Ɛksodɔs 15:17 - EBƆRƐ BE KAWƆL

¹⁷ Fo e naaŋ yɛr fo basa n ya chena fo gbagba be kebee so, kaboŋ nɛ fo, Enyɛnpe lara fanɛ k baa la fo pe nsaa la ebu cheembi nɛ fo gbagba pɔr na.

Ɛksodɔs 15:17 ပူးပေါင်းရင်းမြစ်များ

2 Samuɛl 7:10

N sa ma basa Israɛlebi bumo gbagba be kakpa nɛ b chena, saŋɛ na so, shɛŋ shɛŋ maaŋ naŋ tɔrɔ bumo. Baŋ yili saŋɛ so nɛ b ba chena kasawule ere so kikɛ, basa lubi maŋ yige bumo ama loŋ maaŋ naŋ wora kikɛ.

1 Bewura 8:13

Naniere bre m pɔr kemaŋkura be bɔrɛlambu nɛ feeŋ baa wɔ ndoŋ mbaanaayɔ.”

Nshɛ 114:2

Juda be kebonfu nɛ Ebɔrɛ daŋ ta ŋ ki mbe kakpa cheembi, nsaa wɔ ndoŋ a ji kuwura Israɛl be kasawule kikɛ so.

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 44:2

kananɛ fo ta fo eleŋ n ju basa nɛ b daa wɔ efuli ere so dra dra na, nseŋ shin nɛ an nananyɛnana sɔ kasawule ere nɛ kananɛ fo shin nɛ asheŋ nite nɛnɛ n sa bumo.

Nshɛ 68:16

Kebeegboŋ, manɛ nna nɛ fee besa Zayɔn be kebeegboŋ nɛ Enyɛnpe na lara fanɛ mbe echenakpa nsaa wɔ kumo so saŋkama na eyur?

Nshɛ 76:2

Zayɔn be kebee nɛ k wɔ Jerusalɛm to na e la kakpa nɛ e wɔ.

Nshɛ 80:15

Ba mɔlga kefeelebi popɔrbi nɛ fo gbagba fɛa nseŋ shin nɛ k daŋ n nya eleŋ ga na.

Nshɛ 80:8

An du fanɛ asɔrso nɛ baa tre greeps na be kefeelebi nna, nɛ fo keta anyi n lar Ijipt be efuli so nseŋ ba ju efuli pɔtɛana so be basa n lɛ nseŋ ta anyi n fɛa bumo be kasawule so.

Ɛksodɔs 15:13

Feeŋ bɔla fo kasha nɛ k maa chɛrga na so n juŋkpar basa mo nɛ fo sɔ n yige na, nsaa ta fo eleŋ na a juŋkpar ŋ ŋini bumo ekpa nɛ b ya fo kakpa cheembi nɛ fo wɔ na.

Ɛksodɔs 23:20

Ade kikɛ be kaman nɛ Ebɔrɛ kaŋɛ bumo le: “Meeŋ shin nɛ malaika ko e baa juŋkpar menyi ŋ kuŋ menyi ekpa to loŋ n ya fo kaboŋ nɛ n lɔŋɛ n yili menyi na.

Ɛksodɔs 25:8

Ade be kaman nɛ fo shin nɛ basa na e yuu wajɛbu cheembi n sa ma, saŋɛ na so, meeŋ ba kaa wɔ bumo to.

Ɛksodɔs 32:34

Amoso, bɛta n ya juŋkpar basa na n yɔ kakpa nɛ ŋ ŋini fo na nsaa nyi fanɛ meeŋ shin nɛ ma malaika e baa juŋkpar menyi, ama meeŋ gberge basa na kusoe kachako, ŋkpal bumo be kulubi na so.”

Jɛremaya 2:21

N daŋ lara menyi nna nɛ men baa la ndibi sɔrso be kudɔ lela nɛ k beeŋ baa sɔr asɔrso lela nɛnɛ a sa ma, ama men keni basa men ki naniere! Men ki fanɛ ndibi sɔrso be kudɔ nɛ ekama maa keni so nɛ k ki kupuŋ nn, a maaŋ naŋ tiŋ a sɔr kusɔrso koŋwule gba.

Jɛremaya 31:23

Enyɛnpetale, Israɛl be Ebɔrɛ na yɛ: “Ŋ kaŋ bɛta basa na m ba chena bumo gbagba be kasawule so n loge, baaŋ naa kaŋɛ le ashi nde nɛ a wɔ Juda be kasawule so na: ‘Ebɔrɛ e nɛfa Zayɔn be kebee nɛ bɔrɛlambu na nɛ ewura be laŋ yil so ashi Jerusalɛm nɛ k la kakpa cheembi nɛ e wɔ na.’

Jɛremaya 32:41

Kebaawora bumo kelela e naaŋ baa fuli ma kagbene. Amoso meeŋ shin nɛ b chena kasawule ere so hale mbaanaayɔ.

Ezikɛl 37:26

Ade kikɛ be kaman, ma nɛ bumo beeŋ luri kɔnɔkoŋwule be ŋkre to a ŋini kayurwushi nɛ baaŋ baa wɔtɔ to hale mbaanaayɔ. Ma alɛ beeŋ shin nɛ b baa wɔtɔ nseŋ wora keshi n ti so nɛ ma bɔrɛlambu na e baa wɔ bumo to mbaanaayɔ.

Ezikɛl 37:28

Jemanɛ nɛ meeŋ yili ma bɔrɛlambu bumo to mbaanaayɔ na, nɛ efuliana na beeŋ pin fanɛ ma Enyɛnpe Ebɔrɛ na e lara Israɛlebi na ŋ ki ma basa.”

Ditɛronɔmi 33:19

Baa tre befɔ nna a ba bumo be abee so m baa kaa lara esarga nɛ a daga ashi amo so. Teku so nɛ baa bɔla a nya bumo be kedama; baa bɔla teku ase be eshishɛr so gba a dii dama.”

Joshuwa 22:19

Nɛ kasawule nɛ men nya na maaŋ naa walɛ nɛ men baa bunyaŋ Enyɛnpe Ebɔrɛ na kumo so gba, men ba kasawule nɛ Enyɛnpe be wajɛbu wɔ kumo so na m ba sɔ kasawule ashi anyi kutɔ ŋ ki menyeya. Ama, men sa maŋ kini kenu n sa Enyɛnpe Ebɔrɛ nseŋ pɔr bɔrɛsure popɔr n ti mo peya na so.