Ɛksodɔs 15:26 - EBƆRƐ BE KAWƆL

²⁶ nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Ɛksodɔs 15:26 ပူးပေါင်းရင်းမြစ်များ

1 Bewura 11:33

Meeŋ wora loŋ nna, ŋkpal manɛ so Sɔlɔmɔn kini ma nsaa shuŋ Sidɔn be kade be kegbir nɛ baa tre Astat na nɛ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk na. Sɔlɔmɔn kini kenu n sa ma, nseŋ kini ma mbra be kebɛso nɛ kebaawora asheŋ niŋiso fanɛ kananɛ mo tuto ewura Deevid daa wora na.

1 Bewura 11:38

Nɛ fo baa bɛ ma mbra kikɛ so, nsaa wora kusɔ nɛ mee kaŋɛ, fanɛ kananɛ ma kayɛrbi ewura Deevid daa wora na bre, ma alɛ beeŋ baa wɔ fo kutɔ saŋkikɛ. Meeŋ shin nɛ fo ki Israɛl be ewura nɛ fo kaman to ebi gba e baa kaa ji kuwura fanɛ kananɛ n wora Deevid na.

2 Bewura 2:21

nɛ e ta nfɔl na n yɔ kebuye na ase n ya chulgi n wɔtɔ kumo be nchu to nseŋ kaŋɛ fanɛ Enyɛnpe Ebɔrɛ na yɛ: “N shin nɛ nchu na ki nchu lela, amoso basa maaŋ naa wu chilchil. Kasawule na malɛ beeŋ baa wora ajibi nɛnɛ.”

2 Bewura 20:5

fanɛ e naŋ bɛta n yɔ ewura Hɛzekaya kutɔ n ya kaŋɛ mo le: “Ma, Enyɛnpe, fo nananyɛn ewura Deevid be Ebɔrɛ na, nu fo kabɔrɛkule nseŋ wu fo anishichubi na. Nchɛ asa be kefɛato, meeŋ chɛ fo nseŋ shin nɛ fo naŋ bɛta n yɔ bɔrɛlambu na to.

2 Bewura 22:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

Job be kawɔl 5:18

E beeŋ tiŋ m bar doro nɛ ebesa fo so, ama mo alɛ beeŋ naŋ chɔɔ fo achuu nɛ alɔbi na kikɛ n chɛ amo.

Nshɛ 103:3

Enyɛnpe Ebɔrɛ na e naa ta anyi be alubi a paŋ anyi. Mo alɛ e naa chɛ anyi be alɔana kikɛ,

Nshɛ 147:3

Mo e naa ti kagbenejijawuraana kagbene nsaa chɛ bumo be alɔana.

Nshɛ 81:9

Men sa maŋ kaŋ shuŋ efuli pɔtɛ kikɛ be kegbir, ŋko kegbir kikɛ nɛ menyi maŋ nyi shɛŋ a laŋɛ kumo kaplɛa so!

Ɛksodɔs 12:29

Kumo be kamɔnchɛ kiidiso nɛ Enyɛnpe Ebɔrɛ luri Ijipt to m mɔ ewurkoŋnyɛn kikɛ ashi Ijipt be kasawule so. Yili Fɛɛro n ya fo esa nɛ e wɔ kabuti to be wurkoŋ nyɛnso nɛ asɔbɔya kikɛ peya nɛ e daŋ mɔ.

Ɛksodɔs 19:5

Amoso naniere nɛ men baŋ wora kasonu cheche n sa ma nseŋ bɛ ma kɔnɔkoŋwule be ŋkre na so bre, menyeeŋ baa kraa la ma basa gbagba nɛ mee sha ga ashi basa kikɛ to na. Kasawule ere kikɛ la meya nna.

Ɛksodɔs 19:6

Menyi alɛ beeŋ baa la kanaŋ cheembi to ebi nɛ bɔrɛmatapoana nɛ b shi kuwurji be kanaŋ cheembi to.’ Kusɔ nɛ mee sha fanɛ fo kaŋɛ Israɛlebi nna na.”

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 23:25

Nɛ men baa shuŋ ma, Enyɛnpe Ebɔrɛ, men be Ebɔrɛ na, ma alɛ beeŋ nɛfa men be ajibi nɛ men be nchu nseŋ lara alɔana kikɛ ashi menyi to.

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Aizaaya 57:18

N wu asheŋ nɛ b wora na kikɛ, ama ŋ kraa beeŋ chɛ bumo be alɔ. Ma alɛ beeŋ juŋkpar bumo nseŋ chɛ bumo to nseŋ naŋ lolo bekama nɛ baa shu nli na,

Jɛremaya 11:7

Baŋ yili jemanɛ nɛ n lara bumo nanaana Ijipt be efuli so hale m ba fo kabre, m baa kpele bumo kusoe nna fanɛ b baa wora ma kasonu.

Jɛremaya 17:24

To, kaŋɛ basa na fanɛ a daga fanɛ b baa wora ma mmalga naseso kikɛ kasonu. A maŋ daga b baa sulɔ esulɔ kikɛ a bɔla mbunagboŋ na to a luri kadegboŋ na to kewushiachɛ kikɛ. A daga fanɛ b baa ta kewushiachɛ na fanɛ kachɛ cheembi nsaa maa shuŋ kushuŋ kikɛ kuraa.

Jɛremaya 30:17

Ekama maŋ naa sha fanɛ men ba la mo teri ŋko ekama be shɛŋ maaŋ naa wɔ kusɔ nɛ k wora menyi to. Ama meeŋ chɛ menyi be edoro nɛ men nya eyur be alenfia. Ma, Enyɛnpe Ebɔrɛ e kaŋɛ na.”

Jɛremaya 33:6

Kumo be kaman nɛ n naŋ shin nɛ asheŋ e naŋ nyalɛ nsaa nite nɛnɛ ashi kadegboŋ na to kachako n sa ma basa. Saŋɛ na so baaŋ baa wɔ kayurwushi to mbaanaayɔ.

Jɛremaya 7:23

N daŋ kaŋɛ bumo nna fanɛ b baa wora ma kasonu, saŋɛ na so meeŋ baa la bumo be Ebɔrɛ nɛ bumo alɛ e baa la ma basa. N daŋ kaŋɛ bumo nna fanɛ b baa wɔ kebaawɔtɔ nɛ n yili n sa bumo na to, saŋɛ na so asheŋ beeŋ baa nite nɛnɛ a sa bumo.

Jɛremaya 8:22

Anyeeŋ tiŋ n nya adur nɛ bechɛpo ashi Giliad be efuli so. Ama manɛ nna nɛ ma basa maŋ nya kechɛ?

Ezikɛl 18:5

Nɛ fanɛ esa lela koso a ji kashenteŋ nsaa wora kusɔ nɛ k daga jemanɛ kikɛ.

Hoziya 11:3

Ma e pɛ Israɛlebi be enɔ to n ŋini bumo enite, ŋkeshin nɛ bumo alɛ maaŋ wu gba fanɛ ma e naa chɛ bumo to.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Levitikɔs 26:13

Ma Enyɛnpe menyi be Ebɔrɛ na e lara menyi ashi Ijipt be efuli so m ba saŋɛ na so menyi maaŋ naa la anya. Ma e kɔ m pɔɔ eleŋ kama nɛ k daa ji menyi so na so, saŋɛ na so, menyi maŋ naa fɔŋ shɛŋ so na.”

Levitikɔs 26:3

Nɛ menyee bɛ ma mbraana so nsaa wora kusɔ nɛ ŋ kaŋɛ kasonu,

Nɔmbɛs 12:13

Ndoŋ nna nɛ Mosis boŋ to awɔrso ŋ kaŋɛ le: “Enyɛnpe Ebɔrɛ, jande, chɛ Miriam!”

Ditɛronɔmi 12:25

Nɛ menyee wora mbra ere kasonu, Enyɛnpe Ebɔrɛ na be kagbene beeŋ baa fuli menyi so nɛ asheŋ a nyalɛ n sa menyi nɛ menyi be kaman to ebi.

Ditɛronɔmi 12:28

Nɛ fanɛ menyeeŋ wora mbraana nɛ mee kaŋɛ menyi ere kasonu kashenteŋto, asheŋ beeŋ nyalɛ n sa menyi nɛ menyi be kaman to ebi hale mbaanaayɔ. Ŋkpal manɛ so, menyeeŋ baa wora kusɔ nɛ k daga nsaa par Enyɛnpe menyi be Ebɔrɛ na nna na.”

Ditɛronɔmi 13:18

Amoso nɛ a daga fanɛ men baa wora kusɔ nɛ Enyɛnpe menyi be Ebɔrɛ na kaŋɛ fanɛ k walɛ na. Mee ta mbraana ere nna a sa menyi kabre nɛ men baa wora amo kasonu.”

Ditɛronɔmi 28:27

Enyɛnpe Ebɔrɛ na beeŋ shin nɛ asɔ puŋiso e tɔr menyi so fanɛ kananɛ e daŋ wora Ijiptebi na. E beeŋ shin nɛ achuubɔbɔ e to n to menyi be eyurana so, nɛ ajijeli a pɛ menyi nɛ men baa wule eyur, ama menyi alɛ maaŋ nya kechɛ kikɛ.

Ditɛronɔmi 28:58

Nɛ men kini kewora Ebɔrɛ be mbraana nɛ b sibɛ n wɔtɔ kawɔl ere to ere kasonu kashenteŋto nseŋ kini kesa Enyɛnpe menyi be Ebɔrɛ na be ketre nɛ k kɔ kemaŋkura na bunyaŋ,

Ditɛronɔmi 28:60

Mo alɛ beeŋ naŋ shin nɛ alɔ lubi nɛ men daŋ wu ashi Ijipt be efuli so na e ba menyi so nɛ men maaŋ nya amo be kechɛ.

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

Ditɛronɔmi 5:1

Mosis daŋ tre Israɛl be basa na kikɛ nna m ba kaŋɛ bumo le: “Israɛlebi, men kaŋ asoe n nu mbraana nɛ mee ta a sa menyi kabre ere. Men koya amo nseŋ wora amo kasonu.

Ditɛronɔmi 7:15

Enyɛnpe Ebɔrɛ na e naaŋ baa kuŋ menyi ashi alɔ kikɛ to nsaa maŋ shin nɛ alɔ lubi nɛ a daa tɔrɔ menyi ashi Ijipt be efuli so na e ba menyi so, ama e beeŋ shin nɛ a pɛ men doŋana kikɛ.