 8:16

Mo koŋwule na e sa menyi ajibi nɛ baa tre ‘manna’ na ashi keshishɛrsawule na so nɛ men ji. Ajibi nɛ men nananyɛnana maŋ naŋ ji ŋ ku so na nɛ e sa menyi. Enyɛnpe Ebɔrɛ daŋ shin nna nɛ etɔrɔbi ba menyi so nɛ e wora menyi ŋ keni nɛ men yirda mo, saŋɛ na so, e beeŋ nɛfa menyi nɛ asɔ lela.

Ditɛronɔmi 8:3

Amoso nɛ e daŋ shin nɛ akoŋ pɛ menyi, kumo be kaman nɛ e sa menyi ajibi nɛ menyi nɛ men nananyɛnana maŋ naŋ ji ŋ ku so na. Ajibi na nɛ baa tre ‘manna’ na. Mo alɛ daŋ wora loŋ nna nɛ e ŋini menyi fanɛ a maŋ daga fanɛ men baa wɔtɔ ŋkpal ajibi nawule so, ama ŋkpal kusɔ kama nɛ Enyɛnpe Ebɔrɛ na kaŋɛ so.

Hibruwebi 9:4

Ndoŋ nɛ shuwa be bɔrɛsure nɛ baa chɔɔ duwu kumo so na wɔ. Ndoŋ koŋwule na nɛ kɔnɔkoŋwule be ŋkre be deka nɛ duwu mata m mata kumo kikɛ so na daa wɔ nɛ shuwa be kapuya nɛ k kɔ manna na. Ɛɛrɔn be kekpabi nɛ k bee purge afantaŋ na nɛ ajembu anyɔ nɛ b sibɛ mbraana na n deŋi so na malɛ kikɛ daa wɔ deka na to nna.

Joshuwa 5:12

B ka ji ajibi popɔr na be ŋklade nɛ ajibi nɛ a daa shi esoso a tɔr to nɛ baa tre amo manna na, maŋ naa tɔr to. Ndoŋ nna nɛ b fara a dɔ Keenan be efuli so a nya bumo be ajibi.

Kelaraŋŋini 2:17

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo manna ŋana so na be ako. Kumo be kaman nɛ n naŋ sa mo kejembu fuful mo nɛ b sibɛ kumo so ketre popɔr mo nɛ esa nɛ e bee sɔ kejembu na nawule nyi na.’ ”