Ɛksodɔs 15:15 - EBƆRƐ BE KAWƆL

¹⁵ Kufu beeŋ pɛ Edɔm be bewuraana nɛ Mowab be bejuŋkparpoana ga ŋkpal loŋ so. Keenan be basa kikɛ beeŋ pɔ aba,

Ɛksodɔs 15:15 ပူးပေါင်းရင်းမြစ်များ

Jɛnesis 36:15

Bewura nɛ b daa shi Isɔɔ be kanaŋ to nde. Bewura nɛ b daŋ shi Elifas nɛ e la Isɔɔ be wurkoŋ be mbinyɛnbiana to be eko daa la Teman nɛ Omaa nɛ Zefo nɛ Kenas

Jɛnesis 36:16

nɛ Koora nɛ Gatam nɛ Amalɛk. Bewura nɛ b daŋ lar Elifas be kanaŋ to ashi Edɔm be efuli so ashi Edɔm be efuli so nna na. B daa la Ada mo nanabiana nna.

Jɛnesis 36:40

Bewura nɛ b daŋ lar Isɔɔ be kanaŋ to ashi ntuŋ so be atre nde: Timna nɛ Alvan nɛ Jetɛt

2 Samuɛl 17:10

nɛ benapo kama nɛ b kɔ kenyɛn fanɛ ebuluŋ gba e fara a lɔ kufu, ŋkpal manɛ so Israɛl ebi kikɛ nyi fo tuto ka la enapogboŋ nɛ mbe basa malɛ bee kɔ kena ga.

Nshɛ 48:5

ama b ka wu kumo nɛ kufu pɛ bumo ga nɛ b shile.

Nshɛ 68:2

Shin nɛ b pesaŋ to fanɛ edishi. Shin nɛ b ŋalga fo anishito fanɛ kananɛ kemushoŋmar bee ŋalga edɛ to na.

Aizaaya 13:7

Kufugboŋ beeŋ tɔr basa kikɛ so nɛ bumo be mbre e yulge bumo nɛ bumo be kenyɛn kikɛ e foe. Nɛ ebesagboŋ e tɔr ekama so fanɛ kakurge be ebesa ka tɔr eche nɛ e bee kurge so na. Anishinyɔr beeŋ pɛ bumo nɛ b kurgi amu n yuu to a maaŋ naŋ tiŋ ŋ keni abar be anishito.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Jɛremaya 49:23

Kusɔ nɛ Enyɛnpe Ebɔrɛ na kaŋɛ a laŋɛ Damaskɔs be kaplɛa so nde: “Kagbenejija nɛ kabɔlar daŋ tɔr basa nɛ b daa wɔ ndegboŋ nɛ baa tre Hamaf nɛ Apad na so nna ŋkpal b ka daŋ nu baru lubi so. Kafɔŋ damta daŋ luri bumo to nna fanɛ kananɛ teku be nchu bee ku a ba kaa buu kumo be ekarso so na nna.

Ezikɛl 21:7

B kaŋ bishi fo kusɔ nɛ k ba nɛ fee shu fo kaŋɛ bumo le: ‘Baru nɛ k bee ba na so nɛ mee shu.’ Kumo jemanɛ kaŋ fo ekama be kagbene beeŋ jija mo nɛ kufu e tɔr ekama so nɛ bumo be aba e pɔ bumo nɛ b baa chicha a maaŋ naŋ tiŋ n wora shɛŋ. Kachɛ na bee ba! K maaŋ naŋ chɛr nseŋ ba. Ma, Enyɛnpetale Ebɔrɛ na e kaŋɛ na.”

Nahum 2:10

Ninɛve bure nɛ kumo to be basa shile n lar kumo to; nɛ ki kade bureso a dese fuloŋ, nɛ shɛŋ maŋ naa wɔ kumo to! Nɛ kufugboŋ tɔr basa so nɛ baa chicha. Bumo be eleŋ kikɛ loge; nɛ bumo be anishiakpa ki foleebi.

Habakuk 3:6

Fo baŋ shir n yili, kasawule bee gbuŋgbuŋ nna, fo alɛ baŋ gbɛ ŋ keni malɛ efuliana na bee chicha nna. Dradra be abeegboŋ nɛ abeebi kikɛ bure to n tɔr. Ama fo ere wɔtɔ nna mbaanaayɔ!

Habakuk 3:7

N wu kufu ka pɛ Kushan be yiri to ebi, nɛ Midia be yiri to be basa malɛ bee chicha.

Ditɛronɔmi 2:4

Kumo be kaman nɛ e naŋ kaŋɛ ma fanɛ n ta mbraana ere n sa menyi: “Menyee sha kebɔla Edɔmebi nɛ b la Isɔɔ be kaman to ebi nseŋ naa la men kurgepoana na be kasawule so n choŋ nna na. Baaŋ baa ŋana menyi,

Ditɛronɔmi 20:8

Ade be kaman, nɛ benimuana na e naŋ kaŋɛ benapo na le: “Esa ko wɔ nfe nɛ kagbenejija shin nɛ kufu pɛ mo a? Kumo ere e bɛta a yɔ epe. Nɛ mannɛ aloŋ e beeŋ ta kufu m pɛ benapo nɛ b ka na nɛ b pɔ aba.”

Joshuwa 14:8

Basa nɛ ma nɛ bumo daŋ yɔ na daŋ ta kufu damta nna n wɔtɔ anyi be basa to. Ama ma ere daŋ wora Enyɛnpe Ebɔrɛ na kasonu nna kashenteŋto.

Joshuwa 2:11

An ka nu loŋ nɛ anyi be ŋgbene jija anyi ga nɛ ekama malɛ gba be aba pɔ mo ŋkpal menyi so. Enyɛnpe menyi be Ebɔrɛ na e naa ji kuwura esoso nɛ kasawule so kikɛ.

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 2:9

“M baa nyi geeŋ fanɛ Enyɛnpe Ebɔrɛ na ta kasawule ere nna n sa menyi nɛ kumo be loŋ e shin nɛ kufu nɛ keyeŋiyeŋi e tɔr ekama nɛ e wɔ efuli ere so so.

Joshuwa 5:1

Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.

1 Samuɛl 14:16

Sɔɔl be benapo nɛ b wɔ Gibia na k wɔ Bɛnjamin be kasawule so a dara bumo doŋana na, daŋ wu Filisti be benapo na ka bee shile a yɛla kenishi to kaplɛkama.