Ɛksodɔs 15:16 - EBƆRƐ BE KAWƆL

¹⁶ nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Ɛksodɔs 15:16 ပူးပေါင်းရင်းမြစ်များ

Jɛnesis 35:5

Jeekɔb nɛ mbe kanaŋ ka lar Shɛkɛm a yɔ nɛ Ebɔrɛ shin nɛ kufu pɛ nde nɛ b bɔla amo ase a choŋ na be basa. Amoso b daŋ maŋ tiŋ n wora Jeekɔb nɛ mbe basa shɛŋ.

2 Samuɛl 7:23

Efuli pɔtɛana so ebi kikɛ malɛ maŋ naa wɔtɔ a du fanɛ Israɛl be efuli so ebi nɛ fo lara kenyaya to ashi Ijipt be efuli so nseŋ ta bumo ŋ ki fo gbagba be basa ere so. Fo asheŋ tumase damta nɛ fo wora nɛ fo ketre dii na so e shin nɛ efuli pɔtɛana kikɛ ta bumo agbirana n shile efuliana na so, saŋɛ na so, fo basa beeŋ sɔ ndoŋ n chena.

Nshɛ 105:38

Jemanɛ nɛ b lar a yɔ na, Ijiptebi na be ŋgbene daŋ fuli bumo nna, ŋkpal manɛ so, kufu daŋ pɛ bumo nna.

Nshɛ 74:2

Baa nyiŋi fo basa nɛ fo lara n sa fo kumu dra dra kikɛ na. Basa nɛ fo lara kenyaya to na; yiri nɛ fo lara fanɛ fo gbagba be basa na. Baa nyiŋi Zayɔn be kebee nɛ b daa wɔ kumo so na gba.

Nshɛ 89:14

Fee ji kuwura ekpa niŋiso so, nsaa ji asheŋ nɛ amo be ekpa so nna. Kasha nɛ kashenteŋji bee dii efuli kusɔ kama nɛ fee wora to nna.

Ɛksodɔs 11:7

Ama kakpa nɛ Israɛlebi na bre wɔ, basa maaŋ shu, hale jɔnɔ gba maaŋ gbu. Saŋɛ na so menyi, Ijiptebi beeŋ pin fanɛ Israɛlebi na kɔr menyi to ashi ma, Enyɛnpe Ebɔrɛ na kutɔ.

Ɛksodɔs 15:13

Feeŋ bɔla fo kasha nɛ k maa chɛrga na so n juŋkpar basa mo nɛ fo sɔ n yige na, nsaa ta fo eleŋ na a juŋkpar ŋ ŋini bumo ekpa nɛ b ya fo kakpa cheembi nɛ fo wɔ na.

Ɛksodɔs 15:5

Teku na ka bee baga to a buu so a ba na nɛ k muni bumo so nɛ b chul n yɔ kumo be kaseto fanɛ kejembu na.

Ɛksodɔs 15:6

O, Enyɛnpe Ebɔrɛ, fo enɔ jisa so nɛ kumo be eleŋ kɔ kufu ga na nɛ fo ta m buri fo doŋana to cheche.

Ɛksodɔs 18:8

Nɛ Mosis kaŋɛ mo shanyɛn asheŋ nɛ Enyɛnpe Ebɔrɛ wora Fɛɛro nɛ Ijipt be basa kikɛ ŋkpal Israɛlebi be kenya kumɔlga so. Kumo be kaman nɛ e naŋ kaŋɛ mo etɔrɔ nɛ a tu bumo ashi ekpa to na kikɛ nɛ kananɛ Enyɛnpe Ebɔrɛ chɛ bumo to ashi amo kikɛ to.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 23:20

Ade kikɛ be kaman nɛ Ebɔrɛ kaŋɛ bumo le: “Meeŋ shin nɛ malaika ko e baa juŋkpar menyi ŋ kuŋ menyi ekpa to loŋ n ya fo kaboŋ nɛ n lɔŋɛ n yili menyi na.

Ɛksodɔs 23:22

Ama nɛ men baŋ wora mo kasonu kashenteŋto nseŋ wora kusɔ kama nɛ ŋ kaŋɛ menyi na, kumo ere, men doŋana beeŋ ki ma doŋana nɛ n kɔ bekama nɛ baa kɔ menyi.

Ɛksodɔs 23:27

Meeŋ shin nɛ kufu nɛ keyeŋiyeŋi e tɔr basa nɛ menyee tu na so. Meeŋ shin nɛ men doŋana e kilgi n shile menyi.

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Aizaaya 51:10

Fo e shin nɛ teku peper chiŋgeliŋ na baŋɛ to, nseŋ shin nɛ ekpa dese nchu na to n sa basa nɛ fo mɔlga na nɛ b bɔla to n dii.

Aizaaya 63:12

Nnɛ nɛ Enyɛnpe Ebɔrɛ nɛ e bɔla Mosis so n ta mbe eleŋ n wora asheŋgboŋ n shin nɛ teku peper barga to anyɔ nɛ ekpa dese kumo to nɛ mbe ketre dii mbaanaayɔ na wɔ?”

Jɛremaya 31:11

Meeŋ kɔ n suge bumo ashi bedoŋ nɛ baaŋ tiŋ m pɔɔ bumo so be enɔ to.

Ezikɛl 16:8

Ŋ ka naŋ ba wu fo nɛ m pin fanɛ naniere fo ki eche nna n loge na, nɛ n ta ŋ gbagba be kusɔbuuso m buu fo kayurkpaŋ so. Kumo be kaman nɛ n nase kɔnɔ n sa fo nseŋ bɔ ntaŋ fanɛ feeŋ baa la meya nɛ ma, Enyɛnpetale Ebɔrɛ na e baa keni fo so.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Ditɛronɔmi 11:25

Kaplɛkama nɛ menyeeŋ yɔ kasawule na so, Enyɛnpe, menyi be Ebɔrɛ na beeŋ shin nɛ kufu a pɛ basa nɛ b wɔ ndoŋ na fanɛ kananɛ e nase kɔnɔ na. Esa kikɛ maaŋ tiŋ ŋ kuŋ menyi akpa.

Ditɛronɔmi 2:25

Yili kabre a yɔ, meeŋ shin nɛ kaplɛkama be basa e baa ŋana menyi. Kufu beeŋ pɛ ekama nɛ e beeŋ nu b ka ti menyi be ketre nɛ e baa chicha.”

Ditɛronɔmi 2:4

Kumo be kaman nɛ e naŋ kaŋɛ ma fanɛ n ta mbraana ere n sa menyi: “Menyee sha kebɔla Edɔmebi nɛ b la Isɔɔ be kaman to ebi nseŋ naa la men kurgepoana na be kasawule so n choŋ nna na. Baaŋ baa ŋana menyi,

Ditɛronɔmi 32:6

Menyi bewulpo nɛ basa nɛ b maŋ kɔ nfɛra ere, le a daga fanɛ men wora Enyɛnpe Ebɔrɛ na a? Enyɛnpe Ebɔrɛ na e la men tuto, mo e to menyi, nseŋ shin nɛ men ki efuli koŋwuleso be basa.

Ditɛronɔmi 32:9

E lara Jeekɔb be kenana bre nna n sa mbe kumu.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Joshuwa 2:9

“M baa nyi geeŋ fanɛ Enyɛnpe Ebɔrɛ na ta kasawule ere nna n sa menyi nɛ kumo be loŋ e shin nɛ kufu nɛ keyeŋiyeŋi e tɔr ekama nɛ e wɔ efuli ere so so.

Joshuwa 4:24

Ŋkpal le be kusɔ nɛ k wora ere so bomin kikɛ beeŋ pin eleŋ nɛ an Nyɛnpe Ebɔrɛ ere kɔ nɛ kumo be loŋ e shin nɛ menyi alɛ e baa bunyaŋ mo saŋkama.”

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.

1 Samuɛl 25:37

Kare ka chɛ nɛ mbe kaboo na lar mo to na, nɛ Abigɛl kaŋɛ mo kusɔ kama nɛ k wora. Ndoŋ nna nɛ Nabaal kreŋ n dese fanɛ kejembu na.