Ɛksodɔs 15:13 - EBƆRƐ BE KAWƆL

¹³ Feeŋ bɔla fo kasha nɛ k maa chɛrga na so n juŋkpar basa mo nɛ fo sɔ n yige na, nsaa ta fo eleŋ na a juŋkpar ŋ ŋini bumo ekpa nɛ b ya fo kakpa cheembi nɛ fo wɔ na.

Ɛksodɔs 15:13 ပူးပေါင်းရင်းမြစ်များ

Jɛnesis 19:16

Lɔt ka wɔtɔ a jija saŋɛ nɛ emalaika na pɛ mo nɛ mbe eche nɛ bumo be bibiche anyɔ na be enɔana to ŋ gberge bumo n lar kade na to, ŋkpal Enyɛnpe na ka daŋ wu bumo kuwɔr so.

2 Samuɛl 15:25

Ndoŋ nna nɛ ewura na kaŋɛ Zadɔk le: “Men bɛta ŋkre be deka na n yɔ Jerusalɛm be kade to. Nɛ Ebɔrɛ shuli, e beeŋ shin nɛ m bɛta m ba wu kakpa nɛ k wɔ kachako.

Nehemaya 9:12

B ka dii teku na be kaman, karechɛ kikɛ fo daa bɔla awɔlpa to nna a juŋkpar fo basa kapaso, nsaa bɔla edɛ be kabɔlpi so a juŋkpar a ŋini bumo ekpa kanyɛso.

Nshɛ 106:9

E daŋ kaŋɛ teku peper na nna fanɛ k ku to, nɛ k ku to. Ndoŋ nna nɛ e juŋkpar bumo kasawule wɔlso so m bɔla kumo to n choŋ.

Nshɛ 74:2

Baa nyiŋi fo basa nɛ fo lara n sa fo kumu dra dra kikɛ na. Basa nɛ fo lara kenyaya to na; yiri nɛ fo lara fanɛ fo gbagba be basa na. Baa nyiŋi Zayɔn be kebee nɛ b daa wɔ kumo so na gba.

Nshɛ 77:20

Fo daŋ bɔla Mosis nɛ Ɛɛrɔn so nna n juŋkpar fo basa fanɛ mbolpɔkpapo na.”

Nshɛ 78:35

B daŋ nyiŋi fanɛ Ebɔrɛ la bumo be ekumpo nna, nseŋ daŋ naŋ nyiŋi fanɛ Enyɛnpetale Ebɔrɛ e la bumo be emɔlgapo.

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Ɛksodɔs 15:17

Fo e naaŋ yɛr fo basa n ya chena fo gbagba be kebee so, kaboŋ nɛ fo, Enyɛnpe lara fanɛ k baa la fo pe nsaa la ebu cheembi nɛ fo gbagba pɔr na.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Aizaaya 51:10

Fo e shin nɛ teku peper chiŋgeliŋ na baŋɛ to, nseŋ shin nɛ ekpa dese nchu na to n sa basa nɛ fo mɔlga na nɛ b bɔla to n dii.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Jɛremaya 2:6

Ŋ ka daŋ mɔlga bumo ashi Ijipt be efuli so nseŋ juŋkpar bumo m bɔla kasawule fuloŋ nɛ k la eshishɛr nɛ e biti abar so nawule nseŋ naa la kasawule wɔlso nɛ k kɔ kufu nɛ esa kikɛ maŋ wɔ kumo so ŋko a sha kenite kumo so na be kaman, men nananyɛnana be shɛŋ daa maŋ wɔ ma to.

Ɛfesesebi 2:4

Ama ŋkpal Ebɔrɛ be kuwɔr ka shi ga so nɛ ŋkpal e ka bee sha anyi ga so

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.