Ɛksodɔs 16:12 - EBƆRƐ BE KAWƆL

¹² “N nu nfubel damta ashi Israɛlebi na kutɔ, amoso kaŋɛ bumo le: ‘Ta a ba kaaseso saŋɛ nɛ kaboŋ bee jija to na menyeeŋ we eblaŋ. Kachipurso malɛ nɛ men nya ajibi n ji kananɛ menyee sha nseŋ pin fanɛ ma e la Enyɛnpe, menyi be Ebɔrɛ na.’ ”

Ɛksodɔs 16:12 ပူးပေါင်းရင်းမြစ်များ

1 Bewura 20:28

Nɛ anebi na yɔ ewura Ahab kutɔ n ya kaŋɛ mo le: “Enyɛnpe Ebɔrɛ yɛ, ŋkpal Siriyaebi ka kaŋɛ fanɛ n la abee so be ebɔrɛ nna nsaa maŋ tre ma kepla so be ebɔrɛ na so, meeŋ shin nɛ men kɔ m pɔɔ bumo be benapo damta ere so nɛ fo nɛ fo basa e pin fanɛ ma e la Enyɛnpe na kashenteŋto.”

Nshɛ 105:40

B ka daŋ kule mo ajibi, mbuibi nɛ baa tre kweels na nɛ ebɔrɛso be ajibi nɛ baa tre manna na nɛ e sa bumo, nɛ b daa nya a ji a moɛ.

Ɛksodɔs 12:6

Men lara loŋ be asɔbɔya na n yili hale n ya fo kufɔl ere be kachɛ kuduanasopo na be kaaseso. Saŋɛ nɛ kaboŋ bee biri to na nɛ men mɔ amo.

Ɛksodɔs 16:11

Nɛ Enyɛnpe Ebɔrɛ kaŋɛ Mosis:

Ɛksodɔs 4:5

Nɛ Enyɛnpe Ebɔrɛ kaŋɛ Mosis: “Fo baŋ wora loŋ, baaŋ yirda fanɛ Enyɛnpe Ebɔrɛ, bumo nananyɛnana Eebraham nɛ Aizek nɛ Jeekɔb be Ebɔrɛ na e lar fo so.”

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Ɛksodɔs 7:17

Amoso Enyɛnpe Ebɔrɛ na yɛ: ‘Kesheŋ nɛ mee sha kewora ere e naaŋ shin nɛ fo pin fanɛ ma e la Enyɛnpe Ebɔrɛ na.’ Keni, meeŋ ta kekpabi nɛ k wɔ ma enɔ to ere ŋ ŋmɛa Nail be nchu ere so nɛ a kilgi ŋklaŋ.

Jɛremaya 31:24

Basa na beeŋ baa wɔ Jerusalɛm nɛ nde nɛ e wɔ Juda be efuli so na to. Bumo be beko beeŋ baa la bedɔpo nɛ beko e baa la mbolpɔkpapoana.

Ezikɛl 34:30

Aloŋ nɛ ekama beeŋ pin fanɛ ma e naa kuŋ Israɛl be basa nɛ b la ma basa na. Ma, Enyɛnpetale Ebɔrɛ e kaŋɛ na.”

Ezikɛl 35:13

Ma alɛ naŋ nu mpuchi be mmalga nɛ men malga ŋ gbiti ma na gba.”

Ezikɛl 39:22

Yili loŋ be kachɛ na a yɔ Israɛlebi na beeŋ pin fanɛ ma, Enyɛnpe Ebɔrɛ na e la bumo be Ebɔrɛ.

Jowɛl 3:17

Kede be kaman nɛ Enyɛnpe Ebɔrɛ yɛ: “Kumo be jemanɛ na so nɛ menyi Israɛlebi beeŋ pin fanɛ ma e la Enyɛnpe men be Ebɔrɛ na. Ma e wɔ ma kebee cheembi Zayɔn so na. Jerusalɛm beeŋ naŋ ki kadegboŋ cheembi nɛ efuli pɔtɛana so ebi maaŋ naŋ tiŋ ŋ kɔ m pɔɔ kumo so.

Levitikɔs 11:44

Ma e la Enyɛnpe Ebɔrɛ menyi be Ebɔrɛ na nɛ a daga men lara menyi be amu n yili a kɔr bekama to a ŋini fanɛ men la n nawule peya nna, ŋkpal manɛ so, n du cheembi nna.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Nɔmbɛs 11:4

Kachako nɛ befɔ nɛ b daŋ tu Israɛlebi na a yɔ na fara a yɛlga ajibi ko kenishipereso, ndoŋ nna nɛ Israɛlebi na gba fara a fubel a bile asheŋ a kaŋɛ le: “Anyi maŋ nya eblaŋ kikɛ nɛ an we!

Nɔmbɛs 14:27

“Saŋɛ mo gba nɛ basa lubi ere beeŋ yige kebaa fubel a bile asheŋ a malga a gbiti ma? Bumo be nfubel na wora kebaŋso!