Ɛksodɔs 15:20 - EBƆRƐ BE KAWƆL

²⁰ Ndoŋ nna nɛ anebi cheso Miriam, nɛ e la Ɛɛrɔn mo da cheso na, ta mbe chakachaka, nɛ beche nɛ b ka na malɛ ta echakachaka m bɛ mo so nɛ baa laŋ nsaa cha.

Ɛksodɔs 15:20 ပူးပေါင်းရင်းမြစ်များ

Jɛnesis 31:27

Manɛ e ba nɛ fo ŋana ma so n shile? Manɛ e ba nɛ fo daa maŋ kaŋɛ ma nɛ n shin nɛ an ta kagbenefuli nɛ alaŋsɔ m boŋ nshɛ n cha n shuŋi fo ekpa?

2 Samuɛl 1:20

Sa maŋ ber kumo be kubomboŋ ashi Gaaf ŋko Ashkɛlɔn be abɔrbiana so. Nɛ mannɛ aloŋ, Filisti be nnyamaseche na be ŋgbene beeŋ fuli bumo nɛ b baa tɛto kagbenefuliso

2 Samuɛl 6:14

Deevid daŋ dela wajɛ fuful nawule mbe kashɛr to nna nseŋ ta mbe eleŋ kikɛ n cha m maŋkura Enyɛnpe Ebɔrɛ.

2 Samuɛl 6:16

B ka ta ŋkre be deka na a luri kade to na, nɛ Sɔɔl pibiche Mikaal keni tokuro to n wu ewura Deevid ka bee cha a tɛto, nɛ mbe asheŋ nu mo agbo alegaiso nɛ e maŋ naa keni mo a bɔlɔ kenishi.

2 Samuɛl 6:5

Deevid nɛ Israɛlebi na kikɛ daŋ ta bumo be eleŋ kikɛ nna a boŋ nshɛ a cha a maŋkura Enyɛnpe Ebɔrɛ na. B daa laŋ ejaŋjilaŋ nɛ egoji nɛ ŋkure nɛ echakachaka nɛ ayawa nna.

2 Bewura 22:14

Hilkiya nɛ Ahikam nɛ Akbɔ nɛ Shafan nɛ Asaya e daŋ yɔ anebiche nɛ baa tre Hulda nɛ e wɔ Jerusalɛm be kelargato be esoso be kaba so na kutɔ. Hulda mo kul Shallum nɛ e la Tikva pibinyɛn nsaa la Hahas mo nanabi na e daa keni epiŋi so ashi bɔrɛlambu na to. B daŋ kaŋɛ anebi na kusɔ nɛ k wora kikɛ nna,

1 Kronikɛls 15:16

Ewura Deevid daŋ kaŋɛ Livaiebi be bejuŋkparpo na kenishipereso nna fanɛ b lara Livaiebi na be beko nɛ b baa boŋ nshɛ nsaa laŋ ejaŋjilaŋ nɛ echakachaka kagbenefuliso

1 Kronikɛls 6:3

Amram malɛ daa kɔ mbinyɛnsobi anyɔ nna. Bumo e la: Ɛɛrɔn nɛ Mosis nɛ ebicheso nɛ baa tre mo Miriam. Ɛɛrɔn daa kɔ mbinyɛnsobi ana nna. Bumo e la Nadab nɛ Abihu nɛ Eliaza nɛ Itama.

Nehemaya 6:14

Ndoŋ nna nɛ ŋ kule Ebɔrɛ le: “Ebɔrɛ nyiŋi kusɔ nɛ Tobaya nɛ Sanballat wora nɛ anebiche nɛ baa tre Nodaya nɛ anebiana nɛ b ka na be kananɛ b fin ekpa nɛ b funti ma. Jande gberge bumo kikɛ kusoe n sa ma.”

Nshɛ 149:3

Men ta echakachaka nɛ ejaŋjilaŋ a boŋ nshɛ nsaa cha a dele Enyɛnpe Ebɔrɛ na be ketre.

Nshɛ 150:4

Men baa laŋ ŋkure a cha a kpaŋ mo, nsaa ta ejaŋjilaŋ nɛ nlopi gba a kpaŋ mo.

Nshɛ 30:11

Fo e chɛrga ma kushu ŋ ki kayurji; nɛ m maŋ naŋ buu kagbenejijaso be asɔbuuso.

Nshɛ 68:11

Fo e sa mbra na, nɛ beche damta cha awɔr, ŋ kaŋɛ kusɔ nɛ k wora.

Nshɛ 68:25

Beshɛbompo e juŋkpar nɛ bumo nɛ baa laŋ alaŋsɔ bɛso nɛ besuŋgurbi bee laŋ echakachaka a chaŋ bumo.

Nshɛ 68:26

Le nɛ baa ponte a kaŋɛ: “Men fur Enyɛnpe Ebɔrɛ ashi mbe basa Israɛlebi be nshɛr to.”

Nshɛ 81:2

Men fara a boŋ nshɛ nsaa laŋ echakachaka a wɔtɔ; men baa laŋ ejaŋjilaŋ nɛ egoji a boŋ nshɛ belbelso.

Ɛksodɔs 2:4

Nɛ kebia na mo dache malɛ ya feŋ n yili a keni kusɔ nɛ k beeŋ wora mo.

Kaŋinichiŋgeliŋ 3:4

Mo e yili kagbenejija nɛ kagbenefuli be saŋɛ, nseŋ yili kushu keli nɛ keji eyur be saŋɛ.

Jɛremaya 31:4

Ŋ kraa beeŋ lɔŋɛ menyi be efuli na m pɔr. Menyi alɛ kraa beeŋ ta menyi be echakachaka m boŋ nshɛ n cha kagbenefuliso

Maika 6:4

Ma e lara menyi nseŋ mɔlga menyi ashi kenyaya to ashi Ijipt be efuli so. Mosis nɛ Ɛɛrɔn nɛ Miriam nɛ n daŋ shuŋi fanɛ b ya juŋkpar menyi n lar ndoŋ.

Nɔmbɛs 12:1

Miriam nɛ Ɛɛrɔn daŋ malga nna ŋ gbiti Mosis ŋkpal e ka ta Kush be efuli so be eche so.

Nɔmbɛs 12:2

Le nɛ b daŋ kaŋɛ: “Mosis nawule so nɛ Enyɛnpe Ebɔrɛ bee bɔla a malga a? E maŋ bɔla anyi alɛ so m malga a?” B ka malga loŋ na nɛ Enyɛnpe Ebɔrɛ nu kusɔ nɛ b kaŋɛ na.

Nɔmbɛs 20:1

Kafɛ to be kufɔl juŋkparso to nɛ Israɛlebi na fo keshishɛrsawule nɛ baa tre Zin na nseŋ wora bumo be keeyi to ashi Kadɛsh. Ndoŋ nɛ Miriam wu nɛ b ta mo m puli.

Nɔmbɛs 26:59

Amram e daŋ ta Livai pibiche Jokabed nɛ b daŋ kurge Ijipt be efuli so na. Mo nɛ mo e kurge Ɛɛrɔn nɛ Mosis nɛ Miriam.

Luuk 2:36

Epul na to gbagba nɛ anebiche ko nɛ baa tre Ana ba ndoŋ. Mo tuto e daa la Fanuwɛl nɛ e shi Ashɛr be kanaŋ to na.

Ashuŋ Shunso 21:9

E daa kɔ mo gbagba be mbichebi kurgeso bena. B daa la anebicheana nna a wɔtɔ a maŋ kil.

1 Kɔrintebi 11:5

Ama eche kama malɛ nɛ e bee kule Ebɔrɛ ŋko a wu abɔrɛsheŋ to a malga basa to nsaa maa ta shɛŋ a chɛ kumu bee ŋaba mbe kumu nna na. K baa du fanɛ b ka kpasa mbe kumu nna.

1 Kɔrintebi 14:34

A daga fanɛ beche e baa lo bumo be nnɔ to ashi asɔriana to fanɛ kananɛ k du ashi Ebɔrɛ be basa larasoana na kikɛ be asɔriana na to na. B maŋ kɔ ekpa nɛ b malga, a daga fanɛ b baa bar bumo be amu kaseto fanɛ kananɛ abɔrɛsibɛ na bee kaŋɛ na.

Demujipoana 11:34

Jɛfta ka bɛta n shi kena na to a ba epe ashi Mizpa, mo pibiche koŋwule e la esa nɛ e juŋkpar n ta chakachaka a boŋ kashɛ nsaa cha a shɛr mo to. Jɛfta daa maŋ naa kɔ ebiche ŋko ebinyɛn n ti mo so.

Demujipoana 21:21

Saŋɛ na so nɛ Shilo be mbichesobi na kaŋ lar a cha kachɛgboŋ achɛ na, nɛ men lar adɔana na to nɛ men be ekama e pɛ eche katiŋso n yɔ mo pe nɛ e ya ki mbe eche ashi Bɛnjamin be kasawule so.

Demujipoana 4:4

Anebiche ko nɛ baa tre Dɛbora, nɛ e daa la kanyɛn nɛ baa tre Lappidɔf na be eche, e daa juŋkpar Israɛlebi na loŋ be jemanɛ na.

1 Samuɛl 10:5

Kumo be kaman nɛ fo yɔ Gibia, kakpa nɛ Filistiebi be benapo be keeyi to wɔ na. Fo baa luri kade na to, feeŋ tu anebiana be katuŋ ko nɛ b bɛ abar so n shi kakpa nɛ baa bunyaŋ Ebɔrɛ na a gbelge to a ba nɛ b juŋkpar bumo a laŋ ejaŋjilaŋ nɛ ŋkure nɛ egoji nsaa foŋ nlopi nɛ bumo alɛ bee wu asheŋ a kaŋɛ.

1 Samuɛl 18:6

Deevid ka mɔ Goliɛf, nɛ benapo na bɛta a ba epe na, nɛ beche nɛ b shi Israɛl be nde karso na kikɛ lar a ba nɛ b ba chɔrɔ ewura Sɔɔl. B daa boŋ kagbenefuli be nshɛ nna nsaa laŋ echakachaka nɛ ejaŋjilaŋ a foŋ nlopi a cha.