Ɛksodɔs 15:2 - EBƆRƐ BE KAWƆL

² Enyɛnpe Ebɔrɛ na e la ma elempo nɛ ma emɔlgapo. Meeŋ boŋ kashɛ ŋ dele mo. Mo e la ma Ebɔrɛ, amoso meeŋ di mo epaŋ. N tuto be Ebɔrɛ e la mo, amoso meeŋ fur mo.

Ɛksodɔs 15:2 ပူးပေါင်းရင်းမြစ်များ

Jɛnesis 17:7

Meeŋ nase ma kɔnɔkoŋwule be ŋkre n sa fo nɛ fo kaman to ebi nɛ bumo alɛ be kaman to ebi mbaanaayɔ. Meeŋ baa la fo nɛ fo kaman to ebi kikɛ be Ebɔrɛ.

Jɛnesis 49:18

O, Enyɛnpe, mee jo fo kenya be kesɔnyige nna.

2 Samuɛl 22:3

Ma Ebɔrɛ na e la ma kejembugboŋ nɛ ma eŋanakpa. Mo kutɔ nɛ ma kumɔlga bee shi. E bee kuŋ ma nna fanɛ kebɛlso be kusɔkuŋso. Mo e naa kɔ a sa ma, nsaa mɔlga ma. Mo e la ma emɔlgapo. Mo e naa kuŋ ma nsaa mɔlga ma, nsaa ta ma a ŋana basa nɛ baa ta eleŋ a tintiŋ basa na so.

2 Samuɛl 22:47

Enyɛnpe Ebɔrɛ fo wɔtɔ! Meeŋ di fo epaŋ! Fo la kejembu nna nɛ mee ŋana fo to! Meeŋ maŋkura fo ŋkpal fo ka mɔlga ma so.

2 Samuɛl 22:51

Fo Ebɔrɛ e naa sa esa nɛ fo lara fanɛ e baa la ewura na kekɔmpɔɔso be eleŋ. Fo alɛ be kasha nɛ fo kɔ n sa fo ewura laraso Deevid nɛ mbe kaman to ebi na maa loge kikɛ.

2 Samuɛl 7:24

Fo lara Israɛlebi na fanɛ fo basa nna hale mbaanaayɔ, nɛ fo Enyɛnpe Ebɔrɛ malɛ ki bumo be Ebɔrɛ.

2 Samuɛl 7:5

“Ya kaŋɛ ma kayɛrbi Deevid fanɛ ma, Enyɛnpe Ebɔrɛ e naa kaŋɛ mo na fanɛ mannɛ mo nɛ mee sha fanɛ e pɔr bɔrɛlambu n sa ma nɛ m baa wɔtɔ.

1 Bewura 8:13

Naniere bre m pɔr kemaŋkura be bɔrɛlambu nɛ feeŋ baa wɔ ndoŋ mbaanaayɔ.”

1 Bewura 8:27

Ebɔrɛ beeŋ tiŋ a wɔ edimɛdi to durnya ere to a? Esoso kikɛ gba maaŋ tiŋ n sɔ fo. Nɛ nuso nɛ bɔrɛlambu nɛ m pɔr ere bre beeŋ tiŋ n sɔ fo?

1 Kronikɛls 16:14

Enyɛnpe na e la anyi be Ebɔrɛ; nɛ mbe mbra wɔtɔ n sa durnya kikɛ.

Nshɛ 109:1

O Ebɔrɛ, mee kpaŋ fo nna. Amoso sa maŋ lo to loŋ; kaŋɛ ma kusɔ ko!

Nshɛ 118:14

Enyɛnpe Ebɔrɛ na e wɔtɔ ma eleŋ to nseŋ sa ma kashɛ nɛ m boŋ; mo e mɔlga ma.

Nshɛ 118:21

Meeŋ di fo, Enyɛnpe Ebɔrɛ na epaŋ, ŋkpal fo ka nu ma kabɔrɛkule nseŋ shin nɛ ŋ kɔ m pɔɔ so so.

Nshɛ 118:28

Enyɛnpe Ebɔrɛ na e la ma Ebɔrɛ, ma alɛ beeŋ di mo epaŋ nseŋ ber mbe keshi be kebomboŋ n sa basa kikɛ nɛ b nu.

Nshɛ 132:5

n ya fo saŋɛ nɛ meeŋ nya ekpa m pɔr bɔrɛlambu n sa Enyɛnpetale Ebɔrɛ nɛ e la Jeekɔb be Ebɔrɛ na.”

Nshɛ 140:7

O Enyɛnpetale Ebɔrɛ, fo la ma emɔlgapo lempo, fo e naa kuŋ ma ashi kekɔ nɛ bedoŋ bee kɔ ma kikɛ to.

Nshɛ 145:1

Meeŋ maŋ fo so nseŋ kpaŋ fo, ma Ebɔrɛ nɛ ma Ewura; Ma alɛ beeŋ maŋkura fo ketre saŋkama.

Nshɛ 18:46

Fo Enyɛnpe Ebɔrɛ na wɔ ŋkpa to nna. Meeŋ fur fo, Enyɛnpe Ebɔrɛ, ma kefaltagboŋ nɛ fee kuŋ ma. Meeŋ maŋkura fo, ma emɔlgapo.

Nshɛ 22:10

B ka kurge ma kikɛ fo enɔ to nɛ n wɔ; fo alɛ e la ma Ebɔrɛ saŋkikɛ.

Nshɛ 22:3

Ama fo la esa cheembi nna a tase fo kuwurputi so. Fo nɛ Israɛlebi bee kpaŋ.

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Nshɛ 28:8

Enyɛnpe Ebɔrɛ na e naa sa mbe basa eleŋ. Mo e naa kuŋ nsaa mɔlga mbe ewura laraso.

Nshɛ 30:1

Enyɛnpe Ebɔrɛ, meeŋ fur fo; ŋkpal fo ka mɔlga ma nsaa maŋ shin nɛ ma doŋana ji eyur ŋkpal b ka pɔɔ ma so so.

Nshɛ 34:3

Men ba chɛ ma to nɛ an malga Enyɛnpe na be keshi be asheŋ. Men shin nɛ an cha abar n fur mbe ketre.

Nshɛ 48:14

“Ebɔrɛ ere e la anyi be Ebɔrɛ mbaanaayɔ. Mo alɛ beeŋ baa juŋkpar anyi saŋkama.”

Nshɛ 59:17

Meeŋ boŋ nshɛ n fur fo. Fo e la ma ekumpogboŋ nsaa sha ma.

Nshɛ 68:20

Saŋkikɛ fee kuŋ anyi nna, nsaa mɔlga anyi ashi luwu to.

Nshɛ 99:5

Men baa maŋ Enyɛnpe anyi be Ebɔrɛ na so, nsaa bunyaŋ mo ashi mbe kuwurputi ase. Ŋkpal manɛ so, e du cheembi nna.

Nshɛ 99:9

Anyee kpaŋ fo, Enyɛnpe anyi be Ebɔrɛ na, nsaa bunyaŋ fo ashi fo kebee cheembi na ase. Ŋkpal manɛ so, Enyɛnpe anyi be Ebɔrɛ na du cheembi nna.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ɛksodɔs 4:22

Kumo be kaman nɛ fo kaŋɛ ewura Fɛɛro fanɛ ma, Enyɛnpe Ebɔrɛ na e kaŋɛ le na: ‘Israɛlebi du fanɛ ma wurkoŋnyɛn nna.

Ɛksodɔs 40:34

Nɛ kuwɔlpa ba buu Enyɛnpe be wajɛbu na so nɛ Enyɛnpe Ebɔrɛ be kemaŋkura ba bɔlɔ kumo to.

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 25:1

Enyɛnpe Ebɔrɛ, fo e la ma Ebɔrɛ; Meeŋ maŋkura fo nseŋ kpaŋ fo ketre. Fo e wora emamachisheŋ nɛ a bee mɔ kɔnɔ; fo alɛ e ta kashenteŋji n shin nɛ fo ŋkre nɛ fo wora dra na kikɛ bɔlɔ so.

Aizaaya 45:17

Ama Enyɛnpe Ebɔrɛ na mɔlga Israɛl be basa bre, nɛ b kɔ m pɔɔ so mbaanaayɔ. Bumo be basa malɛ maaŋ ŋaba kikɛ.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 66:1

Enyɛnpe Ebɔrɛ yɛ: “Ebɔrɛso e la ma kuwurjiakpa nɛ kasawule so malɛ la ma aya be kusɔ yiliso so. Nɛ nuso be ebu nɛ menyeeŋ naŋ pɔr n sa ma nɛ n naŋ chena to ŋko nnɛ nɛ meeŋ naŋ chena n wushi?

Jɛremaya 3:23

Nnyamase be agbirana nɛ an shuŋ abee be awɔlto na bre maŋ chɛ anyi to kuraa. Kechɛ to nɛ Israɛl be basa bee nya kikɛ bee shi Enyɛnpe anyi be Ebɔrɛ na kutɔ nna.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Jɛremaya 32:38

Saŋɛ na so baaŋ baa kraa la ma basa nɛ ma alɛ e baa kraa la bumo be Ebɔrɛ.

Habakuk 3:13

Fo lar m ba nna nɛ fo ba mɔlga fo basa, nɛ fo ewura laraso. Fo ŋmɛa amukpakpasowuraana be ejuŋkparpo n lɛ, nseŋ mur basa nɛ b bɛ mo so na cheche.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Luuk 1:77

ŋ ŋini mbe basa kananɛ baaŋ nya bumo be alubi be ketampaŋ bumo. Baaŋ nya kumɔlga.

Luuk 2:30

ŋkpal manɛ so, ŋ gbagba be anishi e baŋ wu fo kumɔlga be kakɛ

Baru lela nɛ Jɔn kute na 4:22

Esa nɛ men maŋ nyi nɛ menyi Samɛriaebi bee bunyaŋ, ama anyi ere nyi esa nɛ anyee bunyaŋ, ŋkpal manɛ so, Juwebi so nɛ Ebɔrɛ beeŋ bɔla m mɔlga basa.

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

Ashuŋ Shunso 4:12

Yesu na nawule so nɛ anyeeŋ tiŋ n nya kumɔlga. Ebɔrɛ maŋ ta esa kikɛ be ketre durnya ere to n sa basa nɛ b bɔla kumo so n nya kumɔlga she Yesu Kristo nawule peya.”

2 Kɔrintebi 5:19

Kumo e la fanɛ Kristo so nɛ Ebɔrɛ daŋ bɔla ŋ kplaŋ durnya be alubi so nseŋ shin nɛ mo nɛ basa naŋ nyalɛ. Ama kananɛ e bee shin nɛ mo nɛ basa bee nyalɛ be kubɔya nɛ e ta m bɔɔ anyi enɔ.

Ɛfesesebi 2:22

Menyi alɛ gba, baa pɔr menyi nna a wɔtɔ mo to nɛ men ba ki ebu nɛ Ebɔrɛ beeŋ bɔla Kiyoyu na to a wɔ to na.

Ditɛronɔmi 10:21

Men baa kpaŋ mo, ŋkpal manɛ so, mo e la menyi be Ebɔrɛ nɛ menyi alɛ gbagba wu asheŋgboŋ nɛ a bee mɔ kɔnɔ nɛ e wora kenishiso.

Filipaiebi 2:11

Ekama beeŋ gbir loŋ nseŋ bugi kɔnɔ basa kikɛ to ŋ kaŋɛ fanɛ Yesu Kristo e la Enyɛnpe na nɛ Ebɔrɛ Etuto na e nya kemaŋkura.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

Kɔlɔsiebi 2:9

ŋkpal manɛ so, Yesu Kristo na to nɛ Ebɔrɛ nɛ mbe kusɔ kama wɔ.

Kelaraŋŋini 15:3

B daa yil nna a kɔ amo a boŋ anebi Mosis, Ebɔrɛ be kenya na be kashɛ nɛ Kpakpafɔlbi na be kashɛ a kaŋɛ: “Enyɛnpetale Ebɔrɛ, Enyɛnpe fo asheŋ woraso kɔ mamachi pasaa! Fo nɛ fo la efuli kama be Ewura na, fo ekpa niŋi nsaa kɔ kashenteŋ amo to pasaa!

Kelaraŋŋini 19:1

Ade be kaman nɛ n nu kusɔ ko fanɛ jimaŋ damta ko be ebɔlana ka shi ebɔrɛso a boŋ to awɔrso a kaŋɛ le: “Halleluya. Kumɔlga nɛ kemaŋkura nɛ eleŋ la an be Ebɔrɛ na peya nna.

Demujipoana 5:21

Lɔr nɛ baa tre Kishɔn na e sulɔ Sisɛra be benapo n yɔ. Kishɔn be lɔr nɛ k wɔtɔ dra dra na kikɛ na e sulɔ bumo n yɔ. Meeŋ ta eleŋ nɛ kenyɛn n yɔ anishito!