Ɛksodɔs 15:25 - EBƆRƐ BE KAWƆL

²⁵ Ndoŋ nna nɛ Mosis shu n tre Enyɛnpe Ebɔrɛ nɛ Enyɛnpe Ebɔrɛ na ŋini mo kedibi ko nɛ e ta kumo n lɛ nchu na to, nɛ a kilgi nchu belbelso. Enyɛnpe Ebɔrɛ ka wora bumo ŋ keni na nɛ e sa bumo mbra

Ɛksodɔs 15:25 ပူးပေါင်းရင်းမြစ်များ

2 Bewura 2:21

nɛ e ta nfɔl na n yɔ kebuye na ase n ya chulgi n wɔtɔ kumo be nchu to nseŋ kaŋɛ fanɛ Enyɛnpe Ebɔrɛ na yɛ: “N shin nɛ nchu na ki nchu lela, amoso basa maaŋ naa wu chilchil. Kasawule na malɛ beeŋ baa wora ajibi nɛnɛ.”

2 Bewura 4:41

Nɛ Elaisha kaŋɛ le: “Men fin nyifu n sa ma.” B ka fin amo n sa mo nɛ e chulgi amo n wɔtɔ kapuliya na nɛ nyɔto na to nseŋ kaŋɛ le: “Men jɔ nyɔto na be adamta n sa bumo.” B ka ji amo shɛŋ shɛŋ maŋ wora bumo.

2 Bewura 6:6

Nɛ Elaisha bishi mo le: “Nnɛ nɛ kekpanfu na tɔr to?” Nɛ kanyɛn na ŋini mo kakpa nɛ k tɔr to. Ndoŋ nna nɛ Elaisha ku kedibi n lɛ nchu na to nɛ kebɛlso na tu n deŋi so.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 66:10

Anyi be Ebɔrɛ, fo wora anyi ŋ keni, fanɛ kananɛ baa wora gbiti a keni na.

Nshɛ 81:7

Men ka daa wɔ etɔrɔ to, ma nɛ men shu n tre, nɛ m mɔlga menyi. Abɔrɛwɔlpa to nɛ n daa wɔ nseŋ nu menyi be kushu. Kumo be kaman nɛ n wora menyi ŋ keni ashi Mɛriba be kebuye na ase.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Nshɛ 99:6

Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Ɛksodɔs 14:10

Ewura Fɛɛro nɛ mbe benapo ka ya kaa taga bumo to na nɛ Israɛlebi na maŋ bumo be amu so n wu fanɛ Ijiptebi na ju a buu bumo so a ba nɛ kufu pɛ bumo ga nɛ b shu n tre Enyɛnpe Ebɔrɛ.

Ɛksodɔs 16:4

Ndoŋ nna nɛ Enyɛnpe Ebɔrɛ kaŋɛ Mosis: “Keni meeŋ shin nɛ ajibi e shi esoso n wurge fanɛ bɔrɛ na n sa menyi nɛ basa na e baa lar n ya kaa muu amo kananɛ baaŋ tiŋ n ji karechɛ kama. Loŋ nɛ meeŋ wora bumo ŋ keni baa bɛ ma keŋini so a?

Ɛksodɔs 17:4

Asheŋ na ka daŋ ki loŋ na nɛ Mosis shu n tre Enyɛnpe Ebɔrɛ m bishi mo: “Nuso nɛ meeŋ wora basa ere? A ka gbrɛbi nɛ b kpa ma ajembu m mɔ nna na.”

Ɛksodɔs 20:20

Ndoŋ nna nɛ Mosis kaŋɛ basa na: “Men sa maa lɔ kufu. Ebɔrɛ ba nna nɛ e ba wora menyi ŋ keni nseŋ shin nɛ men baa wora mo kasonu nsaa maa wora alubi.”

Aŋasa 17:3

Edɛ nɛ baa ta a wora shuwa nɛ gbiti a keni a pin amo be kela; ama Enyɛnpe Ebɔrɛ na e naa wora dimɛdi be kagbene a keni.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 9:7

Ŋkpal loŋ so nɛ Enyɛnpetale Ebɔrɛ na kaŋɛ le; “Ma basa teŋ wora alubi n da ma so. Manɛ nɛ meeŋ wora bumo nɛ mannɛ kelɔŋɛ bumo so fanɛ kananɛ baa lɔŋɛ kebɛlso so na?

Ezikɛl 47:7

nɛ n ya wu fanɛ ndibi damta daa yil kabombi na be mba anyɔ na kikɛ so nna.

Ezikɛl 47:8

Ndoŋ nna nɛ e kaŋɛ ma le: “Nchu ere bɔla kasawule ere so nna n sɔ epeŋilarkpa be kaba so ŋ gbelge to m bɔla Jɔɔdan be ketaŋɛ to a yɔ Teku Wuso na to nna na. Kumo be nchu na baŋ luri Teku Wuso na to, Teku Wuso na be nchu nɛ a kɔ nfɔl na beeŋ kilgi nchu nɛ e walɛ kenuu.

1 Kɔrintebi 1:18

Ŋkpal manɛ so, luwu mo nɛ Kristo wu kedibi largato so be kubɔya na la kawulisheŋ nna n sa basa nɛ b wɔ kemur be ekpa to na. Ama anyi nɛ an wɔ kumɔlga be ekpa to ere bre, loŋ be kubɔya na la Ebɔrɛ be eleŋ nna.

Ditɛronɔmi 13:3

men sa maŋ kaa nu a sa bumo. Enyɛnpe menyi be Ebɔrɛ na e naa bɔla bumo so a sha kewora menyi ŋ keni nseŋ pin fanɛ menyee sha mo nɛ menyi be ŋgbene kikɛ ŋko menyi maa sha mo.

Ditɛronɔmi 8:16

Mo koŋwule na e sa menyi ajibi nɛ baa tre ‘manna’ na ashi keshishɛrsawule na so nɛ men ji. Ajibi nɛ men nananyɛnana maŋ naŋ ji ŋ ku so na nɛ e sa menyi. Enyɛnpe Ebɔrɛ daŋ shin nna nɛ etɔrɔbi ba menyi so nɛ e wora menyi ŋ keni nɛ men yirda mo, saŋɛ na so, e beeŋ nɛfa menyi nɛ asɔ lela.

Ditɛronɔmi 8:2

Men baa nyiŋi kananɛ Enyɛnpe menyi be Ebɔrɛ na juŋkpar menyi ashi keshishɛrsawule so be enite tenteŋ to nfɛ adena nɛ a choŋ ere kikɛ. E daa sha kepin nna fanɛ kashenteŋto nɛ menyee sha kewora mo kasonu nseŋ ta menyi be amu n to mo so a?

Demujipoana 2:22

Meeŋ bɔla bumo so n wora Israɛlebi ere ŋ keni fanɛ baaŋ bɛ ma, Enyɛnpe Ebɔrɛ na be ekpa so fanɛ kananɛ bumo nanaana bɛ so na a!”

Demujipoana 3:1

Ndoŋ nna nɛ Enyɛnpe Ebɔrɛ na shin nɛ basa pɔtɛ na be beko ka a wɔ kasawule na so, nɛ b wora Israɛlebi nɛ b maŋ yɔ Keenan n ya kɔ na ŋ keni.

Demujipoana 3:4

E daŋ yige bumo nna nɛ e wora Israɛlebi na ŋ keni baaŋ nu nseŋ bɛ mbra nɛ e ta m bɔla Mosis so n sa bumo nananyɛnana na so a.