Ɛksodɔs 15:7 - EBƆRƐ BE KAWƆL

⁷ Fo kemaŋkura nɛ eleŋgboŋ wɔ kumo to na nɛ fo ta m pɔɔ bumo nɛ b kishi fo na so. Fo agbogboŋ nɛ k bee ji fanɛ edɛ be kuwuloŋ na a chɔɔ bumo burburbi fanɛ atuweklaŋ na m mur.

Ɛksodɔs 15:7 ပူးပေါင်းရင်းမြစ်များ

Job be kawɔl 9:4

Ebɔrɛ nyi asheŋ nsaa kɔ eleŋ ga, esa kikɛ maaŋ tiŋ n tu mo n ji emɔrɔ m pɔɔ so.

Nshɛ 148:13

Asɔ to so kikɛ e baa kpaŋ Enyɛnpe Ebɔrɛ na be ketre. Men baa kpaŋ mbe ketre na nawule. Ebɔrɛ be kemaŋkura shi ga a chɔ esoso nɛ kasawule so kikɛ peya.

Nshɛ 59:13

Nya agbo m mur bumo cheche. Saŋɛ na so efuli pɔtɛana na kikɛ beeŋ pin fanɛ fo e naa ji Israɛl so kuwura.

Nshɛ 68:33

Men fur emo nɛ e yili dra na kikɛ a dii awɔlpa na. Men kaŋ kusoe n nu mbe ebɔl nɛ k bee gbri fanɛ bɔrɛ ka bee ponte na.

Nshɛ 83:13

O anyi be Ebɔrɛ, shin nɛ b ki fanɛ eshishɛr ŋko amimi nɛ afu foŋ n ya lɛ na.

Ɛksodɔs 14:27

Kare ka bee chɛ na nɛ Mosis teŋi mbe kekpabi n shoŋi teku na nɛ k naŋ bɔlɔ fanɛ kananɛ k daa du na. Nɛ Ijipt be benapo na wora ania fanɛ baaŋ shile n lar nchu na to nɛ Enyɛnpe Ebɔrɛ shin nɛ nchu na ji bumo kikɛ.

Ɛksodɔs 5:12

Ndoŋ nna nɛ Israɛlebi pesaŋ to n sɔ Ijipt be kasawule so kikɛ a keni a fin afitiri nɛ baa ta a wɔtɔ eshii to a kuya ebirkesi na.

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Aizaaya 37:17

Keni kananɛ Asiriya be ewura, Sennakerɛb bee tege fo Ebɔrɛ nɛ fee sa ŋkpa na loŋ.

Aizaaya 37:23

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

Aizaaya 37:29

N wu fo kamoowu nɛ agbogboŋ na kikɛ. Naniere meeŋ ta dariwa n wɔtɔ fo kamuna to nseŋ ta kebarga n wɔtɔ fo kɔnɔ to. Kumo be kaman nɛ n ta fo m bɔla ekpa nɛ fo bɔla so m ba na m bɛta n yɔ kakpa nɛ fo shi m ba.”

Aizaaya 37:36

Ade kikɛ be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi, nɛ bumo kikɛ wu a dese!

Aizaaya 37:38

Kachako e ka yɔ mbe kegbir be lambu to n ya kaa shuŋ mbe kegbir nɛ baa tre Nishrɔk na, nɛ mbe mbinyɛnsobi anyɔ nɛ baa tre bumo Adremalɛk nɛ Shareza na ta bumo be etokobi m mɔ mo ndoŋ. Kumo be kaman nɛ b shile n yɔ Ararat be kasawule so nɛ mo pibinyɛn nɛ baa tre Essahaddɔn na sɔ mo so ŋ ki ewura.

Aizaaya 47:14

Basa nɛ b yirda achɛkpabi baa du fanɛ atuweklaŋ nɛ abee ji edɛ nsaa maaŋ tiŋ m mɔlga amo be amu nna. Esa kama maaŋ tiŋ n ta atuweklaŋ m puga edɛ n daŋɛ ajibi. Atuweklaŋ maaŋ tiŋ n wɔl esa edɛ awo to n chɛr.

Aizaaya 5:16

Enyɛnpetale Ebɔrɛ na bre bee wora kusɔ nɛ k daga nna a ŋini mbe keshi, nsaa ji mbe basa demu a lara mbe kecheembiya efuli.

Aizaaya 5:24

Kananɛ atuweklaŋ nɛ afitiri bee wɔl nsaa ji edɛ na nɛ menyi alɛ gba beeŋ ji edɛ nɛ menyi be nliŋi e bɛ nɛ menyi be atoto malɛ e wɔl nɛ afu e gbaŋgbaŋ amo n lɛ! Ŋkpal manɛ so, men kini kesɔ Enyɛnpetale Israɛl be Ebɔrɛ cheembi na be keŋini na.

Jɛremaya 10:6

Enyɛnpe Ebɔrɛ, esa kama maŋ du fanɛ fo. Fo shi ga nɛ fo ketre malɛ gba shi a kɔ eleŋ ga.

Maika 4:11

Efuli damtaana gama abar so nna nɛ b kɔ menyi kena. B yɛ: “A daga fanɛ Jerusalɛm ka mur! Anyi be kenishi pere nna a fin kewu kumo be ŋaba.”

Zakareya 14:3

Kumo be kaman nɛ Enyɛnpe Ebɔrɛ na e lar n ya kɔ efuli pɔtɛana na, fanɛ kananɛ e daŋ wora jemanɛ nɛ k choŋ na.

Zakareya 14:8

Kachɛ na kaŋ fo, nchu nɛ a bee sa ŋkpa beeŋ shi Jerusalɛm to a shile. Nchu na be bargato beeŋ baa shile a luri teku nɛ baa tre Teku Wuso na to nɛ bargato malɛ e baa shile a luri kumo nɛ baa tre Mɛditerenia be Teku na to. Ketarso nɛ kechali so kikɛ nɛ nchu na beeŋ baa shile.

Zakareya 2:8

Kusɔ nɛ Enyɛnpetale Ebɔrɛ na shuŋi ma fanɛ n ya kaŋɛ efuli kama so ebi nɛ b daŋ kɔ m pɔɔ menyi nɛ men wɔ Jerusalɛm to so nseŋ sɔ menyi be asɔ na e la fanɛ, Jerusalɛm du fanɛ Enyɛnpetale Ebɔrɛ na be kenishi nna. Kusɔ kama nɛ esa kama baŋ wora Jerusalɛm, mo nɛ amodoŋwura wora na.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Ashuŋ Shunso 9:4

Nɛ e tɔr kasawule nseŋ nu ebɔl ka bee bishi mo: “Sɔɔl, Sɔɔl, manɛ e ba nɛ fee tɔrɔ ma?”

Ditɛronɔmi 33:26

Israɛl be basa, Ebɔrɛ kikɛ maŋ naa wɔtɔ fanɛ menyi be Ebɔrɛ na. Mo e naa lara mbe kemaŋkura a ŋini kuwɔlpa so, nsaa bɔla bɔrɛwɔlpa to a ba menyi be kechɛto to na.

Ditɛronɔmi 4:24

ŋkpal manɛ so, Enyɛnpe, menyi be Ebɔrɛ na beeŋ tiŋ a du fanɛ edɛ nɛ k bee ji a mur. E la Ebɔrɛ nɛ e maa sha kechamana nna.

Hibruwebi 12:29

Ŋkpal manɛ so, anyi be Ebɔrɛ na du fanɛ edɛ chɔɔso nna a mur basa.