Ɛksodɔs 15:5 - EBƆRƐ BE KAWƆL

⁵ Teku na ka bee baga to a buu so a ba na nɛ k muni bumo so nɛ b chul n yɔ kumo be kaseto fanɛ kejembu na.

Ɛksodɔs 15:5 ပူးပေါင်းရင်းမြစ်များ

Nehemaya 9:11

Fo e daŋ shin nɛ Teku chiŋgeliŋ na ku to nɛ fo basa nite kasawule wɔlso so m bɔla kumo to n dii n choŋ. Ama fo daŋ shin nna nɛ bumo doŋana bre mur nchu na to nna fanɛ kananɛ kejembu bee tɔr nchu to na.

Nshɛ 106:11

nseŋ shin nɛ nchu na ji bumo doŋana nɛ b daa ju a buu bumo so na bre. Hale ekoŋwule gba daa maŋ ji efute.

Ɛksodɔs 14:28

Nchu na daŋ bɔlɔ m bɛta kaman nna n ya muni Fɛɛro be benapo nɛ b daŋ ta egbaŋɛturkoana nɛ mbe egbaŋɛdiipoana m bɔla kasawule wɔlso so ashi teku na be nferinto n ju a buu Israɛlebi na so nɛ bumo kikɛ nyam mur.

Ɛksodɔs 15:10

Ama Enyɛnpe Ebɔrɛ, fo efute nawule e shin nɛ teku na ba buu bumo kikɛ nyam so nɛ b chul n yɔ nchu damta na be kaseto fanɛ epal na.

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Aŋasa 8:24

B kurge ma nna pɔɛŋ nɛ etekuana kikɛ fara. Ŋ ka fara nɛ nchu be abuye maŋ wɔtɔ.

Ezikɛl 27:34

Ama naniere fo e mur a dese teku to na; Fo ji nchu n ya dese nchugboŋ be kechimbi to. Fo asɔ faso nɛ bekama nɛ baa shuŋ a sa fo na kikɛ; e tu fo n ji nchu teku to n chul na.’

Jona 2:2

“Ma tɔrɔ to nɛ n shu n tre fo, Enyɛnpe Ebɔrɛ na, nɛ e nu ma kekule. N wɔ nchaŋ chiŋgeliŋ to nna nseŋ kule fo fanɛ fo chɛ ma to, nɛ fo alɛ nu ma kekule.

Maika 7:19

Fo e naa wu anyi kuwɔr fanɛ kananɛ fo daa wora na. Fee chichi anyi be alubi so nna a ta amo a lɛ teku be kechimbi to.

Matiu 18:6

Nɛ ekama malɛ nɛ e shin nɛ le be mbibi nɛ b yirda ma ere be eko wora kulubi, kusɔ nɛ k beeŋ nya amodoŋwura na beeŋ lubi a chɔ b ka ta kuboo gboŋgboŋi n chɛ n shiga mbe kubɔ to nseŋ ta mo n lɛ n wɔtɔ teku be kaboŋ chiŋgeliŋ to nɛ e ji nchu.

Kelaraŋŋini 18:21

Ndoŋ nna nɛ malaika lempo ko maŋ kejembu ko so, kumo nɛ kuboogboŋ sasa n ta kumo ŋ kpa n wɔtɔ teku to nseŋ kaŋɛ: “Loŋ nɛ baaŋ ta Babilɔn be kadegboŋ n lɛ kasawule so eleŋso nɛ ekama maaŋ naŋ wu kumo kikɛ.